اخر حلقة🔞💯💯
روحو لدار لقاو امو ومرام غادي يبدلو في دبشهم
-فاطمة:فين كنتو نهار كامل لفرح بدا وانت وياها مثماش ريحتكم
-بيرم:هيه هانا جينا تو
-فاطمة:تصالحتو ولا مزلتو متعاركين
-مرام:علاه وقتاش تعاركو
-بيرم:مصااار شئ اكهو
شدلها ايدها وقلها
-كان تحب ترتاح ميسالش منغير متمشي
-شمس:لا لباس نبدل دبشي ونمشيو
-فاطمة:نحنا هانا سبقناكم
طلعت للبيت باش تبدل دبشها
-اش باش تعمل
-باش نبدل دبشك
-لا لا
-اشفمة
-لازمك تو تشبع ولدي قبل ماتخرج هيا نحضرلك عشاك
-هه هههه هههههه انتي اطيب
-ايه عاد شبيه مقتلكش امي عديت عامين في تونس نسكن غادي نقري اما ميطيبلي حد طول عمري نطيب وحدي
-مالا علاش رجعت هوني ومكملتش قرايتك
-علخاتر بابا وخويا عملو اكسيدون مبعد ماتوفاو روحت وتلهيت بالدار
-شمس:....
-وتو يزي من الاسئلة وتعشي
-تأمر شاااف
تعداو ثمنية اشهرة ولدت شمس بنية سميتها مريام ناس لكل ملمومة لوطة حلت عينها تلفتت متلقاش بنتها بحذاها تنطرت من فوق لفرش وخرجت هبطت تسمع في صوت ضحك
-فاطمة:هاي فاقت لعروسة
-زهرة:ااه ميمة فيقتي صحة لبنيتي
مجاوبتهمش بقات تلوج بعينها علي بنتها تلقاها في حملت بيرم
-شمس:اعطيني بنتي
-مرام:هههه ووه موش باش ياكلها راو بوها
-بيرم:لا لا خلاها كان نفوكوهالها تو تولي تبكي علينا في عوض منسكتو مريام نولو نسكتوها هي
-زهرة:ههههه
-جارتهم مني:مشالله مشالله على زين هالبنوة
-ادم (ولد مني):ماما نحب نعرس باها
-زهرة:هههه مالا لا اقري على روحك ومبعد ايجا اخطبها
-ادم:عمي بيرم عمي بيرم
-بيرم:انعم
-ادم:أنا كي نكبر نحب نجيب بنوته مزيانة كيف مريام..اما اشعملت باش تجيبها هكا مزيانة
-مني:ياوخياني على هاطفل هيا نروح بيك
ناس لكل قامو يضحكو حشمت شمس غزرلها بيرم وتبسم
مدلها مريام بقات تلعب معاه اما مزادتش شوي وفحمت بالبكي شمش ترعبت
-فاطمة:متخافيش يابنتي تحب ترضع
-زهرة:ايجي تو نوريك كيفاه ترضعها
غزرتلو وكي قلها بري معاها قامت وطلعت مع نص نهار لكل روحو طلع للبيت لقاها ترقد فاها
-بيرم:اشباها لتو لا رقدت
-شمس:مباتش ترقد
-بيرم:ميسالش خلاها تلعب
-ووه مالا طفل والله حشمني بكري
-ههه ادم والله ذكي اذاكا تو تشوف اشيطلع وزيد اشغاها كان قال اشعملت ياعم بيرم لاه احنا موش باش نعاودوها وجيبو بيرم صغيرون
-احشم بيرم اووف
-هههه بو زينو هو لحشام
تعدات لايام وبيرم وشمس رجعو كيما قبل والا احسن من قبل برشا روحت مع السبعة لدار شطر نهار عديتو في دار امها دخلت تلقاها ظلمة ومفمة حد
لبلاصة لكل بالشموع والورد جو رومنسي قعدت تغزر وعينيها قلوب وكيف دارتلو تو بالحق لقلوب بانو في عينيها وهو مركز مع كل تفاصيلها كتلة اغراء واقفة بحذاه بقي مركز معاها وحلت باش تتكلم باسها بوسة خفيفة من شفايفها وقلها
-شمس نحبك
حست روحها في اكاللحظة اسعد انسانة من كثر لفرحة دخلت بعضها ومعرفتش اشتعمل حملتو بالقوي قريب تتدخل في ضلوعو
-حتي اناااااااا نحبككككككككككك
بقي يضحك علاها تعشاو وشطحو عملو جو تعدات ليلة رومنسية تفطق لعشاق تلمو مبعد عذاب طويل وصراع كبير بين لقلب ولعقل...
وهكا تكون وفات حكايتنا مرسي للي تبعوني لكل ونشالله ياربي تكون عجبتكم كتيبتي مرجتكم شوي سامحوووني❤اما مذبيا مبعد هالتعب نحب الي قراوه لكل يعطوني رايهم ميسالش❤متاكدة الي انتم ماكمش باش تبخلو عليا🔥❤ونشالله نرجعلكم بكرونيك جديد قريبا❤#منقولة✏شيماء
