سحر الكون

الفصل الرابع

الفصل الرابع
سحر_الكون ⁦♥️⁩
عند ايهاب
ايهاب بنعس : يا عم مش هنام بقا انا نعست اوى 😪😴
زين :  انت بتفرفر بسرعة ليه كدا يا ايهاب ما لسة الليل طويل
ايهاب : يا عم انت قاعد ماسك الفون و انا قاعد لوحدى بتعمل ايه
زين ببتسامة : بقرا رواية
ايهاب : رواية ايه بقا يا عم ،  انت كل مرة بتقل ف نظرى اكتر
زين بعدم اهتمام : يا عم اقل اقل سبنى اكمل بقا الحتة دى حلوة اوى
ايهاب : انا هنام انا يا رخم ، تصبح ع خير
زين : و انت من اهله
و فضل زين سهران بيقرا رواية و بعد ساعتين كان بيصحى ايهاب بسرعة
زين بسرعة : ايهاب ايهاب اصحى ياض بسرعة ، بسرعة يا عم الّحق بسرعة
ايهاب صحى مخضوض
ايهاب بفزع : ايه ،  ايه اللى حصل عرف صح ،  المدير عرف ، انا مش عاوز اعرفك تانى كل اللى بيحى من وراك مصايب اصلا سبنى بقا سبنى يا عم
زين : انت بتبقى درامى اوى و انت لسة صاحى
ايهاب ضحك و قال : افورت صح😂  ، بس هنعمل ايه
زين : يا ابنى عمى معرفش حاجة
ايهاب : بجد
زين : اه
ايهاب :  امال صحتنى ليه
زين بتذكر : اه صح افتكرت (و بدا يغير صوته كأنه بيعيط ) زياد مات يا ايهاب مات ، مات و ساب ريهام لوحدها
ايهاب مخضوض : زياد مين بس اهدى كدا و فهمنى بالراحة
زين بحزن : زياد اخو محمد
ايهاب :  انا اعرف زياد عشان اعرف محمد مين دول يعنى ، اهدى كدا عشان افهم
زين ببتسامة : ابطال الرواية اللى بقراها
ايهاب وقف مصدوم و بدا يضربه
ايهاب بعصبية و هو بيضرب زين :  يا عم ***** ، مصحينى عشان ايه ، عشان زياد مات زياد مين بتاع الرواية لا يا شيخ تعالى نحضر العزا ياض ازاى منروحش العزا بتاع صاحبك العزيز دا تعالى
دا كلو هو بيضربه و دا بيصد الضرب و بيضحك 😂
زين باستسلام : خلاص خلاص يلا ننام 😂
ايهاب بانزعاج : انام ايه تانى يا عم مش هعرف بنام بالعافية انا
زين : خلاص تعالى نتوضى و نصلى و انا هنيمك متخافش
اتوضوا و صلوا و زين فضل مع ايهاب لحد ما نام و نام هو كمان
*********************************************
تانى يوم
عند جميلة
وردة صحيت من النوم و بصت حاوليها و كانت جميلة و سارة لسة نايمين و شافت سارة مبتسمة و هى نايمة و فرحت جدا بكدا و قالت لنفسها : الحمد لله انها فرحت معانا التهاردة صعبت عليا بجد و شافت كتير وحش يارب تفضل فرحانة دايما ⁦⁦و افتكرت اللى سارة حكته ليهم امبارح
Flash back
وردة : ايه اللى حصل بس
سارة : من اربع سنين كنا انا و ايهاب كويسين اوى مع بعض و كان بيحبنى جدا و كان حنين اوى و بعد كدا بابا و ماما ماتوا ف حادثة عربية من ساعتها و ايهاب سايبنى لوحدى ع طول و شغله واخد من وقته كتير و لو جه بيجى متأخر و يمشى بدرى و مش بيخلينى اخرج خالص و لا اشوف حد من صحابى و صحابى كمان بعدوا و مبقتش بكلم حد و لا حد بيكلمنى و بقيت لوحدى خالص و ممنوعة من كل حاجة
جميلة بحزن : يا روحى
وردة : خلاص من هنا و رايح اصلا احنا صحاب و اخوات و مع بعض تمام
سارة : اتمنى والله عشان انا حبتكوا جدا بس ياريت ايهاب يرضى
