اقترب مصعب من نازيا وهو يبتسم بخبث قائلا : _ واخيرا وقعتي تحت ايدي دفعته نازيا وهي تضحك : _ مصعب اهدى عشان ممكن حد يدخل ويشوفنا
تشنج مصعب قائلا : _ يشوفنا فين لا مؤاخذه احنا في اوضتنا و..
لم يكمل حديثه حتى وجد الباب يصطدم بالجدار بقوة وابنه الوحيد يدخل بعنف صارخا :
_ يابا تعالى شوف ابن اخوك اللي مترباش ده عشان انا مش راضي أمد ايدي عليه، مش عشان هو الكبير وانا بحترمه، لا عشان انا خايف منه
نظر مصعب لنازيا قائلا وهو يجز على أسنانه بغيظ :
_ انا تعبت والله تعبت من ابنك ده نفسي امسكه اااا قاطع حديثه رأس ابنه التي اقتحمت الفراغ بينه وبين زوجته هاتفا بضيق :
_ يا أخي سايبني بحرق في اعصابي وانت قاعد تبوس في الست دي، ايه خلاص مبقاش فيه مشاعر ابوة عندك
احمر وجهه مصعب من الغضب وهو يشعر بدماءه تفور:
_ طب اقتله ده ولا اعمله ايه
قالت نازيا بخجل من وجود ابنها وهم بهذا القرب : _ يا مصعب قولتلك بطل قلة أدب قدام الولد، اديه عرف احنا كنا بنعمل ايه
قال مصعب بتشنج ناظرا لابنه :
_ ماهو اللي بيقفشنا كتير وبعدين يعني لما يشوفني مقرب منك اقوله ايه؟
قال باسل بتهكم : _ اضحك عليا يا أخي قولي بحطلها قطرة بديها برشامة اى حاجة بدل ما انتم فتحتوا عيني
ضربه مصعب على رقبته من الخلف مردفا بسخرية :
_ وانت بروح اهلك كنت هتصدق اني بحطلها قطرة
قال باسل بجديه وهو يهز رأسه نافيا :
_ لا كنت هعرف انك بتبوسها، بس على الاقل اضحك عليا
أشار له مصعب وهو يتمتم : _ده صنف قذر اسأليني انا كنت زيه كده
ثم نظر لابنه هاتفا بنزق :
_عايز ايه اخلص ضك باسل يديده قائلا بهدوء وجدية :
_ اولا يا دادي احب اعتذر على اقتحامي لخلوتك انت وماما
نظرت له نازيا بتأثر : _ حبيب ماما الطيوب
اكمل باسل حديثه بحنق : _ بس انت اللي غلطان يا حاج يعني هتبوس ست الحبايب اقفل الباب بالمفتاح يا أخي بدل ما كل مرة اقفشكم ويكون منظركم زفت كده رمقته نازيا ياستهجان : _ تربية زبالة زى ابوك
اكمل باسل حديثه بطل جدية: _ ثانيا بقى خلي اخوك ملهوش دعوه بيا احضن بنته ابوس بنته ملوش دعوة عشان انا عملت ليك احترام ومقولتش حاجة ومشيت بكل احترام
اعتدل مصعب في جلسته قائلا ببسمة باردة : _اخويا مين فيهم بالضبط لانك ماشاء الله شغال مع عيال التلاته
زفر باسل وهو يهبط من الفراش بضيق :
_ عمي عدى وعمي تاج الاتنين جايين عليا، عم تاج كل ما يشوفني جنب ساندي يزعقلي، وعمي عدى بيزعقلي ومفكرني اني بضحك على بناته التلاته مع اني والله مظلوم انا اساسا بتلغبط بينهم ومش بفتكر انا ماشي مع مين فيهم فبضطر احضن التلاته عشان محسش بالتقصير ناحيتهم، إنما بنت عمي سيف دي مش بقرب منها عشان ابوها واخوها بيخوفوا الصراحة، انا بحاول بس اني اسعدهم كلهم ومقصرش مع حد رغم اني بقصر في حق نفسي يا مصعب، انت حاسس بوجعي صح؟
تنهد مصعب بتأثر من حديث ابنه المسكين :
_ حاسس بيك يابني ربنا يعينك ياقلب ابوك، عارف الموضوع صعب خصوصا مع عيال عدى عشان شبه بعض بس معلش يا حبيب ابوك استحمل كلها سنة ولا اتنين وتطلع بره البيت وتبقي دولي ومحلي فاتعود من دلوقتي على المسئولية
تنهد ابنه بتعب قائلا :
_ انا تعبت من البيت ده يا بابي ليه بيتنا ميكونش فيه بنت واحدة بس اديها كل وقتي ليه بيتنا فيه بنات كتير كده؟؟
