المفاجأة هي اني لقيت ناس كتير بتسأل عن الرواية ففكرت في حاجة حلوة كده، طبعا كلنا عارفين الملل اللي بيكون في العيد يعني طول اليوم بنفضل قاعدين من غير حاجة وزهقانين ومش عارفين نعمل ايه في العيد بعد ما نخلص لف يعني
طب واللي يسليك في العيد؟؟ بص يا باشا هحط في آخر البوست ده استفتاء هتدخلوا تملوه هيكون عن روايتي الورقي ومن ضمن الأسئلة هتلاقي سؤال بيقولك تحب الرواية تكون موجوده امتى ( عيد الفطر / معرض الكتاب)
طبعا لو لقينا عدد كويس لا بأس به اختار عيد الفطر، فيتم توزيع الطبعة الاولى في العيد وقبل المعرض كمان، يعني تخيل معايا كده رواية ترفه عنك ايام العيد الطويلة دي، معاك رواية تسليك في العيد، اكيد حاجة حلوة.
لو لقينا عدد كويس اختار انه حابب تنزل في العيد هتكون متاحة للطلب يعني تطلبها وتوصل ليك في اى محافظة واي مكان في مصر
طب هتقولي احنا كنا حابين نشوفك في المعرض وناخد توقيعك عليها!؟! هقولك اني هكون برضو متواجده في المعرض عشان اكتبلك اهداء او اسيبك ذكرى حلوة لينا سوا
طب واللي من برة مصر احب اقوله قريب جدا هيكون في توصيل للدول العربية الشقيقة ♥️♥️♥️🌿
الصفحة الأولى في الاستفتاء هتكون عن رأيي فيا انا كرحمة وكلمة حابب توجها ليا ( كلمة حلوة طبعا يا عيال واللي عنده نقد هنزل لينك الصراحه 😂😂) يعني عيزاكم تشرفوني قدام الدار بكلام حلو كده يعني رجاءا استروا عليا وهدلعكم والله
الصفحة التانيه في الاستفتاء هتكون للي حابب يحجز نسخة يعني وتكون عنده في العيد عشان يكو عيده غير كل سنة هيملى البيانات اللي الدار هتتواضل معاه عليها وبس كده ياباشا هنشوف مع الدار لو لقينا عدد كويس عايزها العيد هنزل ليكم اقتباس قمر والتفاصيل وكل حاجة ممكن تحتاجوها عشان تعرفوا الرواية آكتر
وصدقوني لم تروا شيئا بعد ♥️♥️ #لسه_المفأجات_كتير_اوي
هتلاقوا لينك الاستفتاء في منصة الرسايل عندي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
