[ Unicode ]
" ဒါကဘယ်သွားမလို့လဲ "
လက်ကိုပတ်တီးစီးပေးပြီးတာနဲ့ ကုတင်ပေါ်ကဆင်းပြေးတဲ့ဟယ်ဂျင်းကြောင့် အချိန်မှီလက်ကောက်ဝတ်ကိုလှမ်းဆွဲလိုက်တော့ ကုတင်ပေါ်ကိုထိုင်လျက်သားလေးပြန်ပြုတ်ကျလာသည်။
" အခန်းထဲပြန်မလို့ "
လက်ကောက်ဝတ်ကိုမသိမသာရုန်းပြီး ပြန်ပြောနေတဲ့ပုံက သူသာခပ်တင်းတင်းဆွဲမထားရင် အရင်အခန်းထဲကိုပြန်သွားအိပ်တော့မည့်အတိုင်း။
" ဒီမှာလာအိပ် "
" ဟင့်အင်း ဟိုဘက်အခန်းမှာပဲ... "
" ဒီမှာလာအိပ်လို့! "
ဂျီမင်းက အသံကျယ်ကျယ်ဖြင့်အော်ပြောလိုက်တာကြောင့် ဒီတစ်ခါတော့ဟယ်ဂျင်းပါးစပ်ပိတ်သွားရသည်။
သာမန်အချိန်တွင်သာပြန်ခံပြောရဲပေမဲ့ ဂျီမင်းဒေါသထွက်နေတဲ့အချိန်တို့၊ လေသံမာမာနဲ့ပြောတဲ့အချိန်တို့ဆိုလျှင်တော့ ဟယ်ဂျင်းဘာမှအထွန့်မတက်ရဲပါ။
" ကိုယ့်ဘေးမှာပဲလာအိပ် ဒီညကမင်္ဂလာဦးညလေ ကိုယ်မင်းနဲ့အငြင်းမပွားချင်ဘူး "
လေသံမာမာနှင့်ပြောနေရာမှတဖန် နူးညံ့ပျော့ပြောင်းသောလေသံသို့ပြောင်းသွားပြန်ကာ မင်္ဂလာဦးညဆိုသည့်နေရာအား သူမကိုစိုက်ကြည့်၍ပြောလာတာကြောင့် မျက်နှာတစ်ခုလုံး ထားစရာနေရာမရှိအောင် နီရဲသွားရသည်။
အစကတည်းကသူမဒီအခန်းထဲကိုဝင်မလာသင့်ပါ။
လက်တစ်ဖက်လုံးသွေးစက်လက်နှင့်အခန်းထဲဝင်သွားတဲ့ကျောပြင်ကျယ်ကိုမြင်လိုက်ရတာကြောင့် စိတ်ပူပြီးထိုအခန်းထဲလိုက်ဝင်သွားခဲ့မိတာပင်။
သေနတ်ဒဏ်ရာကရှပ်ထိရုံဆိုပေမဲ့ သုံးချက်လောက်တော့ချုပ်ရမည်ဖြစ်ကာ သူ့ဒဏ်ရာအားဘယ်သူ့ကိုမှအထိမခံပဲပေကပ်နေသည်ဟု အိမ်တော်ထိန်းဟန်ကပြောလာတာကြောင့် ဟယ်ဂျင်းကပဲဆေးထည့်ပေးဖို့ကြိုးစားရတော့သည်။
ဆေးထည့်တော့လည်း တော်တော်နဲ့အထည့်မခံလို့ သူ့စိတ်ကြိုက်နေပေးရသေးသည်။
ပတ်တီးစည်းပေးပြီးတာနဲ့တခါတည်းထွက်ပြေးဖို့စဉ်းစားထားပေမဲ့ အလွတ်မပေးတဲ့ဂျီမင်းကြောင့် ဟယ်ဂျင်းအခုတော့ ချောင်ပိတ်မိနေပြီဖြစ်သည်။
![If you LOVE me [Completed]](https://img.wattpad.com/cover/266645979-64-k696738.jpg)