سحر الكون

الفصل الخامس

الفصل الخامس
سحر_الكون
جميلة بخوف : هيحصلها ايه ها مسكوها كدا ليه ها هيعملو فيها ايه قول رد عليا ما تتكلم
زين بهدوء : اهدى انتى بس و كل حاجة هتبقى بخير
جميلة : اهدى ازاى انت ساكت و هادى كدا ليه ها الحقها قوم
زين بصرامة : جميلة بعد اذنك دا شغل ينفع تسكتى و تسبينى اشتغل و لا انزلك مع العساكر هناك يروحوكى
جميلة بصوت حزين : امال انا هقعد اتفرج بس كدا
زين و هو ماسك سماعة : لا كلميها و طمنيها بدل ما تخوفيها اكتر
********************************************
واحد من اللى مسكوها بصوت مخيف : كنا هنمسكك لولا الحرس ، ادخل قول للريس جبناها
وردة خافت منهم و سمعت صوت جميلة من السماعة اللى لبساها تحت الطرحة
جميلة : متخافيش كلنا معاكى مش هيحصل حاجة
وردة شدت اديها من الحارس و قالت : انا جاية هنا عشان اقابل نصر الدين مش عشان تمسكونى كدا
فى الوقت دا جه الحارس التانى و قال : البيه بيقولك دخلها بسرعة
دخل واحد من الاتنين قدام و وردة وراه
بصت على الفيلا و كانت كبيرة و الاثاث بتعها كان جميل و رقيق و مشيت وراه و دخلت اوضة كبيرة و الحارس طلع و قفل الباب كان فى كنبة جلد سودة جميلة و لون الاوضة كان هادى و مكتب كبير وراه كرسى و حد قاعد ع الكرسى و مديها ضهره
نصر الدين : مكنتش متوقع انك تيجى لحد هنا بنفسك
وردة : جاية عشان نتفق ع حاجة
نصر الدين لف بالكرسى قدامها و قال ببتسامة : و ايه هى
وردة شافت نصر الدين و كان شاب فوق العشرينات و شعره ناعم و اسود و عينه بنى و كان لابس شيك جدا و ابتسامته كانت جميلة شكله ميدلش خالص ع انه وحش للدرجة اللى بيقولوا عليها ، ردت عليه و قالت: انا موافقة على الخطوبة
نصر الدين بفرحة مع استغراب: بجد!!بتهزري؟!
وردة : لا ، ايه اللى هيخلينى اهزر معاك يعنى
نصر الدين : مش انتي مكنتيش موافقة قبل كدا
وردة : هنبدأ بخطوبة و لو لقينا اننا ننفع لـ بعض هنكمل لو لا يبقى كل واحد يروح لحاله
نصر الدين : افهم من كلامك انك وافقتى ع مشروع خطوبة و حياه و جواز و كدا ، مش عشان الشركة و ديونها يعنى
وردة : لا مش عشان الديون او حاجة ، الحمد لله باقى المديونين وافقوا يدونى مهلة و الشغل ماشى كويس اوى و قريب و هسدلك ديونك
نصر الدين بتفكير : امممم ، حاسس ان فى حاجة غلط ف الموضوع
وردة وقفت و قالت : لو انت سحبت عرضك ممكن امشى
نصر الدين وقف و قال : لا خالص اقعدى تعالى يلا نتفق
وردة قعدت و قالتلو : بما ان بابا مات ، فأنت ممكن تيجى تطلب ايدى من بابا صحبتى هبعتلك العنوان
نصر للدين ببتسامة : بكرة حلو
وردة : تمام
نصر الدين : لو حسيت انك بتلعبى بديلك هنزعل سوا و انا زعلى وحش
وردة : انا مش بحب الشك دا و لو مش واثق فيا ممكن نلغى كل حاجة و اقوم امشى
نصر الدين ببتسامة جميلة : لا هنجرب و لو طلعتى مش بتلعبى بديلك هتلاقى منى حجات قمر هتعجبك 😉
