تصدم عينيه حمارت يدو ولت ترعش بيرم الي ماعمرو مابكي الي مينجم شي يهدو في لحظة اذيكا منغير ميشعر دموعو هبطو حط ايدو على لحيط ولايد لخري حطها على قلبو يجبد في نفس بسيف موش مصدق الي شافو والي سمعو فهم علاه شمس وين ترى هارون تولي ترعش
-واحد من لخدامة:سي بيرم لباااس
-بيرم:....
يمشي هايم موش منجم يشوف شي قدامو حس بالاهانة وضعف لاول مرة ..مخو سآارح هايم في حاجات أخرى
روحو موش طايقها مش طايق الهواء و النفس يلي يتنفسواا عينيه تدمع في کل حاجة يغزرلهاا حاس نفسو مقطوع مخنوق
دخل لدارهم رمي لمفاتح مشي لتولات حب يطفي نار الي شاعلة فيه 💔 وقف تحت لماء غمض عينو تفكر كلامو وعدها هي ليه الي طلع كلو كذب🔥ضرب ايدو على لحيط بكل قوتو عيط وبكي داخلو نار كبيرة🔥مينجم حد يطفاها خرج بدل دبشو وبقي في بيتو يستني فاهم
-شمس:اووف
-فاطمة:اشبيكي لطف
-نحس في وجيعة في حزامي على ليسار لطف
-عين ووه يابنتي حطيتي تحتك شوي سينوج على الاقل
-منيرة:عين؟!يعطك رحمة يا فاطمة وخيتي قول تتطلعش رشمة لحبالة
-فاطمة:رشمة لحبالة؟!اما
-منيرة:أما شنية شوفي وجه طفلة اصفر وراس عينيك متكون كان حبلة
-شمس:لا لا منتصورش
-فاطمة:زعمة علاش نفرحو ومبعد يطلع مافمة حتي شي اشرايك نمشو تو للفارماسي نشرو اكاليسموه ااا ربي كن شسمو شسمو
-شمس:تاست
-فاطمة:اي اذاكا هو
-منيرة:هيا
خرجو تلاثة شمس تتمني ثنية كاملة يطلع كلامهم صحيح وتولي ام وتفرح بيرم
شراو تاست ورجعو لدار لعرس
-شمس:ايه كيفاه نعملو
-فاطمة:ههه باهي ايجي نفهمك
دخلت لتولات وعملت كيما ماقتلتلها فاطمة وبقات تستني ربع ساعة وطلعلتهم