جميلة : متقلقيش طالما خلاكى تجى النهاردة يبقى اكيد مطمن عليكى هنا
وردة : ايوة فعلا و انا هكلمك ايهاب و اخليه ياخد باله كويس من اللى بيعمله
سارة : شكرا والله مش عارفة اقولكوا ايه بجد
جميلة : لا خلاص مفيش شكر بنا بقا بقينا واحد
وردة ببتسامة : ايوة فعلا
Baaack
صحيت وردة و صلت و نزلت من الاوضة اللى كانو نايمين فيها و لقت مامت جميلة بتحضر الفطار ف المطبخ و دخلت تساعدها
وردة ببتسامة هادئة : صباح الخير ⁦
ريهام : صباح النور يا حببتى صاحية بدرى يعنى
وردة بضحك :  عادى نمت منهم بدرى امبارح
ريهام ببتسامة : المهم ارتحتى كويس يا بنتى
وردة :  الحمد لله ، اساعد حضرتك ف ايه بقا
ريهام : لا يا روحى اقعدى بس و انا هعمل
وردة :  لا عادى ما انتى عارفة انى بعرف اعمل اكل مش اول مرة يعنى
ريهام ضحكت و قالت : ايوة صح ،خلاص تمام تعالى
*******************************************
سامية كانت قاعدة ف البلكونة و كانت زعلانة دخل عليها شاكر
شاكر : ها يا سامية عاوزة حاجة قبل ما اروح الشركة
سامية : عاوزاك تكلملى زين بقا و تخليه يجى يقعد كام يوم  هنا مش لازم يقعد لوحده ع طول
شاكر بتوضيح : ما انتى عارفة مش بيرضى يجى ليه
سامية :  خلاص حاجة حصلت مرة مع التأمينات مش هيحصل حاجة تانى ان شاء الله
شاكر : المرة اللى فاتت لما المجرم اللى مسكه هرب و كان عاوز يقتله معرفش عشان زين منتبه دايما رح جه الفيلا و هجم علينا و لا مش فاكرة
سامية بحزن : فاكرة طبعا بس اعمل ايه بيوحشنى طيب ، و مش فاهمة ازاى و هو بعيد بيحمينا
شاكر : عشان المجرم عرف مكانا عشان كان عايش معانا ، عشان كدا قعد لوحده عشان محدش يتعرض للأذى بسببه
سامية : برضو خليه يجى يسلم عليا مش كدا يعنى
شاكر باسها على جبينها بخفة و قال : حاضر عيونى ، عاوزة حاجة تانى
سامية ببتسامة جميلة : لا ترجعلى بالسلامة ان شاء الله
شاكر : مع السلامة
و مشى شاكر و ركب عربيته و رايح الشركة و افتكر مكالمته مع اخوه امبارح
Flash back
شكرى : هتجنن يا شاكر والله هتجنن
شاكر ضحك و قال :  ايه اللى حصل تانى بس
شكرى (مدير المدرية ) : ابنك عبيط اصلا انا مش فاهم دخل شرطة ازاى بجد
شاكر بهزار : اصله جاب ٦٠ فالمية ف الثانوية العامة ههههههه
شكرى : اااه فهمت كدا ، طالع عبيط ل ابوه
شاكر بضحك :  ليه الغلط بس و بعدين فيها ايه لما الواد يفرفش معاك شوية متبقاش قفوش كدا
شكرى بصدمة : تصدق قال نفس الجملة ، دا انتو مجانين ، بس انا سمعت الكلام و فرفشت معاه
شاكر : بجد ، ازاى
شكرى بفخر : دخلتو الحبس
شاكر بضحك : هههههههه بجد عملت كدا هههه
شكرى :  ايوة ، ايه اللى بيضحك فكرتك هتتخانق معايا
شاكر : لا فكر فيها كدا مسخرة ظابط ف الحبس يلاهوى ههههههههه
شكرى بصدمة :  لا بجد هتشل منكو قريب
شاكر :  بكرة لما تروح المدرية عدى عليه ارهانك انك هتلاقيه مستمتع اوى و لا كأنة فى مارينا 😂 هو دا عقاب دا
