زين ... ال RSأكبر مافيا في العالم البت في خطر حقيقي...
ياسين والظابط في نفس واحد .... نعااااااااااام أكبر إيه....؟!!!!
زين خرج من الأوضة بسرعة وفضل يعمل اتصالات كتيره والظابط نفس النظام، وياسين قاعد ف الأوضة بيفكر في مصير البت دي إيه ...
عدا الوقت وعدا كمان يوم وياسين خرج من المستشفي بعد م حالته اتحسنت جداً وزين لسه بيتابع مع صاحبه بخصوص المافيا، واخيرا جه يوم سبوع بت اخت فاطمة وكان حقيقي اليوم صعب جداً بكل تفاصيله الكل كان جاهز للأحتفال وما ادراك م احتفال الصعايده، جميلة اندمجت معاهم ف الشغل بس عقلها لسه متعلق بالخوف من اهلها لدرجة أن حالها بقا وحش جداً معدتش بتاكل وبان عليها الأرهاق والحزن بجد، راسيل لسه في دوامة التأنيب اللي هي فيها والحزن بيكسي ملامحها يوم عن يوم لدرجة أن حازم أخد باله وجه الوقت أنه يواجهها ....
كانت راسيل قاعده ف أوضتها سرحانه وباصه قدامها لدرجة انها مأخدتش بالها من حازم اللي دخل الأوضة وقعد جمبها
حازم .... للدرجة دي الموضوع شاغل بالك ..
راسيل بخضه وتوتر ... مو..؟! موضوع إيه؟! انا مش شاغلني أي موضوع ولا أي مشكلة ...
حازم بخبث ... بس أنا مقولتش أنك ف مشكلة !! دا لو انتي فعلاً ف مشكلة ومش بتتكلمي ... !!!
في الوقت دا فقدت راسيل كل ذرة تحمل ليها وبدأت تعيط بهستريه بعد.م رمت نفسها في حضن حازم، بدأ حازم يملس علي شعرها بحنان وهو بيحاول يسكتها ويهديها، هديت شوية وبعدين حازم طلعها من حضنه وقال ... خلاص اهدي بقا انا هنا جمبك احكيلي انتي ف مشكلة ايه وإيهاللي مزعلك ومخليكي متلغبطه كدا، ومتقلقيش انا جمبك مهما حصل ومهما عملتي ....
بدأت راسيل تتكلم وتحكي اللي حصل بالظبط ....
راسيل ببكاء ... والله يا حازم انا مكنتش اعرف ان الأمور هتوصل للدرجة دي انا اول م اتعرفت علي حمزة كانت بسبب واحده صاحبتي وهو كان صاحبها وهي مشتني ف السكه معاها، بدأ معايا بأننا نبقا صحاب وفعلا بقا بيتقرب مني لحد م أنا بقيت الصاحبه المفضله عنده وكان بيحكيلي كل حاجة بس أنا مشاعري اتغيرت اتجاهه من غير م اعرف صدقني ولما جيت اعترفله هو قالي أن هو عاوز يتعرف ع جميلة فسكت ولأول رفضت كتير بس هو قالي أنه عاوزها وبيحبها، بس أنا ف اليوم دا اعترفت بحبي ليه اتغير بعديها وبقا بيبعد عني وبيتجاهلني فجأه بس أنا ضعفت ك العاده والشوق غلبني ورحتله وكنت مستعده اعمل اي حاجة عشان ميبعدش عني تاني وهنا قالي أنه لو عاوزاه يحبني زي م بحبه اعرفه علي جميلة هيتسلي معاها كم يوم زي أي بنت ويرجعلي عشان هو بيحبني أنا، وأنا من غبائي صدقت ووافقت وعطيته كل مواعيد تحركتها حتي ف اليوم اللي صورها وهي قدام الشقة بتاعته كنت أنا اللي قولتلها تيجي هناك وكنت هدخلها الشقة عنده بس ساعتها خالد أخوها رن عليها وقالها أن مامتها مريضة ومشيت وهي من ع الباب، مش كدا وبس يوميها حبسني ف الشقة ومعرفش فضلت اصرخ وهو ولا هو هنا ولما جه يقربلي بعدعني فجأه وقالي أخرجي من هنا حالا ومعتيش تباني قدامي وأنا من بعديها فضلت3 ايام مش بروح الجامعة بسبب خوفي منه والحقيقة ف 3ايام دول وانا عرفت الغلط اللي انا فيه بجد وقررت أني ابعد جميلة من سكته حتي لو هخليها تكرهني ونزلت تاني يوم الجامعه أول م دخلت قابلته ف وشي ع طول بس أنا معطتهوش ريق حلو ومشيت وسبته وفضلت ع الحال دا 4 ايام بس ف يوم جه وواجهني وقالي ليه مش بكلمه وكدا وساعتها هزقته وقولتله ابعد عن جميلة عشان هي مش سكته وبدأت افوق من اللي كنت فيه وهددته أني هفضحه قدامها وهشتكيه للعميد، بس هو هددني بأنه هيقول كل حاجة لزين وطلع الواطي مصور ومسجل يوم م كنا بنتفق ع جميلة ووقت ما تهجم عليا وأنا خفت بس بردوا بعدت عن موضوع جميلة واللي كان مطمني شوية ان زين مش هنا ف عملية من العمليات بتوعه وقعدت منزلتش الجامعه كذا يوم بس كان بيجيلي رسايل تهديد كتير منه لحد ف يوم اتفجأت بيه قدام الشقة بتاعتنا اتخضيت وسألته من ع الباب هو عاوز ايه بس وقتها كان عاوز يدخل وانا رفضت، بس هو يوميها جه وقالي انه انتقم من جميلة وحكالي كل حاجة عشان انا بس صديقته المفضله ومش بيلاقي غيري يتكلم معاه ويفهمه مع انه عنده اصحاب كتير، أنا غبية وأنانية وكان المفروض أكون انا اللي مكانها دلوقتي أنا جبانه مقدرتش اعترف بالحقيقة لأهلها وسبتها تعاني ياحازم انا مجرمة ......
فضل حازم يبص لراسيل بصدمة شديده مش معقول دي أخته ... دي راسيل اللي بتتكلم ولا إيه عمرها م كانت بالشكل معقول اتغيرت وبقت ف الجحود والأنانية دي .. فضل باصص ليها بصدمة وهي كانت بتعيط بهستريه بصتله وفضلت تقول ... أرجوك ياحازم متبصليش كدا انا عارفه أني غلطت بس صدقني كان غصب عني وشيطاني غلب عليا أرجوك صدقني انت الوحيد اللي قريب مني ف البيت هنا وجدك لو عرف هيقتلني او هيطردني من البيت أو هيعاقبني عقاب وحش أرجوك ياحازم رد عليا أنا اسفه بس خلصني من الأحساس اللي جوايا دا أؤجوك انت وعدتني انك هتفضل معايا مهما حصل أرجوك رد عليا ياحاااااااازم بقاا،وبعدين اترمت ف حضنه وفضلت تبكي بقهر .....
أنت تقرأ
جحيم عاشق
Romansهتعمل إيه لو كنت ظابط وبتحب واحده واكتشفت انها هربانه من أهلها في قضية شرف ومطلوب قتلها ومطارده من أهلها أكيد أنت مش هتسكت هيحصل إية .... دا اللي هنشوفه في رواية "جحيم عاشق"
