هما في لبيت يحكيو ويضحكو ويقص علاهم صوت لباب
-شمس:شكوون
-خولة:انا ندخل
-شمس بصوت واطي:ووه باين فاها معدة هذي نقلها لا
-مرام:اس تو تولي تبكي وتنوح اذيكا وتردنا غالطين ومنحبوهاش
-شمس:ادخل ادخل
-خولة:يعيشك هاي مرام هنا
-مرام:وين عندي باش نكون
-خولة:هذي بيت بيرم؟!
-مرام:علاه متعرفهاش
-شمس:بيتي أنا وياه😆
-خولة:اي نعرف
-مرام:فمة حاجة
-خولة:لا فمة شئ تحبني نخرج
-مرام:لا لا فيبالي صاارت حاجة
-شمس:انا باش نمشي نساعد خالتي في تطيب لفطور
-خولة:ستني هاني جايا معاك
-شمس:بطلت نحس في راسي يوجع فيا نحب نرقد
مرام شدت ضحكة بسيف غزرتلها خولة وقالت:
-نوم لعافية
-شمس:يعيشك ايا بري اا مرام شدي بيتك..اي وكي جي بيرم فيقيني
-مرام:لا تو هو يفيقك علاش انا
مرام عاملة بلعاني على خولة تحب تفزرلها واكهو
-خولة:وقتاش يروح هو في لعادة
-شمس:وانتي علاش تسألي😡
-خولة:متتغشيش هكا والله بحسن نية سإلتك سؤال علخاتر نحبو يهزني لدار خالي
-مرام:تو نهزك انا ياروحي هو يروح تاعب وزيد كي شوف مريتو موش باش يتلهي بيك
-خولة:اااه باهي ...انا هاني مشيت
-شمس:لحمدولله كي فهمت روحها...اهي انتي اكذابة من وقتاش كي شوفمي يتلهي بيا
-مرام :هههههه اسكتي محكالكش بيرم
-شمس:على شنوة
-على خولة
-لا وصاني باش منكلمهاش اما محكاليش
-ماى فك عليا تو يتغشش كي يعرف الي انا حكيتلك
-تي احكي برك والله لا نقولها
-وعد
-هكا تو
-باهي ههه خولة هبلت على بيرم ياسيدي لين ولت كل عطلة تجي لهنا وتعديه طول نهار لاصقة فيه وهو مينجمش يعيط علاها منهم نهار صيا فاض بيه لكاس شدها مزبلها مخلالهاش عاد روحت تبكي وتمخط لامها وقلتلها الي هو حب يتعدي علاها ههه عاد جات وقالت والله يايخطبها يانفضحو تعاركت امي وامها وقتلو امي ياتختار طفلة نمشي نخطبهالك ياا انا نمشي نشوفلك طفلة
-هاي كملي
-نهار ورجعلها وختارك انتي
-هو ختارني انا موش خالتي خطارتني
-لا...
-ومنين يعرفني لاه هو وعلاش محكيتليش هذا قبل
-تي حتي كان حكيتلك باش تصدقني لاه انتي وزيد داركم فين لاه انتي ابايك فين يخدم موش فلهنشير متاعو وداركم وين ماو غادي عاد هو ديما ولا يمشي ثميكة ملول شكينا فيه ومبعد فهمنا لحكاية
-يعني هو بلحق يحبني و...
-وشنية؟!
-لا لا حتي شئ
-هههه نحسك ليوم متفرهدة اشعملتو كي مشيتو
-احشمي وزيد اشعني نعملو
-تي احكي مشنا خوات لاه احنا
-باهي اسكتي برك اما هاني باش نحكيلك ومتضحكيش
-والله لا نضحك
-انا بديت ن...نح..نحبو
-امغغ امغ..
-مش قلتيلي والله لا نضحك
-غصبن عني والله هههه معنتها عملك حاجة باهية ليوم
-اي
-احكي
