طلع بحذاها لقاها واقفة قدام شباك وملصقة وجها فيه تغزر لشارع
-فااش تعمل
-سخطة مفجعتني
-سخطة...ماكش باش تحسن من منطقك لعااادم
-😢علااه شبيه منطقي
-ماسط وعادم ومجي شي
-اممم لبنات الي تعرفهم انتي هما الي منطقهم احلي
-بنات؟!ههههه وين ريتهم هالبنات
-يامن وراني اشعامل من ورايا راك تخون فيا وتقلهم عندي مرتي ولا لا متقولش عندي مرتي راك كليتلي راسي ضربة وحدة
-سيناريو باهي هذا اي كمل هاني نسمع فيك
-معنتها مانيش نكذب مدام تقول كمل في عوض متقول نح....
تبسم تبسيمة خبث وقلها:-في عوض منقلك شنوة
-في عوض متقول ن...ن..نعملك قيمة بين ناس😓
-لا لا لجملة لخري كانت بحرف حاء
-لا ماني غلطت في عوض منقول نعملك قلت نحملك
-اما انا بلحق نحبك
قربلها وزدلها شعرها تالي وبقي يمسح على وجهي جبدت روحها وقتلو
-اااه ااااا😲
-شبيك؟!
-خلييت مرام وحدها لوطة علااه هكا مسكينة خنمشي بحذاها
-ايجا وين ماشية مرام في بيتها تراجع في دروسها
-مصلعين راهم
-اي ماو مبعد لعطلة يبداو يعديو
-ميسالش خنمشي تقريني معاها شوي
-هه هههههه اش باش تفهم لاه انتي منها لقراية
-😢اشتقصد الي انا وحدة جاهلة
-....جاهلة مقلتش اما راك...
-راني شنوة كان موش منك انتي راني نقري على روحي اما انتي حارمني من كل شئ انتي قلبك خايب متحبنيش انتي تكرهني وانا نكرهك😭😢
-انا قلبي خايب كان جاء قلبي خايب بلحق منشريلك...
-شنوة متشريليش
-تحب تمشيييي لمرام بري اخرررج
-علااش تعيط اشقلت لاه انا
-شمس انا نكرهك ومنحبلكش لخير باهي هكا بري تو
غزرتلو دموعها خذاو ثنية خرجت تجري ضرب ايدو على راسو
-اووف اشمقولك
بيرم شرى لشمس ادوات باش ترجع تقري باهم اما موش سنة لعام جاي علخاتر عمايلها ديما يبدلولو راي وخايف لاتتعرف على حد في ليسا وينسيها فيه
مد راسو من شباك يلقاها تجري لبري وتبكي حبط يجري خدم كرهبتو وخلط علاها كي شافتو هزت روبتها وبدات تجري بلقوي وهي باش دور دورة تلقاه قدامها
-اااه قلبي منين طلعتلي
-هلى شكوون هاربه اه مشك عارفتني باش نخلط عليك
-😢نحب نمشي لدار بابا ومعادش باش نرجعلك
شدها من ايدها بلقوي وركبها في لكرهبة
-سيبني تو والله نعيط ونقلهم خطفني
-هه تو يصدقو وحدة فرخة كيفك
روح باها لدار هبطت تجري لبيتها خلط وراها حبت تسكر لباب عليه دزو مشات لتولات تجري وهي تحاول تسكر في لباب عليه اما منجمتوش دز لباب هو يقدم وهي توخر لين قريب تلصق في لحيط
-علاااش تتفورخ تحب تن** في مخي ولا شنية حكايتك
-😢مع..معادش نعاودها والله
حصرها في دوش لين معادش تنجم تهرب عمل هكا وتحل سبالة الدوش ترنخو الزوز
-اشعملت يافرخة
-ااه قتلك ابعدني
-اااخ سكرها سكرها
-باهي ابعدني شوي ااااه تخنقت تخنقت خنبعد
غزرلها تبسم شوي قربلها وطبعلها بوسة خفيفة على خدها عاود باسها مرة اخري وكل مرة يبوسها فاها يقرب لفمها
-اا.ب.ب.ي.رم..تخن..قت
-بيرم:نحبك نعشقك ياشمس منحبكش تكون لغيري تحب ترجع تقري باهي كل شئ حاضر ادواتك دبش جديد لفايدة حبني كيما ما انا نحبك
-اما😢انتي ديما تضرب فيا بلقوي توجعني
-معادش نوجعك
-اما باش تبقي تضربني
-...كي تحبني كيما ماانا نحبك معادش نضربك ومعادش نعيط عليك
-بلحق
-وراس عينيك
-ونجم نخرج
-كي نبدي انا معاك ميسالش مبعدي لا
-بيرم...مزلت خايفة منك
-متخافش وعدتك راو والوعد على قطع الرقبة
-ههههه باهي هاني باش نعطيك فرصة اما راك تضربني معادش نحبك ونولي نكرهك
-هههه باهي
-بو حبك
-شنوة قلت
-قلت بو...حبك😯
-هههه نحبك ديما هكا
-باهي يزي راني ترنخت تو نمرضو
