١:- زبادى في تتبيلة البانيه بيخليه طرى ومستوى كويس
٢:- نحط نقطه زيت على وش برطمان الصلصه عمرها ما تعمل عفن
٣:- عصير الجوافه أو الموز عليه نص ليمونه ميخلهوش يسود
٤:- واحنا بنخزن الفراخ نقطع معاها شرايح ليمون ونحطها بعد ما تتصفي كويس فى كيس التخزين
٥:- مانفتحش على الفول كتير أثناء التدميس الهواء هو اللى بيخللى القشرة بتاعتة تسود وياريت يتسوى فى إناء فتحتة ديقة زى الدماسة عشان نقلل مساحة احتكاك سطحة بالهواء
٦:- حبه خل فى مياه غسيل المواعين بتفرق كتير بتمنع التصاق الصابون وبتنضف وتطهر وتلمع المواعين
٧:- فصين توم ع البسله بتغير الطعم تماما للاحلي
٨:- للأحتفاظ بالخضره وقت اكتر حطي معلقه أو شوكة معاها فى كيس التخزين ونقفل الكيس كويس بعد م نفضي منه الهوا
٩:- لحفظ الليمون نلف كل ليمونه فى ورق فويل او ورق جرايد ونحطهم فى علبه كده بيعيش مده اطول
١٠:- بعد ما نتبل البانيه نحطه فى البقسماط وعلى الفريزر نص ساعه حيتماسك معانا ومش هيفك ابدا واحنا بنحمره
١١:- لو عندك كاتيل استانلس اغلي فيه مياه وملح ليمون حينضف ويبقي بيلمع
١٢:- اللحمه مش بيتحطلها ملح الا ف آخر نص ساعه ومعلقه صغيرة سكر ونص معلقة صغيرة بيكربوناتو لو اللحمه كبيرة بيساعدوا على التسويه بسرعه
١٣:- مانحطش زيت واحنا بنسلق مكرونة هنستخدمها فى باشاميل أو وايت صوص عشان بيزحلق الكريمة من على المكرونة وبتبقى كأنها مسلوقة
١٤:- البصل الأبيض للطبخ والأحمر للسلطات والساندوتشات
١٥:- نشوح الفراخ بملح وفلفل قبل ما نضيف مياه الشربه بتفرق جدا فى الطعم
١٦:- معلقة صغيرة خل مع شوربة الرز بتخلية يطلع ابيض زاهى ومفلفل وشكله جميل
١٧:- نضيف على عصير الليمون ربع كوبايه لبن بيبقي تحفه
١٨:- الطماطم بعد ما تتعمل بالخلاط بتتصفي من القشر والتفل عشان مايبقاش فيها طعم مرار
١٩:- للتخلص من اي دهون على البوتجاز كربانوتو وملح ليمون وخل بتشيل اي دهووون
٢٠:- لو مش عاوزين الكفته تكش مننا نضيف معلقه بقسماط ونص معلقه بيكنج بودر عليها
٢١ :- وانتي بتقلي البطاطس حطي معاها معلقه خل في الميه وبعدين حطيها تتقلي هتفرق كتير
٢٢:- اضيفي قطعتي سكر مع الجبنه لتفادي تعفنها والحافظ عليها مدة اطول .
٢٣:- ليصبح الارز ناصع البياض مثل الثلج يضاف بضع من قطرات عصير الليمون بعد الغليان و في حال لم ينضج الرز لاتزيدي عليه الماء لكن غطيه بورق الالومنيوم او بالبلدي الفويل وحطيه على نار هادئه
٢٤:- اضافة القليل من الخل للدجاج قبل الطهي بساعة يساعد على سرعة النضج .
٢٥:-علشان تقطعي اللحمه بسهوله حطيها في الفريزر عشر دقايق
٢٦:-علشان البذنجان بيبقاش مر حطيه في مايه وملح لمدة نص ساعه ولو مش عايزة البذنجان يشرب زيت كتير اقولك بقا ترشي عليه شويه دقيق قبل القلي
٢٧:-لما الكيكه بتاعتك تتحرق منك شيلي اللى اتحرق بالسكينه .ورشي شويه سكر الناعم علي وشها ورجعيه تاني الفرن عشر دقايق هترجع تاني
�
٢٨:- ليعطي الليمون اكبر كميه من العصير ضعيه بماء ساخن نصف ساعة ولتخزين الليمون طازج ضعيه بوعاء مملوء بالماء وخزنيه بالثلاجه .
٢٩:- لحفظ الموز لوقت طويل قومي بتغليف رأسه بغلاف بلاستيكي.
٣٠:- لمنع تسلل النمل الى السكر اضيفي معه عودين من القرنفل .
٣١- لما تسلقي البيض حطي معلقه خل في الماء علشان ميتكسرش ولو اتكسر ميخرجش في المايه
٣٢:- لما تعملي السلطه متحطيش عليها الملح غير لما تيجي تقدميها علشان متتبلش و تدبل وتبقا يا ساتر
