-فاطمة:تسمعو فيا اشقلت الجمعة هذي جاية منحب حتي مشكلة لين تروح
-شمس:قلو ليه هو انا خاطيني هاني ساكتة على خيري وعلى شري
-فاطمة:يعيش ولدي اخطاها تو بري هزي دبشك لبيت وانسو الي صار لكل باهي اقعدو مع بعضكم وتفاهمو شوي
-بيرم:انا تو ماشي نخدم لعشية كي روح تو نتفاهمو
-فاطمة:ربي يعينك ولدي
-يعيشك امي مناقصك شئ
-سلامتك ياكبدي
-بيرم:وانتي مناقصك شئ
-شمس:انا عندي اسم راو ومنحب منك شئ
حمر عينيه جاء باش يجابوها غزر لامو ستغفر وخرج
-فاطمة:اشكنت نوصي انا
-شمس:اشكنتي توصي...قسمابالله عرفا ومتأكدة جيت اختك سبة عملتاها باش تصلحي مابيناتنا
-....منهو الي ڤلك ااه قصدي مثماش منها لحكاية هذي
-ايوووو باش تعداها عليا يااا فطومة ههه راني قاريتك على كل حال ربي يخليك ليا والله انتي اعز من امي
-هههه يعطك رحمة بفعالك لكل وعمايلك منجمش نغضب عليك ههه
-هههه اي واش باش نعمل انا وياه اذاكا
-انا لعشية تو نهز مرام ونمشو بحذا خويا لفاضل ماو عرس ولدو قريب ونخليكم انتي وياه اقعدو على راحتكم وتفاهمو
-لاااا لا نخاف وكي يضربني
-اشعندو يضرب بااش تتفااهمو راو موش بااش تتعااركو وهيا تو نمشو نحضرو لفطور
مع لخمسة روح لدار لقاها حاطتلو فطورو وتستني فيه
-بيرم:فيني امي
-ربي يعينك ساعة
-الله يعيشك وفيني امي
-خالتي فاطمة خرجت هي ومرام لدار خالك لفاضل و قتلي اقعدي انتي وراجلك وحدكم باش تتفاهمو على راحتكم
-بيرم:وانتي معاك كلمة حتي كي نكلمك منا دورلي من غادي متفهم شئ
-اشتحبني نعمل باش نجن
-تسمع كلامي
-وانا معنديش كلام معاك نبقي طول عمري ساكتة حتي كي نري لغلط
-تي منوقتاش انتي تفرق بين لغالط وصحيح
-على هذاكا انا تعبت معمرك ماحبيت تفهمني حاسب روحك انتي ديما صحيح معمرك ماسمعتني ولا خذيت مني حتي كلمة
-لمطلوب
-سااااهلة برشا يابيرم كل واحد يمشي على روحو نطلقووو
-قتلك الف مرة لحكاية هذي نحي جد امها من مخك متفهمش ياااخي
-منفهمش منفهمش منفهمش ومشني باااااش نفهمك لاااااخر عمري طلقنييي واكهو منحب منك شئ فلوسك خلاهم عندك ماحشتيش باااهم
-هه بوك باعك علجال لفلوس وناس لكل تعرف هذا لكل يجيش منو انا نرجعك اكاكا بيدك على راسك نخاف ليطردك
-قداااااش كرهتتتتتتتتتك ااااااععع
-ميسالش
يحكي معاها بالدم البارد اما هو من داخل قلبو باش يطرشق
-اقعد فاااها تو اما والله مطلقني
-طلاق حلمة اذيكا تحلمها باهي وتو خليقتك معادش نحب نشوفها جملة لا فليل ولا غدوة
-شمس:😠😠
طلعت لبيتها سكرت لباب بلقوي ضرب ايدو على طاولة وخرج
مع سبعة لكل ملمومين على طاولة لعشاء يغزرو لبعضهم كان هو ياكل ولا علبالو
-مرام:بيرم ويني شمس
-فاطمة:كل ليلة لازم واحد غضبان
قامت مرام جات باش تطلع تشوفها ويحبسها صوت بيرم
-وووين على خير
-مرام:باش نمشي نعيطلها تجي تتعشي
-بيرم:قتلك انا قوم ااه شاورتني شد بلاصتك ومعادش تقوم منها والي باش يمشيلها مبعد ميلوم كان روحو منظرها منحبوش مابيناتنا جملة
-فاطمة:ياوليدي باش تبقي لشر وشمنط
-بيرم:تو كي كل وااااحد يدخل لبييييتو تو تخرج وقتهااااا وتاااكل
علا في صوتو بلعاني باش تسمعو سمع تختريش دور راسو لقاها هي تحكي بالاشارة مع مرام هبطت مرام راسها وسكتت وهو طول شعل فاها
-اشقتلك انااااا اه اشموصيييك تفرح يعني كي تعكسلي كلمتي والا شنوة حكايتك
-فاطمة:سيب...
-بيرم:حد مايدخل حااااجة بيني وبينها كل واحد يتلهي في صحن الي قدااامو منحب نسمع صوت حد
-شمس:ج...جعت هبط نشوف في حاجة ناكلها
-بيرم:اشهمني فيييك توجع ولا ترقد اناااا كي قتلك متخرجش يعني متخرجش جملة
-شمس:كرشي تغروط ملعشية مكليت شئ😢
-بيرم:اخرج امي انتي مرام
