فتحت عنيها بقلق وهي بتتاوب حست بالعطش فتعدلت علي السرير ولسه هتحط إيديها علي الأبجوره " ااااااااااااااااااع "
"اششششش حافظي علي صوتك الصريخ اللي بجد لسه مجاش "
"صدرها بدأ يعلوا ويهبط وصوت دقات قلبها بترن حواليها وهي باصة في عنيه اللي بتبصلها بجنون وغضب
" ز زيـ زيـن "قالت فاطمة بهلع وهي بتبص لزيــن برعب اللي قاعد قدامها
" قدرك أنك وقعتي تحت أنيابي يابت الأدهمي، أقسملك أني هدوقك من النفس الكاس اللي دوقت منه هشربك المر والعذاب يافاطمة هخلي قلبك يتقطع كل يوم ألف حته هخليكي تسفي التراب وتترجي الأيام أنها تمر بسرعة عشان يجي وقت دفنك، مش هقتلك لاء دا أنا هحرق قلبك علي كل نسمة أمل هتمر قدام عينك ومش هخليكي تترجيني عشان أرحمك لاء دا أنا هخليكي تترجي ربنا عشان ياخدك من اللي هتشوفيه معايا، انتي كنتي عاوزه تتجوزيني صح قتلتيها عشان تتجوزيني وأنا وربنا ماهحرمك من أمنية حياتك دا أنا هحققهالك وبزيادة كمان "
فاطمة بدموع "وكتاب الله ماقتلتها أنا دخلت لقيتها مقتولة "
"باااااااااااااس" هتف زيـن بجنون وهو بيحدف المزهرية اتجاه فاطمة اللي صرخت وحططت إيديها علي ودنها من الرعب وبصت جمبها علي الزهرية اللي كانت هتخبط فيها بجنون وبعدين بصت لزيـن اللي قرب منها فجأه
"تعرفي يافاطمة كل مابسمع صوتك بتجيلي رغبة أني أدفنك حيه بس بصبر نفسي بإني هشوف دمك قدام عيني زي ماشوفت دمها ودم أبني بين إيديا بس الفرق بينك وبينها بقا أنها ماتت لكن أنتي لاء مش هسيبك تموتي هدعي ربنا أنه يطول في عمرك عشان بس أدوقك من عذاب قلبي"
فاطمة بصريخ غاضب " اللعنة عليك يازيـن أنت وهي "
"عااااااا" صرخت فاطمة من خبطة زيـن في شباك السرير اللي عمل ضجة جامدة
مسكها زين من شعرها جامد نزلها من علي السرير وسحب طرحتها من علي الكرسي ووقفها قدامه وبدأ يلف الطرحه علي شعرها بعشوائية وهو بيشدها جامد حوالين رقبتها متعمد تألمها تحت صراخها من الأختناق وهي بتقاوم إيديه ومن حسن حظها أنها كانت لابسه عباية بيتي، ساحبها زين من كتفها جامد وفتح الباب بغضب وساحبها وهو بيسحابها اتخبطت في الباب دمغها اتخبطت جامد فتفتحت وبدأت تنزف دم، فضلت تصرخ وبتقاوم إيديه والألم ولكن هو لاحياة لمن تنادي فتح باب الشقة وحدافها بعصبية وقعت تحت رجلين العساكر اللي واقفه
"أنا بتهم فاطمة محمد حسين الأدهمي بنت عمي بقتل مراتي وأبني وعندي الأدلة الكافية"
#يتبع
#جحيم عاشق 2
#مليكة سعيد
____________________________
رأيكم ياعيال في الجزء التاني دا اقتباس كدا ع الماشي قولولي رأيكم في الكومنتس وتوقعاتكم في باقي الرواية هيكون انتقام زيـن زي أي بطل في رواية قبل كدا ولا لاء ولو كان لاء هيكون انتقامة أزاي لو لقيت كومنتات حلوة وتفاعل كبير هبدأ انزلكم الجزء التاني اشطا
أنت تقرأ
جحيم عاشق
Lãng mạnهتعمل إيه لو كنت ظابط وبتحب واحده واكتشفت انها هربانه من أهلها في قضية شرف ومطلوب قتلها ومطارده من أهلها أكيد أنت مش هتسكت هيحصل إية .... دا اللي هنشوفه في رواية "جحيم عاشق"
