روح ملاكي ( جاري تعديل السرد )

اقتباس من فراعنة الالفينات

كان يسير ذهابا وايابا وهو يحمل عصا ويضرب بها في الهواء فينتفض الأربعة امامه و أعينهم معلقة بالعصا
توقف فجأة وهو يستدير لهم بسرعة فعاد الأربعة للخلف برعب، فقال هو بنبرة شر وهو يرمقهم بنظرات حادة :

_ انا قولت ايه قبل كدة؟؟ حد يفكرني؟؟

صمت الجميع ولم يسمع هو اى صوت فأبتسم قائلا وهو يضرب الأرض بعصاه صائحا بحدة:

_ قولت ايه مسمعتش

انطلق ثلاثة منهم يتلون اوامره التي اخبرهم بها مرارا وتكرارا :

_ملناش دعوة بعيال عمو مصعب عشان قلالات الأدب وعمو مصعب مكنش فاضي يربيهم لان تيتة ميسرة وجدو ابريس كمان مكانوش فاضيين يربوه

ابتسم عدى ثم اقترب من توأمه الثلاثة قائلا :

_ وحبايب بابا عملوا ايه

قالت الأولى وهى تنظر ىعدى بخوف :

_ خليت باسل يحضني

هز عدى رأسه ببسمة باردة ثم نظر للثانية فقالت وهى تنظر أرضا بخجل :

_ وانا كمان خليت باسل يحضني

هز عدى رأسه للمرة الثانية ثم نظر للثالثة التي قالت ببسمة ساذجة :

_ انا اللي حضنت باسل

نظر عدى بسرعة بسماريا التي انتفضت بفزع من حركته قائلة :

_ والله ما خليت باسل يحضني

مسح عدى وجهه بنفاذ صبر من زوجته ثم نهض وقال :

_ ماشي نسيبنا من عمو مصعب وابنه، ايه اللي قولته تآني ومتنفذش لان ماشاء الله واضح ان كلامي مش بيتسمع

قالت الثلاث فتيات معا وفي صوت واحد :

_ ملناش دعوة بعيال عمو تاج عشان معقدين ومقفلين زى ابوهم

نظر لهم عدى بترقب قائلا :
_ و؟؟
اكملت الفتيات قائلة معا وكأنهم اعتادوا على هذا :

_ وملناش دعوة بعيال عمو سيف عشان لو حد ضربنا حضرتك مش هتقدر تضربهم لان عمو سيف هيضربك انت

نظر لهم عدى بسرعة وصدمة قائلا :

_ انا قولت كده؟؟

قالت الفتيات وهن يشرن لسماريا التي كانت تنظر للسقف وكأن الحديث ليس عليها :

_ دي ماما

انتظروني قريبا ♥️
دمتم سالمين
رحمه نبيل ❤️