Unicode
အေးစိမ့်စိမ့်ချမ်းစိမ့်စိမ့် ဖြစ်နေတဲ့ဆောင်းရာသီမနက်ခင်းဟာ အတော်ကိုပင်နေလို့ကောင်းလှသည်။အိပ်ယာထက်မှ ကောင်လေးသည်လည်း ကောက်ညှင်းထုပ် ထုပ်ထားသလို စောင်ကိုထုပ်ကာအိပ်နေလေသည်။ထိုကောင်လေးသည် အိပ်နေသည်သာဆိုသော်လည်း သူရဲ့နှုတ်ခမ်းလေးဟာ ကွေးညွှတ်အောင်ပြုံးလို့နေလေသည်။
လူချမ်းသာတွေသာ နေသည့်ဆိတ်ငြိမ်းတဲ့လမ်းလေးဖြစ်သလို ထိုလမ်း၌ပန်းခြံငယ်လေးတစ်ခုလဲရှိလေသည်။
ပန်းခြံလေးကလည်း ကလေးငယ်တို့အတွက်သီးသန့်ဆောက်ပေးထားသလားမှတ်ရတယ် ဒန်းတွေ လျှော်တွေ သဲတွေနဲ့ဆော့လို့ရအောင်ပါလုပ်ထားပေးသေးတယ်။ပန်းခြံဆိုတဲ့အတိုင်း ပန်းလေးတွေတော့မပါမဖြစ် လှပနေသည်။
" တိုတို "
" ပြောလေ ငယ် "
" တိုတို ဟိုအဝေးကြီး ကိုထွက်တွားတော့မယ်ဆို ငယ့်ငယ့်ကိုထားတွားရဝူးနော် ဟင့်.."
" ကိုကိုက ကျောင်းသွားတက်မှာပါငယ်ရဲ့ ပြန်လာမှာပါ မငိုတော့နဲ့နော် ကိုကိုကခနပဲသွားမှာ "
" ဟုတ်ရို့ရာ မေမေပြောရာ တိုတိုက အကြာကြီး တွားနေရမှာဒဲ့ ငယ့်ငယ့်ကိုထားတွားပါနဲ့ အီး...ဟီး......."
" ဟာ မငိုနဲ့လေငယ်ရယ် ကိုကိုကပြန်လာမှာပါဆို ငယ်ပြော ကိုကို့ကိုမချစ်ဘူးလား "
" ချစ်ရယ်လေ "
" အဲ့တာဆို မငိုနဲ့တော့လေ ကြည့်အုံးနှာရည်တွေပါထွက်နေပြီး ညစ်ပတ်အိုးလေးရဲ့ "
" ရွှတ် အဲ့ဆို တိုတိုက ငယ့်ငယ့်ကိုမချစ်တော့ဘူးလား ဟင့် "
" ဟားဟား ချစ်တာပေါ့ ညစ်ပတ်အိုးလေးဖြစ်လဲ ကိုကိုကအများကြီးချစ်တယ် အထူးသဖြင့် ဒီပါးဖောင်းဖောင်းလေးကိုအချစ်ဆုံးပဲ ရွှတ် ရွှတ် "
" တိုတို ငယ်ညစ်ပတ်နေရယ်လေ ပြီးတော့ ဖြေးဖြေးနမ်းပါ တိုတိုရဲ့ငယ့်ငယ့်ပါးကြီး ပျောက်မသွားပါဝူး "
" ဟားဟား ဟုတ်ပါပြီးအတတ်လေးရယ် "
" အဲ့တာဆို ငယ့်ငယ့်ကို ကတိပေး ပြန်လာရမယ်နော် ပြန်လာရင်ရယ် ငယ့်ငယ့်ကိုအရင်ဆုံးလာတွေ့ရမှာနော် "
YOU ARE READING
You're My Oxygen
RomanceZawgyi " မင္းေလးကကိုယ့္ရဲ႕အသက္ရႉသံေလးပါပဲ" Unicode " မင်းလေးကကိုယ့်ရဲ့အသက်ရှူသံလေးပါပဲ"
