جحيم عاشق

🌺🌺🌺🌺🌺🌺🌺🌺🌺🌺🌺🌺🌺🌺🌺🌺

الكلام الحِلو بيفرق جدًا ، قادر يغيّر نفسيتك من شخص مُكتئب لشخص مُبهج ، يخليك تبتسّم من غيّر سبب ، الكلام الحِلو بيطبطب على القلب ، بيفتح النِفس ويخلى أفكارك إيجابية جدًا ، متبطلش تقول كلام حلو لأى شخص ، حقيقى بتفرق لما تشوف شخص لابس حاجة جديدة وتقوله إنها جميلة عليه ، وقتها هيحب الحاجة دى وهيحب نفسه ويحبك أكتر ، لما تشوف شخص عمل حاجة مهما كانت تافهه بالنسبالك بس لمُجرد إنك تقوله قد إيه إنها حاجة عظيمه هتفرق معاه وإن كلامك ده كان تقدير لتعبه فيها ، لو مش هتقدر تساعد إللى قدامك بأى شئ فـ كفاية إنك تحاول تساعدة معناويًا بكلام لطيف ، فى أشخاص كتير إنتحرت لمُجرد إنها ملاقتش إللى يسمعها أو يحتويها حتى بكلمة أو بحُضن ، فـ سيب أثرك فى كل شخص ولو بكلمة حِلوة وهتتفاجئ بشعور السعادة من غير سبب هتبقى بخير

وك العادة ياسادة صلوا هلي الحبيب لتزداد السعادة 🤍♥♥

💙💙💙💙💙💙💙💙💙💙💙💙💙💙
وقف زين مصدوم دخل الأوضة لقي جميلة بتلم هدومها وتحطها ف شنطة وهي بتبكي ف صمت ..... قرب زين من جميلة بتساؤل ..

زبن بستغراب ... انتي بتعملي إيه

_ لا رد !!!!

زين بصوت عالي نسبياً ... بقولك بتعملي ايه ياجميلة

_ لا رد

قرب منها زين بنرفزة وشد من إيديها الهدوم اللي هي مخرجاها من الدولاب وقال بصوت عالي ... هو أنا مش بكلمك يعني تردي عليا تقدري تفهميني انتي بتعملي ايه وايه دا (شاور علي الشنطة والهدوم) ...

جميلة بنرفزة ولأول مره تزعق ف زين كدا ... انت شايف إيه بلم هدومي عشان امشي من هنا انا معتش قادرة استحمل اي حاجة كفاية ابقا عاله عليكم كفاية بقا انت مش مجبور تعمل دا كله عشاني كفاية جبروك انك تتجوزني عشان تحميني من أهلي لكن انت مش مجبر انك تعلن جوازك قدام الكل مش مجبر ..(أخدت نفس طويل وصوتها هدأ ببكاء محبوس) انك تتجوز واحده كل واحد يطلع عليها كلمة شكل مش مجبر تكمل ف لعبة خسرانه انت بس اللي هتطلع ندمان ف الأخر كفاية أنا بقيت مخنوقه من النفس اللي بطلعه انت اللي هتطلع ندمان ف الأخر انت مش مجبر انك تتجوز واحده الكل بيتكلم عليها طلقني يازين وبلاش تكمل ف السكة دي انا همشي ومش هرجع تاني كفاية فضايح لحد. كدا انا جبتلكم الكلام بين الناس عيلة محترمة زي دي وظابط محترم زيك انا مينفعش اكون بينهم كان عندها حق فاطمة أنا عار علي أي مكان أروحه وإن لفيت لفيت هيكون ف الأخر لقبي اللي شيلة اهلها العار وأنك أكبر بكتير انك يتكتب علي اسمك واحده زي خليني امشي يازين ... لفت عشان تكمل لم الهدوم مسك زين ايديها خلاها تبصله تاني ...