وردة وقفت و قالت ببتسامة : هستناك بكرة
نصر الدين : مش هتأخر
وردة مشيت لحد الباب و بصت عليه و قالت : مع السلامة
نصر الدين : سلام
بعد ما مشيت وردة ، رفع سماعة الفون الارضى و قال : امشى وراها شوفها رايحة فين او هتقابل مين و قولى
*******************************************
زين : يلا نمشى من هنا بسرعة
جميلة : هنسبها
زين : هنمشى احنا و العربيتين دول و هنسيب عربية واحدة معاها *و هنتكلم ف اللاسيلكى* عربية واحد و اتنين يمشوا ورايا العربية التالته تفضل مع عربية الهدف و بعيد عنها بحيث متلفتش الانظار و لو لاحظتو حاجة وراكو تمشو و تسبوها
و مشى بالعربية بتعته و عربيتين تانى وراه
جميلة : هتبقى كويسة صح
زين بهدوء عشان يطمنها : هتبقى بخير متخافيش ، و بعت رسالة لـ وردة يقولها تروح ع بيتها على طول
زين : قوليلى بقا ايه سر الخوف دا كله عليها ، هى نفسها مش خايفة اوى كدا
جميلة : وردة دى حياتى مليش غيرها ف الدنيا دى كلها
زين : يعنى معندكيش صحاب غيرها
جميلة : لا طبعا عندى و هى كمان عندها بس ف الاخر ملناش غير بعض
زين ببتسامة هادية : ربنا يحفظكوا و تفضلوا مع بعض دايما
جميلة : امين يارب ، نفس الموضوع معاك انت و ايهاب
زين ببتسامة : انا و ايهاب برضو سوا من زمان و ملناش غير بعض و علاقتنا قيمة جدا بالنسبالى و مرينا بحاجات كتير اوى سوا حاجات تخلينا نتمسك ببعض اكتر
جميلة بفرحة : ان شاء الله مع بعض دايما
زين : امين
زين و جميلة مشيوا ع بيت جميلة
جميلة : مش المفروض نروح ع وردة
زين : لا دلوقتى هو مكلف حد يراقبها عشان يتأكد من اللى بتقولوا فلازم نبعد عشان كدا مشينا و قولتلها كمان تروح ع بيتها ع طول بكرة هتنزلى شغلك ف الشركة بتعته عادى و وردة كمان تروح شركتها و كل حاجة تمشى طبيعى عشان ميشكش ف حاجة
جميلة : تمام اوى
***************************************
_ روحت ع بيتها ع طول يا فندم و مقبلتش حد
نصر الدين : تمام خلاص ارجع تانى
_ تمام
قفل معاه و رن ع حد تانى
نصر الدين : ف اى اخبار
الجاسوس بتاعه :لا يا فندم حتى لسة مأعلنوش عن الخطة
نصر الدين : كل دا اتأخروا و هما عارفين ان الشحنة قريب و هتدخل خلى بالك عشان حاسس انك مش عارفة حاجة او ناسى اللى اقدر اعملوا
الجاسوس بتاعه : لا يا باشا مش ناسى
نصر الدين : لما نشوف
****************************************
نفس اليوم بليل فى بيت وردة كانوا الثلاث بنات سوا
سارة : الحمد لله انكوا كويسين
جميلة : الحمد لله
سارة : ايهاب وصلنى و قالى انه رايح معاكو ازاى مشوفتوهوش
جميلة : معرفش
وردة بضحك : عارفين كان فين 😂
جميلة \ سارة : فين
وردة : كان ف شنطة العربية بتعتى
جميلة \ سارة ضحكوا و اتفاجأوا
سارة : بجد ازاى
وردة : طلع كان ف شنطة العربية عشان لو حصلى حاجة و انا لوحدى عشان انتوا مشيتوا و العربيات كمان و لما وصلت بعديها بشوية كنت واقفة ف البلكونة لقيت شنطة العربية بتتفتح اتخضيت لما شفت حد طالع منها بس طلع ايهاب
