-يهلكك قلبو مناش مصنوع هذا ميحسش كالعباد والله نادمة على نهار الي مسني فيه وليت مرتو يهلكك نشالله تموت
دخلت علاها مرام منغير حتي مدق لباب
-مرام:ديما تدعي عليه ههه
-ألهم انتم زوز خوات باش تجيبو اخرتي متعرفيش دقي لباب ايا طلعنا نعملو في حاجة
-هههههه حاجة....هههه انتي وبيرم هههههه يعطك سخطة جيبتيلي ضحكة ماعينيش فاها تي هاو عرضني تو دجاج لكحل داير بيه اقسم بالله يعفس على طاجين يقعرو
-امم يمشي يزمر ومن وقتاش هو يضحك ماو ديما اكاكا
-والله شئ ساعة يحبك
-هه اشخلاه كل يوم لازم يوكلني طريحة
-تي من عمايلك سخطة تو هوا يقلك كي تجي باش تعمل حاجة قلي انتي لا لازم تعكس كلامو
-محسوب تو يخرالي فيه صيد بو ڤلادة عمروش نهار ملي عرسنا جابلي حاجة هكا وفرحني باها شئ
-ساعة انا جابلي كي دخلت لبيتي تو نلقي كادو فوق فرشي جابلي منڤالة وانواع شكلاطة لكل فراز وكرامال وحليب ومرة بلوز ولفزدق اممم يشهو
-احبسي احبسي فيينهم يااا هاملة متجيبيبليش حتي كعبة
-اڤلبي وجهك اتو هو يجيبلك وانتي ديما تبكي وتنوحي افلحي في حاجة كلميه نهار بسياسة وشوفي
-اخرجي اخرجي كي سيدي كي جوادو
-هههه زينيلي ياحبي البسيلو...
-خرجتييييش تو
-ههههه بونوي خسارة راجلك خلاك وخرج
-الله لا يردو وهف ليك وليه بري اڤلبي وجهك عليا
طلع صباح جديد قامت تلقاه راقد ومحملها جبدت روحها بشوي وقامت
-شمس:هالصباح يعطيها يعطيها ڤد ڤد بالشراب ومبعد يجي خيط مصاب كان جيت محملني بالحق ونحل عيني نلقاك هكا تتبسملي وتصبح عليا وتجيببلي فطوري للفرش ااه....يزي من الاحلام الي معمرها متصير جملة
بدي يتوحوح براسو دز شعرو تالي
-ااه راسي...شمس
-هاني هوني شبيك قول هربت عليك
-جربي سعدك هالصباح
-خنمشي انا منحبش لعرك على صباح
-بيرم:...
-امم قتلي مرام على لكادو الي جيبتهولها لبارح صحة لاها ااه
بدات تلمحلو شوي باش زادة هي يجيبلها تبسم منغير ميشلقها وفيسع مرجع وجهو لاخر
-بيرم:اي علخاترها عاقلة تسمع كلامي موش كي برشا عباد
-و...وكي انا ليوم نبقي عاقلة هه تجيبلي
-انتي..هه😏ياذنوبي
-علااااش شبيني ااه قصدي نركح والله
-زيدي عيطي سمعاهم
-س..سامحني معادش نتكلم
-تو نشوف كان بقيت رايضة نجيبلك كادو احسن منها بألف مرة
-بالحق وشنوة بالله شنوة
-تو في ليل تعرف مزروبة هه
-فليل علاش فليل شبيه موش فلعشية
تبسم وقربلها وقلها:-فليل احسن برشااا
فهمتو دخلت بعضها عارفتو ليلة وتتعدي كي كل مرة ملول تقول هاو يحبني ومبعد يتقلب علاها:
-لا...لا نحب فلعشية
-شبيك شديت صحيح كي نقول فليل معنتها...
-معنتها في لعشية هه
-هه باهي في ليل مالا
