جات مذي ساعة وشمس نوم لحب يجاه كل مرة تسمع حس تقول جنون سور لكل قراتهم وهي ترعش بكلها تري حاجة كحلة تشعل ضو تلقاه دبشها ملوح تعاود الضو وهي موش مسكرة شباك بالقدي فيسع متحل ولت ترعش بكلها من لخوف هزت مخدتها وخرجت من لبيت حلت باب بيتو بشوي ودخلت تمشي على طراطش صوابعها جات وتكات بحذاه حشاات رااسها في صدرووو وهو كي شم ريحتها تبسم فيبالو يستخايل
طلع صباح جديد قام بيرم على بكري حل عينو يلقاها راقدة بحذاه محملتو قول خايفة لايهرب علاها جاء باش يقوم اما كي شاف تعب على وجهي غاضتو منجمش يفيقها رجع غمض عينو وعنقها بالقوي وكمل نومتو
جات ثمنية طلعت مرام باش تفيق شمس ياخي ملقاتهاش
-هااا وين عندها تمشي هذي...امي امي
-انعم
-امي ماريتش شمس
-لا مريتهاش علاش موش في بيتها
-لا مثماش
-ياشووومي بري فيقي خوك زعمة وين عندها تمشي
-منعرش ياااربي سيدي امنيتي نهار نلقي دار موش صايرة فاها مصيبة
دزت لباب ودخلت لقاتهم زوز في صحفة لعسل محملين بعضهم تبسمت وخرجت
-فاطمة:هاه فيقتي خوك ليوم يكوليلها لڤلب متاعها استر يا ستار
-لا لا معندو مايعمليلها ههه
-اشبعزاك تضحكي
-هو عيب نحكي اما الله غالب دخلت نلقاها راقدة بحذاه وحاشية راسها في صدرو كالصغير هههه والله محلاهم وهو محملها
-ههههه ياربي حني والله نعرفهم يحبو بعضهم اما روسهم صحيحة حد ميحب يطيح شوي
-مالا خنحضر روحي معادش بكري عليا
-وقتاش تروحي ليوم
-نقري تسعة نروح لاربعة
-باهي وحلي عينيك وردي بالك راو كل شئ يوصل لخوك
-باهي يامي ايا نخليك
حلت عينها تحس في روحي مخنوقة لقاتو محملها دزتو وقامت تنطرت من فوق لفرش
-فااااش تعمل
-انتي فااااش تعمل في بيتي
-اه انا في....ااه ما...ماني...لب..ب..
-انطقيييي
-شمس:😢😢
-علاااش تبكي فهميني
-😢😢لبارح في ليل خفت نسمع في حس وشباك لبيت تحل وحدو والله ياخي تلزيت نجي بحذاك
-كملت لمسرحية تو بري اخرجي
-مسرحيت شنوة والله لان....
-خرجتش توووو
-ح..حاضر
دخلت علاهم فاطمة كشاكشها طالعة
-بيرم:امي شبيك
-فاطمة:فدييييت من مشاكلكم باااش تفضحوووني اكثر واكثرين تعرفو ايامات وخالتك منيرة هي وبنتها خولة جايين وماك تعرفهم وين يمشو لسانهم يمشي معاهم والله مانتفضحو من جرتكم هاااني باااش نوصيكم كلمتين يدخلو منا معادش يخرجو انتي لا عاااد تسكر ولا تعيط على مرتك تحترمها قدامهم وياويلكم نسمع بيكم تعاركتو وهي موجودة لا عاد امكم ولا عاد نعرفكم كان تحب اخرج من صباح بكري وروح مخر لمهم لمشاكل لا تي هي تستنالنا فاها مبعد ماحبت توخذك لبنتها ونحنا مقبلناش ومشيلنا خطبنالك هبلت علينا مرتحنا الا معرسنالكم زوز ولميتو على رواحكم ترقدو فرد بيت تضحكو وتلعبو مع بعضكم وكإنو مصار شئ تفهمو فيا
-امي لكلام هذا تقلهولها لاها هي موش ليا انا
-شمس:تو انا وليت لغالطة
