[ Unicode ]
" အဲ့တော့ ဘယ်လိုလုပ်မယ်စဉ်းစားထားလဲ "
" ကျွန်တော်စိတ်ပူတယ် "
နမ်ဂျွန်းရဲ့ရုံခန်းထဲမှာ နှစ်ယောက်သားခေါင်းချင်းဆိုင်ကာထိုင်ရင်း ချွဲဂျီယောင်းပြောသွားသည့်စကားများကို အဖြေထုတ်နေမိကြသည်။
သူမ ပြောသွားတဲ့စကားများက အဓိပ္ပါယ်အမျိုးမျိုးသက်ရောက်နေသည်။ သေချာတာတစ်ခုကတော့ ဟယ်ဂျင်းဒုက္ခရောက်တော့မည်မှာ အနှေးနဲ့အမြန်ပင်။
" ဟယ်ဂျင်းတို့ကိုကြိုပြီး သတိပေးထားရင်ကောင်းမလား "
" ဟျောင်းကပဲပတ်ဂျီမင်းကိုပိုဂရုစိုက်ဖို့ပြောပေးပါ
ဟယ်ဂျင်းကအခုမှပျော်ပျော်ရွှင်ရွှင်ပြန်ဖြစ်လာတာ ချွဲဂျီယောင်းကြောင့် အတွေးတွေထပ်မများစေချင်တော့ဘူး "
ဟယ်ဂျင်းဘက်ကိုတော့ အပြည့်အဝတွေးပေးတဲ့ ထယ်ယောင်းက သူကိုယ်တိုင်တော့ ပျော်ပျော်နေဖို့ကိုမေ့နေခဲ့လေသလား။
တခါတလေ နမ်ဂျွန်း ဟယ်ဂျင်းတို့ကိုမေးကြည့်လိုက်ချင်ပါသည်။
ထယ်ယောင်းကိုဘာကြောင့်မချစ်ရတာလဲလို့!
အရင်ရက်တွေတုန်းက ထယ်ယောင်းက ဟယ်ဂျင်းကိုမချစ်တော့ပါဘူးလို့ပြောပြီးပြုံးနေခဲ့ပေမဲ့ သူတကယ်မမေ့နိုင်သေးတာကို နမ်ဂျွန်းကောင်းကောင်းသိသည်။
အရာရာကိုမြိုသိပ်ထားသလို တိတ်ဆိတ်နေတဲ့ထယ်ယောင်းကိုငေးကြည့်ရင်း နမ်ဂျွန်း သက်ပြင်းသာအကြိမ်ကြိမ်ခိုးချမိသည်။
ဒေါက်!ဒေါက်!
" ဆရာ ကျွန်မ ဝင်လာခဲ့မယ်နော် "
အသံနှင့်အတူအထဲသို့ဝင်လာသည့်မိန်းမပျိုက လက်ထဲတွင်လည်း ဗန်းတစ်ခုကိုသယ်လျက်။
ထိုမိန်းမပျိုက နမ်ဂျွမ်းတို့အရှေ့ရှိခုံပေါ်သို့ စားစရာများလာချပေးသည်။
" ထယ်ယောင်းရောက်နေတယ်ဆိုလို့ ဆရာတို့စားရအောင် မုန့်လာပို့တာ "
ထိုကောင်မလေးက မုန့်ပန်းကန်များကိုချနေရင်း နမ်ဂျွန်းအရှေ့ကထယ်ယောင်းကို လှမ်းလှမ်းကြည့်နေတာကြောင့် နမ်ဂျွန်းပြုံးလိုက်မိသည်။
" မုန့်တွေမဝယ်လာပါနဲ့ဆို ဝယ်လာပြန်ပြီလား ပြီးတော့ငါ့ကိုဘယ်အချိန်ထိဆရာလို့ခေါ်နေဦးမှာလဲ "
![If you LOVE me [Completed]](https://img.wattpad.com/cover/266645979-64-k696738.jpg)