حسين بزعيق .... حاااااامل ... حامل كمان وحرااااام مستحيل تقعد في بيتي لحظة واحده ....
الكل في خضه قاموا علي صوت حسين وهو بيزعق جامد فقاموا يشوفوا إيه اللي بيحصل وإيه الكلام دا ....
راسيل وهي بتحاول تهدي جدها .... ياچدي والله العظيم كذب هي أشرف بنت ممكن تعرفها في حياتك كل اللي حصل دا كان كذبه من الحيوان حمزة وبس هو أرشي الدكتور .... والدكتور قال زي ما حمزة فهمه وبس لكن جميلة ملهاش أي ذنب في اللي حصل .........
حسين بزعيق بعد ماطلع من المكتب والكل اتجمع في البيت ..... وأنتي إيه اللي يضمنلك أنها مش بتكذب علييكي ويبقا كلام الولد صح .... ....
راسيل .... عشان أنا واثقة فيها وعارفه أنها مستحيل تعمل كدا .... وأن الشيطان حمزة هو اللي عمل كدا ....
حسين ..... مش كلام كافي يخليني أقتنع ....
في الوقت دا ظهرت جميلة اللي كانت مستخبية وري خديجة وقاعده بتبكي بسبب أن مافيش حد مصدقها خالص وأن سمعتها بقت وحشه قدام كل الناس .....
بص حسين ناحية جميلة لاقها علي حالها دا وإيدها اللي ماسكة في هدوم خديجة بترتعش وخديجة مش عارفه تهديها فقرب منها بجمود وشدها من وري خديجة مما أفزع راسيل اللي حكت نص الحقيقة والنص التاني كان الخوف أكبر منها فأجبرها علي السكوت ....
راسيل وهي بتحاول تكلم جدها .... چدي ...
حسين بحركة شاورلها بإيده بمعني أنها تسكت ومتتكلمش ..... فسكتت راسيل ورجعت تاني مكانها وهي حاطه راسها في الأرض وبتبص لأمها برعب وبترجي أنها تنقذ جميلة من إيد جدها ....
حسين وهو ماسك جميلة اللي بتبصله برعب جامد .... انتي چايه عندينا هنا عشان هربانه من أهلك عشان نخبي العمله اللي انتي عملتيها .....
جميلة ببكاء ... والله كل حاجة حضرتك فاهمها غلط وأنا مش كدا ولا حامل أقسم بالله .......
حسين وهو بيبص لراسيل ... وإيه يخليني أصدقك
جميلة ..... اللي يخليك تصدقني إني عارفه يعيني إيه زنا والعياذ بالله ... يعني من الكبائر اللي ربنا سبحانه وتعالي ذكرهم في قرأنه الكريم وعارفه عواقبه عند ربنا .... اللي يخليك تصدقني أني أزهرية ..يعني أتعلمنا يعني إيه معني الأية دي *قل للمؤمنين يغضوا من أبصارهم ويحفظوا فروجهم ذلك أزكي لهم إن الله خبير بما يصنعون ....* يعني ربنا سبحانه وتعالي بيقول لكل المؤمنين أنهم يغضوا من أبصارهم عشان عدم الفتنة والوقوع في الغلط .... هقوم أنا أزني مره واحده ....أنا لما وافقت علي كلام راسيل أني أجي الصعيد هنا متأكدة أنهم ناس هتقدر تحميني وتصدقني عكس مابنشوفهم في التلفزيون ونسمع عنهم من الروايات والأخبار لما قالتلي أن أهلها هيصدقوني فرحت وبقيت زي الغريق اللي متعلق في قشه وقلت هاثبت برأتي وهما هايساعدوني مكنتش أعرف أنهم هما كمان هيكذبوني وهيشككوا فيا .... أرجوك أسمعني لو لمره واحده بس أنا مليش ذنب في اللي حصل كلها كانت لعبه قذره نفذها واحد حيوان أغرت عينه السلطه والتحكم ولو مش مصدقني ممكن نعيد الكشف تاني وساعتها هتتأكد أني مش حامل ولسه بعذريتي .... صدقني والله الواحده اللي عارفه يعني إيه غضب ربنا مستحيل تعمل حاجة وتغضبه وتعصيه صدقني ....
أنت تقرأ
جحيم عاشق
Любовные романыهتعمل إيه لو كنت ظابط وبتحب واحده واكتشفت انها هربانه من أهلها في قضية شرف ومطلوب قتلها ومطارده من أهلها أكيد أنت مش هتسكت هيحصل إية .... دا اللي هنشوفه في رواية "جحيم عاشق"
