-ايا هاني مشيت
-في ضمانة ربي
خرجت شمس فرحانة عندها ايامات ممشاتش لدار بوها ستاحشتهم علخر برغم الي عملوه فيها
وهي اكاكا تترنح وجماعت لقهوة لكل تنصبت عيونهم علاها حشمت هي وهبطت راسها وتعديت
مع لاربعة خرج بيرم ومشي باش يجيبها من دار بوها
-مرحبااا بالغاالي
حبس لكرهبة وسلم عليه:
-وينو حيك ياراجل
-هاني رجعت للخدمة مع اباي في لقهوة خنساعدو شوي على هم الدنيا
-يعطك الصحة
-ايجا اعمل قهيوة رتح باها اعصابك نحبو نذوقو طعم فلوسك ياراجل
-هههه نشالله مرة اخري والله ماشي تو نجيب في لمراة من دار بوها
-شمس؟!
-اي
هبط راسو وقلو:-اما محقكش تخلاها تجي وحدها تعرف ناس لهنا وخاصة رجال
-هه وحدها شنية موش جات معاها امي
-ليلا فاطمة مريتهاش تعدت شمس من قدام لقهوة وحدها وكالرجال لكل رامين عيونهم علاها والله كان موش خوف من اباي الي محلفني باش منعملش لمشاكل والا والله راني كسرتلهم رووسهم
عينيه حمارت كبس على ايدو ومنغير ميشلق خدم لكرهبة ونده يضرب في ايدو على لفولو ويعيط
-باااهي عملتي الي في مخك لكل ليووووم حسابك معايا قسمابالله الي معملتوش سنين لكل ليوم باش نفشوووو فيك ياشمس ربي خلقك انا نضيعك تو تشووووف
حست روحها مخنوقة استغفرت ربي ومعطيتش اهمية للموضوع وصل لدارهم دز لباب ودخل
-زهرة امها:اهلا بوليدي بيرم
-بيرم:اهلا امي زهرة
-شمس:جيت بيرم نحطلك فطورك والله طيبت...
-بيرم:اطلع في لكرهبة فيسع
-شمس:اشفمة خالتي فاطمة لباس
-لباس لباس اما باش نرجع نخدم مزروب مبعد منجمش نرجعلك
-شمس:ايا نبقيك بخير امي سلميلي على اباي
-زهرة:على خير ردو بالكم
ركب في لكرهبة وهي بحذاه
-بيرم:وصلتك امي
-اه ...اي اي وصلتني
-ايا باهي
-شبيك متغشش صارت حاجة
-لا مثمة حتي شئ
-ايا باهي
روحو لدار دخل وجهو مقلوب غزر لامو لقاها في لكوجينة طيب وشمس طول دخلت تجري بحذاها
-شمس:اممم ياخالتي مبنها ريحت هالكسكسي
-والله طيبتو على جالك
-حطيلي شوي
-هيا
-بيرم:شمسسس
-شمس:اشبيك تعيط
-كمل كول واخلط عليا للبيت عندي منحكي معاك
-شمس:معايا انااا
-بيرم:قتلك عندي منحكي معاك مالا على شكون
-شمس:اخي شنوة عملت انا باش تقولي اخلط عليا عندي ما نحكي معااك
دار و طلع لبيتو غزرت لخالتها
-شمس:راني والله لعملت شي
-فاطمة:نحي من يدك و برا كمل كول من عندوا
-شمس:علاش شنوة عملت انا معاش تقولي اكاكا تخوفني
