أولا كل عام وانتم بخير يارب، وينعاد عليكم رمضان بالخير والبركات والسعادة ويكون يارب عامر بالخير دايما ♥️ وتدوم جمعتنا سوا
طبعا رواية روح ملاكي هتكمل معانا كام يوم في رمضان قبل ما نبدأ في النوفيلا فعشان كدة
هحدد مواعيد هتكون ثابته طول رمضان ولو فيه تغيير هبلغكم قبلها
المواعيد
عشان طبعا منتشغلش عن العبادات او الصلاه او غيره فيالرواية هتكون بإذن الله نفس الايام (سبت وتلات) بس الساعة ٩ ونص مساءا عشان بس اكون ضمنت ان كلنا صلينا التراويح من غير تقصير وكمان خلصنا الورد بتاعنا من القرآن، وكمان هنحاول اننا نشجع بعض على العبادات دايما ♥️ ونتسابق في الموضوع ونعمل ورد أسبوعي كل بارت ♥️
يبقى كده هنقضي يومنا عادي بين المطبخ والعبادات وبعد الفطار هنقعد مع العيلة ونتكلم سوا وبعدها نصلي التروايح بقلب صافي، وفي الاخر الساعه ٩ ونص هيكون معادنا مع ضحكة خفيفة عشان نختم يومنا ببسمة طبعا مش محتاجة اقول ان الرواية مشاهدها كلها كوميدي واني مش هتخطى حدود الكوميديا.
واهي حاجة خفيفه ترسم بسمة مش اكتر بدل المسلسلات
ورمضانكم مبارك يارب
متنسوش هعمل مسابقات في رمضان على ختامة القرآن الكريم واللي هلاقي سبق الكل ليه مني البارت هيكون معاه قبل الكل.
ودلوقتي بقى عايزين نعمل سنة حلوة وهى نشر البهجة يا جماعه الفرحة برمضان دي في حد ذاتها سنة لأنها من شعائر الله افرحوا برمضان وبالخير اللي جاى، ناخد بريك من الذنوب ونغسل نفسنا في رمضان، نصوم عن العادات السيئة محدش فينا ملاك كلنا بنغلط فنستغل رمضان ونصوم عن الكذب هم الاغاني عن النميمة عن اننا نكسر بخاطر حد. خلوا رمضان حلو بيكم وليكم ♥️
دمتم سالمين
رحمه نبيل ❤️
أنت تقرأ
روح ملاكي ( جاري تعديل السرد )
Humorسمع صوت صفير يأتي من جهه النافذه فنظر وفتح عينه بصدمه وهو يري فتاه تجلس علي حافه النافذه وتحرك قدمها كأنها تجلس علي الشاطئ واصفر بطريقه مزعجه فنهض وتحدث بغضب : جرا ايه يا بجره يا حلوب أنتي،،، إزاي دخلتي هنا وقاعده كده ليه وعماله تصفري زي براد الشاي...
