خرجت تغزرلو قاعد في بيت الصالة يتكلم في تاليفون
-شمس:اشهمني فيه ملا راحة منو...اما زعمة فشكون يكلم زعمة مراة اخري لا لا ميعملهاش هه لا لا اصلا شكون باش تحملو...لا يحملوه مزيان يهبل لباس عليه الف طفلة تتمناه والله كان يطلع الي في بالي قسمابالله منقتلو ونشرب من دمو
-مرام:ههه شبيكي تحكي وحدك اشفمة
-مرام
-انعم
-تو بيرم زعمة فشكون يكلم
-هه علاه غرت
-فاش قام باش نغير هه اما موش مستانس
-باش مستانس
-يطفيني😢
-يوووه قتلك الف مرة معادش تبكي تو انتي ماكش تكرهو ومتحملوش
-اي
-يعني عادي ميهمكش فيه يعمل الي يحب عليه معادش دور بيه
-اما موش يطفيني جملة وحدة
-انتي حبيتي هكا موش هو
-هو كان سبب كل يوم يضربني كل يوم يعيط عليا علاش يعني كي نخرج منغير منشاورو طاح بيه مركب ولا كي نمكيج ونلبس عيب
-يابنتي راكي معروفة لهنا الي انتي من لزين لبنات في ريف ولكلام يكثر عليه هو موش انتي وتعرفي مقامو عالي بين لكبارات اقل كلمة يمشي تعب سنين الي خدمهم وتعب علاهم تحبي ناس تولي ضدو
-...لا منحبش اما تعرفي اشقلي
-اشقلك
-قلي بعد نهارين نبدا انا قاعد و انتي باش تجي و تطلب السمااح عالكلام الي قلتيه و على كل حرف خايب خرجتيه في حقي و على كل فعل عملتيه و انا نوعدك الي موش باش تشوفو السماح مني
-يهلكك تعرفيه كي يقول كلمتو معادش يرجع فاها صيا ارتاحي تو معادش باش يهز عينو فيك
-بلحق هاااا زعمة نطلب سماح تو تو
-لا عاد فات لفوت ياميمة وانا معندي مانعملك وخيتي
-وجه لبومة طيحتيلي لماء في ركايبي ومشيتي
-ههه تو نبات لهنا نمشي نساعد امي
هبطت لوطة مطبسة راسها قعدت بحذاه تتبهنس
جاء باش يقوم شدتو من ايدو
-بيرم😢
-اشتحب
-بالحق....
-ازرب تكلم عندي مانعمل
-نح...نح..ب...ك..ت..س..
-فاش تحكي تكلم كالخلق والا مانتجمش
-حتي شئ بري على روحك....اووف يمشي يزمر اشكرهتو
في ليل كل واحد شاد بيتو كان مرام وفاطمة في بيت صالة
-فاطمة بصوت واطي:واشباهم ليوم زوز لابو يتعشو ولابو يهبطو
-هازين خشوماتهم على بعضهم
-اااه ربي تستر والله تعرفي خالتك منيرة جايا هي وبنتها لهنا
-علاااه
-ماو عرس ولد خالك لفاضل بعد ايامات عاد جايا بحذانا تو تشوفي لفضح وماكي تعرفاهم هما يمشو ولسانهم يمشي خاصة اكبنتهم وزوز هاذم ميركحوش منعرش شنوة لازم نعمل معاهم
-هههه يامي انتي احسن ام في العالم لكل والله ههه باهي هاو جاك باش تمشي....
وبقات مرام تفسر لامها اش باش تعمل وهي شايخة علاها لفكرة
-مرام:هااه اشرايك
-هههه يهلكك هذي فكرة باهية تو نوراهم لعين لحمرة زوز