شكرى : انا غلبت معاكوا  بجد ايه اللى وقعنى مع العيلة دى يارب سلام يا عم خلينى انام سلام
شاكر بضحك :  سلام
Back
  شاكر بينه و بين نفسه :  تستاهل والله يا شكرى لازم زين يطلع فيك اللى كنت بتعمله فيا و احنا صغيرين 😂
*****************************************
رايح المدير شكرى المدرية و عدى فعلا ع زين و هو ماشى و بص لقى زين نايم هو و ايهاب و شايف جمبينم اكياس ل اكل و ببسى و شبسى و فى سمعات و العاب و نايمين ع لحاف و متغطيين كمان عرف وقتها ان العيلة دى ملهاش حل و مش هيعرف يعمل معاها حاجة ، نده ع العسكرى
شكرى : مين اللى جاب كل دا هنا
العسكرى : ايهاب بيه يا باشا
شكرى :  و دخلته ليه
العسكرى بتوتر : هو اللى قالى يا باشا معرفش
شكرى : طب افتح الزنزانة
فتح العسكرى الزنزانة و دخل شكرى و قال بصوت عالى
شكرى بصرامة :  قيام يا عسكرى
راح قام ايهاب بسرعة و قال : تمام يا فندم
و زين كان لسة بيتاوب و بيتقلب
شكرى ل ايهاب : صحيه
ايهاب مسك ازازة الماية و كب ع زين
زين بخضة :  هييييييي بغرق يلاهوى
و  قام وقف و خد باله من اللى بيحصل بص ل عمه و قال بتمثيل : عمى العزيز ازاى تورينى وشك بعد اللى عملته فيا و خلتنى متشرد ف السجون و نزلت من مقامى ك ظابط
شكرى : ما انا شايف فعلا انك تعبت و شقيت جايب لحاف بسم الله ما شاء الله عليك و ايه دا اكل
زين ببتسامة : ايه دا انت متعرفش دا احنا قضينا ليلة و لا ليالى الاجازة والله لعب بقا و سهر و اكل و حاجة قمر الحمد لله ان لسة فى يوم تانى
شكرى : لا خلاص كفاية عليك كدا
زين بحزن مزيف : لا ليه بس
شكرى :  ناقص يجبولك حد يخدم عليك قاعد ف فندق ايه اللى عملته دا
زين بضحك : لا ناقص مروحة الدنيا كانت حر اوى بليل
دا كلو وايهاب بيحاول يكتم ضحكه
شكرى : و انت يا ايهاب بتعمل ايه معاه
ايهاب : خلصت شغلى يا فندم و مكنش ورايا حاجة
شكرى بتريقة : اه رحت قلت لما اتفسح ف الحبس شوية  صح ، عمتا يلا تعالولى ع المكتب فوق
زين : ايه دا مش لسة باقى يوم كمان
شكرى : لا مش عاوز الشغل يتعطل ، ورايا
ايهاب : تمام يا فندم
*******************************************
عند جميلة
وردة : انا اللى عملالكو الفطار
سارة : بجد
جميلة : بتكدب يا بنتى ماما اكيد
الام : لا انا و هى سوا
سارة ببتسامة : تسلم ايدكوا انتو الاتنين
الام: بالهنا و الشفا يحببتى ، عاوزة اشوفك معاهم على طول بقا ان شاء الله تمام
سارة : ان شاء الله يا طنط ، تسلم ايدك
جميلة : واضح يا بابا كدا انا و انت ملناش نصيب من الكلام الحلو اللى عمال يتوزع دا
الاب بضحك : باين كدا يا بنتى والله
وردة ضحكت و قالت :  لا احنا نقدر
و فجأة فون وردة رن بصت لقت زين و استئذنت عشان ترد و طلعت برا
وردة : السلام عليكم
زين رد ببتسامة : و عليكم السلام  عاملة ايه
وردة : تمام الحمد لله و انت
زين :  بخير الحمد لله ، ها نقدر ننفذ النهاردة
وردة : ايوة تمام عادى
زين : طب نص ساعة و اكون عندك
وردة : عندى فين
زين :مش انتو لسة عند جميلة
وردة : اه
