جحيم عاشق

جحيم عاشق 20♥

أذنبـتَ .. نعم 💔
أخطـأتَ ... نعـم 💔
قصـرتَ ... نعــم 💔

تطهر وصلِ لله ركعتـان توبة تطهر بها روحـكَ وقلـبك من كل دنس وذنب..

(فمن تاب من بعد ظلمه وأصلح فإن الله يتوب عليه إن الله غفورٌ رحيم)
وكا العادة يا سادة صلوا ع الحبيب لتزداد السعادة ♥♥♥🌺
🌺🌺🌺🌺🌺🌺🌺🌺🌺🌺🌺🌺🌺🌺

كانت واقفه وف اتنين ستات واقفين بيتكلموا وهما بيبصوا عليها ...

الست الأولي بشماته .... شوفي ياختي ليها عين كيف تنزل السوج .....

الست التانية ... أني لو مكانها كنت دفنت نفسي وجال إيه بيجولوا بت الحسب والنسب وعيالها ينضربوا بيهم المثل وجال ظابط جال دا الناس بتجول أن البت دي غازيه من مصر وهو چيبها البلد حيدانا هنا عشان كيفه مكفاية بجا دور الست المحترمة اللي هي رسماه علينا ديه ....

بصتلهم خديجة بعيون حمرا من الغل والوجع واتحركت اتجاهم وبصت للست اللي بتبصلها بغل وجات رافعه ايديها ونزلت بقلم علي وشها صدم كل اللي كان واقف ..

خديجة بصوت عالي عشان الكل يسمع .... وقسماً عظماً اللي هيچيب سيرة ولادي علي لسانه ليكون أخر يوم ف عمره أنا ولادي مفيش حد زيهم حيدانا هنيه ف البلد يامره انتي وهي ولا تكوني ياشاديه أن الكل هيصدج كلامك الماسخ ديه انتي بس بجولي كيديه عشان محروقه من ساعت م ولدي زين الرجال ماحبس ولدك الندل اللي حاول يتعدي علي بيوت الناس وحرمتهم أبني راچل ومتعدهوش العيبه ويعرف ربنا كويس مش زي ناس ...

شادية بنفس ابصوت العالي .... حوشي ياختي والغازيه اللي مجعدينها حيداكم ف البيت دي إيه دي لافه علي الرجاله كلياتهم ومنهم محسن الغلبان اللي اتاخد ف الرچلين وحاولت توجعه ف الغلط بجا بيت حسين بيه يدخله الغوازي دا البلد كليتها مورهاش غير سيرتكم وسبرة الغازية ....

خديجة بعصبية ... اخرسي جطع لسانك انتي واي حد يجول ع ولدي كلمة ولا علي ابوي ولا عيلتي أصلا غوازي إيه ياعرة النسوان البيت دي ف چامعة أزهرية وتعرف ربنا كويس وهي تبجا صاحبة بتي راسيل وچاية تجعد معاها يومين انتي بس اللي وسخه ف شايفه الناس كليتها زيك (بصوا معايا كدا ف الكلمة دي "وسخه" بارده وأنا بكرها معنها قذر للأسف 😐🙂) وسابتها ومشيت
رجعت خديجة البيت وهي منهاره دخلت ع المطبخ عدل وقعدت ع التربيزة اللي ف المطبخ وفضلت تعيط .....

🌺🌺🌺🌺🌺
كانت راسيل نايمة ع أرضية الأوضة أو نقول فاقده للوعي السخنية ذادت عليها جامد لدرجة أنها معدتش حاسه بأي حاجة حواليها غير برودة جسمها حالتها فعلاً كانت صعبة ...

🌺🌺🌺🌺🌺🌺🌺
في فيلا الشيمي ...

فاق حمزة لقي الساعة 8 الصبح بيبص ف الأوضة لقاها أوضة أدم فضل يتكلم هو وأدم امبارح لحد م ناموا بص حمزة جمبه لقس أدم خارج من أوضة تغير الملابس بتاعته وهو بيلبس الجاكت بتاعه ...