عدي يدو على شفايفها وهي بكلها ترعش وتبكي
كي دموعها هبطو على يديه هز راسو وغزرلها منجمش يكمل بعد علاها شوي هبطت راسها لوطة جبدلها روبتها لبسهالها وخرج طاحت في لقاعة من رعب حتي ساقاها منجمتش تكمل تاقف علاهم
طلع صباح جديد فاقت تلقي روحها راقدة في لقاعة وهو مثماش جملة هبطت تلوج عليه
-شمس:صباح لخير خالتي
-فاطمة:صباح نور..فينو بيرم
-علاش مجاش قصدي مفطرش
-لا ماريتوش جملة علاش موش في بيتو
-اه لا لا خرج على بكري ليوم
-شمس بنيتي لباس والله لبارح كي سمعت صوت لعياط ترعبت
-هه متخافش ماو هو يفيق فيا وانا مافقتش ياخي حب يخوفني عيط بلعاني باش نفيقلو ونتلهي بيه
-اااه هههه هيه واجابلك
-هه سر ميتحكاش
-شمس
-انعم
-شنوة ازروقية الي علي رقبتك
دزت شعرها وغطتها تفكرت ليلة لبارح تبسمت تبسيمة صفرة وقلتلها
-اه لا حتي شئ
-باين فاها ليلة تهبل هههه
-في سرها:اممم ليلة زرقة
-هيا افطري
-صحة ماعينيش...مرام مشات تقري
-لا هاني راقدة
-باهي خنمشي نشوفها
طلعت بحذاها لقاتها راقدة
-مرومة يامرومة فيقي لتو راقدة موش من عوايدك
-اممم ماي ليلة زرقة
-علاه لطف
-نسيتي بيتي لاصقة في بيتك نسمع كل شي
-شمس:مرااام
-ييه سامحيني ياشمس والله لاقصدتها اما الله غالب والله وزيد شبيه هو كلب انا الي مشيت وفيقت امي محكيتلهاش اما قلتلها راو سمعتو يعيط
-اوووف يامرام اووف والله خايفة
-مناش
-ملي خرج لبارح في ليل مرجعش يعطيني سخطة لكلو مني
-فاش منك حتي هو ساقط ميجيش شئ بالغصب راو حتي انتي مراة وتحسي خليه اكاكا
-زعمة معملش حاجة في روحو
-يابنتي سبقي لخير لطف...باهي اشرايك هاني ليوم منقراش نمشو ندورو شوي
-هاااا تحبيه يڤطعني والله يستنالي فاها اذاكا خلي يروح ونرضيه ومبعد تو نخرجو
-ههه باهي
-زعمة نطلبو
-امم جربي
طلبتو لقات تليفونو مسكر عينها غرغرو بدموع
-مرام:ووه على لبكي طول نهار تنوحي
-مسكر تليفونو زعمة شبيييه
-تي اسكتي برك متكبريهاش نشالله مغما كان لخير اسمعي ايجي ارقدي بحذايا شوي ارتاح ياديني وانتي معدلة كي لمنڤالة شوفي عينك حوقت
- ڤحزي هكا شوي
