جحيم عاشق

جحيم عاشق 22💝

اشكروا شبكة ابن عمتي  بقا لأن والله العظيم البارت دا بقاله يومين  اقسم بالله بيحمل  😂😂

*هيعوضك خير عن كل شىء انكسر فيك وعن كل يأس لمس قلبك..*هيستجيب لكل دعواتك حتى الدعوة اللى ساكنة فى قلبك ومفيش حد يعرف عنها حاجة غير ربنا (ايوه هى اللى جت ف بالك دلوقتى) الدعوة اللى قلبك بيدعى بيها قبل لسانك.. الدعوة اللى بتفكر فيها كل يوم قبل ما تنام..⁦✌️*
*خلى عندك يقين بالله انك قريب جدااا هتصحى وربنا جابر بخاطرك وحلمك حقيقة حلوة بتعيشيها
♥♥♥♥♥♥♥♥♥♥♥♥♥♥
صلوا علي من جلس علي ركبتيه يواسي طفلًا توفي عصفوره  🌺♥
صلوا ع البشير المصطفي عليه الصلاة والسلام ♥
🌺🌺🌺🌺🌺🌺🌺🌺🌺🌺🌺🌺🌺🌺
♥♥♥♥♥♥♥♥♥♥♥♥♥
🌹🌹🌹🌹🌹🌹🌹🌹🌹🌹🌹🌹🌹🌹
💜💜💜💜💜💜💜💜💜💜💜💜💜💜

وقف أدم مبرق للبنت اللي نايمه قدامه قلبه بيدق  بطريقة مرعبة وكأنه هيخرج من صدره  حط إيده علي وشها  ونطق اسمها براحه  ... 

أدم بدموع  ..  حلا حلا حبيبتي  ...

الممرضة  ...  دكتور أدم ضربات القلب منخفضة جداً   حالتها بتدهور  ....

بصلها أدم ودمعه من عيونه نزلت عليها  بيبص لجسمها اللي كله جروح بصدمة وهدومها المتقطعه  فاق فجأه علي صوت الدكتور زميلة  وهو بيزعق فيه  وبيقوله  ...  أدم فوق البنت بتموت لازم نحاول نعملها حاجة 
فاق أدم وبإيد مرتعشه  وبدأ شغله 

🌺🌺🌺🌺🌺🌺🌺🌺🌺🌺
ف الجامعة ماشي حمزة وهو بييص ف المحاضرات  اللي مازن عطهالوا  عشان يذاكرها بسبب غيابه وكدا  فجأه حس بإيد حد بتنحط علي كتفه  ... 

أحمد  ....  هاي مان إيه ياعم من ساعة م جيت الجامعة وانت مطنشنا يسطا..

رامي  ...  ولا كأننا صحاب يا أخي وعشرة عمر

محمد  ...  حصل ياباشا  ... 

حمزة بعدم فهم  ...  نعم

أحمد بتذكر  وهو بيبص لرامي  ...  اه ياجدع شوف نسينا ان حمزة فاقد الذاكرة بس مش متخيل انه نسينا  ... 

حمزة  بملل  ...  هو أنا أعرفكم  ..

محمد  ...  أعز المعرفة ياشق والله  ..

احنا صحاب من 3 سنين  مش عارف انت ازاي نسينا ياحمزة  انا محمد راجي  ..

أحمد  ...  وأنا أحمد السلماوي  ..

رامي  ..  وأنا  رامي المجدي  ... 

حمزة بغباء  ..  وأنا حمزة الشيمي  .. 

ضحكوا الشباب علي حمزة وقال محمد  ....  احنا مستحيل ننساك ياسطا  دا انت الزعيم بتاعنا....

حمزة بفرحة لأنه اخيراً لقي عنده صحاب ف الجامعه غير مازن  وانهم باين عليهم انهم لطفاء...