زين : خلاص تمام جى
وردة : لا لا متجيش هنا تعالى ع البيت عندى
زين : ليه كدا
وردة : لا مينفعش طنط و عمو يعرفوا مش هيرضوا يخلونا نعمل حاجة روح على عندى و احنا شوية و جايين
زين : طب خلاص تمام
وردة : تمام
********************************************
بعد وقت عند وردة
زين : كلو فهم كدا هنعمل ايه
وردة بشرح : اه هتبقوا ورايا و انا قدام و ادخل و اتكلم معاه و اقنعه انى موافقة بس هنقعد فترة نتعرف ع بعض و انتو هتبقوا مأمنين كل حاجة
زين : صح كدا و اهم حاجة متنسيش تلبسى الدبوس دا هو شكله زى دبابيس الطرح فمحدش هيشك فيه هتحطيه ع كتفك عشان فيه جهاز Gps عشان لو حصل حاجة و جهاز تنصت عشان نسمع كل حاجة *و كمل ببتسامة جميلة* و كمان يا ست ع شكل وردة اهو اى خدمة
وردة ابتسمت و خدت الدبوس و قالت : خلاص تمام كدا فهمت
زين : يلا بينا
جميلة : اه يلا انا جهزت اهو
زين : ليه انتى هتروحى فين
جميلة : جاية معاكوا اكيد
ايهاب :  استنى بس هتيجى تعملى ايه
جميلة : لازم اكون موجودة طبعا امال هقعد هنا ع اعصابى خايفة من اللى بيحصل
زين بطمئنينة : مش هيحصل حاجة يا بنتى
جميلة بدات عنيها  تدمع و تقول : لا لا ، لا هاجى والله هاجى لا مليش دعوة
وردة راحتلها و قالت : خلاص يا روحى معايا اكيد ، هو انا هعرف اروح حتة من غيرك يعنى
جميلة بصت ل زين نظرة اللى هو شفت 😏
ايهاب : تمام تعالى يا سارة اروحك يلا
وردة : اه صح يا ايهاب ، احنا حبينا سارة جدا و ياريت فعلا تجبها كتير عندنا و احنا هنبقى نجلها و كدا
ايهاب : دا شيئ يسعدنى انها هتبقى معاكو معنديش مشكلة
وردة ببتسامة : تمام شكرا اوى ⁦
و سلمو على سارة قبل ما تمشى و سارة قالت : تخلوا بالكوا من نفسكوا ها و طمنونى عليكوا بعد ما تخلصوا
جميلة : تمام متخافيش
و مشيوا ايهاب و سارة
زين : طب خلاص يا جميلة كدا هتركبى معايا ف العربية و وردة هتبقى ف العربية بتاعتها
وردة : خلاص تمام اطلع و احنا جايين وراك
زين : تمام مستنيكو برا
طلع زين و جميلة حضنت وردة و قالت : كل حاجة هتبقى كويسة هتعرفى تتكلمى و هتعرفى تعملى كل حاجة انتى عظمة اصلا و انا معاكى متخافيش
وردة ببتسامة :  مطمنة عشان انتى معايا اصلا و متخافيش كل حاجة هتبقى تمام انتى ناسية انى بعرف امثل و لا ايه
جميلة ضحكت و قالت : لا منستش ، خلى بالك من نفسك
وردة : حاضر و انتى
جميلة : تمام يلا
وردة : يلا
************************************
كانو ماشيين بالعربيات و وردة بعيدة عنهم بحيث ميبانش انهم تبع بعض و كل حاجة مشيت زى ما كانو مخططين بالظبط و وصلت لحد فيلا الفرماوى  و وقفوها الحراس و اول ما قالتلهم انها وردة مسكوها جامد عشان متهربش منهم و .........
*****************************************
و بس لحد هنا 😂😂😂😂 هيحصل ايه مع وردة؟
هل كل حاجة هتمشى تمام؟
هل الفرماوى هيطلع غبى لدرجة ميكشفهاش ؟
هل علاقة ايهاب و سارة هتتحسن ؟ و ليه ايهاب بيعاملها كدا ؟
سحر_الكون ⁦♥️⁩✨🧚
رحمة_محروس ⁦♥️⁩✨