أنتي حامل ...؟!!!!
بصدمة ... حااااامل .. .... حامل ازااااي ومن مييييييين
كان واقف بيبص ليا بطريقة مرعبة والدكتور واقف قدامي والكل باين علي وشه الصدمة ... دا أنا ذات نفسي مصدومة ومش عارفة انطق أقول إيه ..
أبويا جه علياا بطريقة مرعبة وشدني من شعري وفضل يضرب فيااا ويقولي انطقي حااامل ازااي يبقا كلااامه صح يابت الكلب يابت الكلب. انطقي فضحتيني فضحتيني ... يارتني ماخلفتك ياريتك ماجيتي يادي العار .....
أمي بصريخ ... يالههههههوي ... ابعد عنها ياصلاح هتقتلها .. فضل يضرب فيا ومحدش قادر يحوشه عني وهو بيقول .... خليها تموت خليها تموت يابت الكلب كنت بكذب نفسي وبقول اكيد غلط في حاجة اكيد فيه غلط لكن التحاليل بتقول انك مش بنت ولاء كمان تطلعي حامل .... وبعدين بعد عني وبصوت جهوري نداااا علي أخويا خالد يجبله المسدس بتاعه من جوا ... أكيد عاوزين تعرفوا إيه اللي حصل ....أنا جميلة صلاح مجدي طالبة في كلية شريعة وقانون عندي 20 سنة بس بختي الأسود وقعني في إيد اللي مش بيرحم في إيد حمزه الصياد أبن رجل أعمال كبير في البلد .. أعجب بيا في الجامعه وكان عاوز يمشي معايا وانا رفضت لأن ديني بيقولي كدا غلط وان حرام أكلم شباب غير في شرع ربنا .. بس هو مكتفاش بكدا لاء دا كان عاوز يقضي معايا يومين وخلاص ولما رفضت هددني أنه هيعمل فيا اللي هو عاوزه برضايا أو من غير رضاياولكن أنا أخدتني الجلاله في وقتها وضربته بالقلم وسط الجامعه كلها وشباب الجامعه كلهم كانوا واقفين ومهمنيش أي حد ..بس هو حب ياخد بتاره مني فابكل برود بعت حد من صحابه عشان يشكك في ذمتي قدام أهلي وقالهم أني بروحله شقته وأني بجري وراه وهو بيصدني وفي طبع أهلي أنهم أرياف ومستحيل ميصدقوش الكلام دا وبدأ حمزه يجبلهم أدله وصور أنا معرفش عنها حاجة والله ولما لقيت أهلي مش مصدقني ابن عمي اقترح عليهم أننا نكشف ونشوف إذا اللي بيقوله صح ولا غلط .. ولكن حمزه الكلب عطي رشوه للدكتور وخلاه يقوله اني حامل كمان ... هو كان متأكد أن أهلي هيقتلوني وأبويا مش هيتردد لحظه في أنه يطلع مسدسه ويقتلني .... أظن عرفتوا ايه اللي حصل ...
الكل بصريخ ... لاااااء لاااء ياصلاح اللي اتكسر ينصلح هي غلطت وهو الندل دا يصلح اللي عمله ... زق أبويا أمي وقعت علي الأرض ومسك المسدس وجهزه قدام دماغي بالظبط وأنا مش قادره استوعب حاجة دماغي مش قادرة تفكر حتي ولا تجمع أي حاجة وحمزه واقف بيبصلي بشماته ومش همه اللي هيحصل فيا الكل واقف بيصرخ مستنين أبويا هيعمل إيه ..
عمي بدم بارد .... اقتلها ياخويا امسح عارك بإيدك ..
عمتي .... أضرب ياصلاح الناس بتقول عليك ايه ياخويا لو فضلت عايشه بالفضيحه دي ....
أمي بصريخ .... لاااااااااء .. لاااااء ياصلاح ...
أنا بصوت ضعيف ...بابا ...
سكتت جميلة والجو سكن ومفيش غير صوت الرصاصة اللي طلعت ....
#يتبع_
#الكاتبة_الصغيرة
#جحيم_عاشق
قولولي إيه رأيكم في الكومنتس لو عجبتكم تفاعل بقا وهنزل البارت التاني علي طول وتوقعاتكم في الكومنتس ويتري إيه اللي حصل واللي هيحصل
ابعتوا طلب صداقة ونبقا صحاب ياعيال ♥️♥️
أنت تقرأ
جحيم عاشق
Romanceهتعمل إيه لو كنت ظابط وبتحب واحده واكتشفت انها هربانه من أهلها في قضية شرف ومطلوب قتلها ومطارده من أهلها أكيد أنت مش هتسكت هيحصل إية .... دا اللي هنشوفه في رواية "جحيم عاشق"
