If you LOVE me [Completed]

Ep - 1

{ Unicode }

အချိန်ကား မိုးရာသီတွင်ဖြစ်ပြီး နေမင်းကြီးအား ဖုံးအုပ်ထားသည့် တိမ်စိုင်တိမ်ခဲများကြောင့် ရာသီဥတုကစိုထိုင်းထိုင်းနှင့်အေးစက်လျက်ရှိသည်။

Genesis GV80 model ကားတစ်စီးသည် မြို့ပြင်နှင့် သိပ်မဝေးသော နေရာတစ်နေရာရှိ ဂိုဒေါင်အဟောင်းတစ်လုံးစီသို့ ဦးတည်မောင်းနှင်လျက်ရှိသည်။

ဂိုဒေါင်၏အရှေ့တွင်တော့ သူမ၏တပည့်ဟုဆိုနိုင်သော လက်အောက်ငယ်သားများက အဆင်သင့်စောင့်နေကြလေသည်။

ဂိုဒေါင်အားဖွင့်လိုက်ပြီး အခန်းတွင်း လဲကျနေသောမိန်းမပျိုကို မြင်သည်နှင့် သူမ၏ မျက်နှာထက်တွင်လည်းမဲ့ပြုံးတခုက ဆင်မြန်းလျက်...။

" သူ့ကိုလက်စဖျောက်လိုက် "

အေးစက်စက်လေသံဖြင့်ပြတ်သားစွာပြောပြီးထွက်သွားသောသူမ။

အခန်းကျဉ်းလေး၏ ကြမ်းပြင်ပေါ်တွင် လဲကျနေသော အမျိုးသမီးလေးမှာတော့ သူမရှေ့တွင်ဖြစ်ပျက်နေသည့်အကြောင်းအရာများကို မသိလိုက်ပေ။

____________________________________________________________________________________________

မြို့ပြင်သို့ဦးတည်မောင်းနှင်နေသော ကားပေါ်တွင်

" မမလေးကဘာလို့ ဒီမိန်းကလေးကိုလက်စဖျောက်ခိုင်းတာလဲမသိဘူးနော် "

ကားပေါ်ရှိသတ်လတ်ပိုင်းအရွယ်ယောက်ျားနှစ်ယောက်

တနည်းပြောရလျှင် ကားနောက်ခန်းတွင်ဖမ်းခေါ်လာသော အမျိုးသမီးငယ်ကို မြို့ပြင်မှာအရှင်လတ်လတ်မြေမြှပ်ရန်ညွှန်ကြားခံရသောယောက်ျားနှစ်ယောက်။

" သူ့ထက်ပိုချောလို့နေမှာပေါ့ကွ "

ပထမတစ်ယောက်မေးတာကို စိတ်မရှည်သလိုပြန်ဖြေလိုက်သည့်ဒုတိယတစ်ယောက်

" ဟေ့ရောင် ငါတို့သူ့ကိုမသတ်ပစ်ခင်အရင် rape လုပ်ကြမလား ဘယ်သူမှမသိနိုင်"

ဒုန်း...

ဒုစရိုက်လောကမှာကျင်လည်သောသူတို့အဖို့ မကောင်းကြံရန်ကြိုးစားသော်လည်း ကံတရားကခွင့်မပြု ။