جميلة : انا فعلا استغربت ازاى زين سابك كدا لوحدك عادى
وردة : لا زين كان دارس كل حاجة خطوة خطوة و خلانى احط جهاز تنصت ف اوضة المكتب عند نصر الدين و انا هناك
جميلة : يبقى عشان كدا عرف انه بعت حد وراكى
وردة : يبقى عشان كدا سبتونى كلكم
سارة : يبقى عشان كدا خلى ايهاب ف العربية
التلاتة ضحكو و قالت جميلة : مطلعش تافه زى ما كنت متخيلة
وردة : الشغل شغل 😂
سارة : بمناسبه الشغل و انك نازلة شركتك بكرة و كمان جميلة هتروح شركة نصر الدين ، كنت عاوزة اقدم شغل عندك يا وردة اهو اشغل وقتى بدل ما بقعد كتير فاضية
وردة : حاجة حلوة جدا تمام ،حلتيلى مشكلة السكرتير كان عاوز يتقاعد هو كبير ف السن شوية بس مرضتش غير لما الاقى حد تانى ، نروح سوا بكرة عشان لازم تحضرى الانترفيو عشان تسجلى ف الشركة
جميلة : و انا بعد ما المهمة دى ما تخلص هاجى معاكو و نبقى سوا
وردة ببتسامة : ايوة الحمد لله ⁦⁦
جميلة بغمزة : المهم دلوقتى نركز ف اللى هتتخطب بكرة 😉
وردة ضحكت و قالت : صح فكرتينى والله
جميلة : انا قلت ل بابا و فرح جدا و ماما كمان و لما عرفت اننا نازلين الشغل زعقت و قالت لازم تجهزو و حاجات من هذا القبيل طبعا مرضتش عشان انا عارفة اللى فيها 😂
وردة و سارة ضحكو و قالت وردة : كويس احنا هنروح الشغل عادى و نرجع ع خمسة كدا ع عند جميلة ع طول و نتقابل عندك و هو قال ع تسعة هيجى
سارة : بنات حتى لو احنا عارفين انها لعبة و كدا بس خلونا نستمتع باليوم دا و الخطوبة
جميلة : ازاى يعنى
سارة بحماس : هنشترى لبس جديد و فساتين
وردة : لا مش عاوزة
جميلة : لا هنعمل كدا و هنخربها عادى جدا
وردة : يبقى مع نفسكو بقا
جميلة قالت ل سارة : هتيجى معانا غصب عنها متخافيش 😂
********************************************
تانى يوم راحت جميلة شركة الفرماوى و بدات ف شغلها و بدات تتعرف على الناس اللى معاها ف الشركة و عرفت جميلة بالطريقة بتعتها انها تخلى الناس هناك تثق فيها ف الشغل اللى اتعلمتوا بسرعة و طريقة كلامها حببت الناس فيها هناك
سارة راحت مع وردة الشركة و وردة خلتها تفضل مع السكرتير عشان يعلمها كل حاجة عشان بعد لما تعرف نظام الشغل بعد فترة هتبقى هى السكرتيرة بدل منه
*************************************
ايهاب : هنعمل اى تأمينات ع زيارة النهاردة
زين : لا هنراقب من بعيد عشان منلفتش الانظار
ايهاب : و هنعمل ايه ف حكاية الجاسوس اللى عندنا دا لازم نلاقيه
زين بغموض : ملكش دعوة بس بالجاسوس دا
ايهاب : مخبى حاجة صح
زين بضحك : يا عم مش مخبى يا عم هخبى ايه
دخل عليهم ف المكتب بتعهم واحد صحبهم
زياد : جماعة عندنا استراحة ربع ساعة هروح اجيب اكل للكل تاكلوا ايه
ايهاب : والله فيك الخير واحد شاورما هنا لو سمحت
زين : و انا ليا عندك واحد شاورما برضو بس مرة تانية عشان ورايا مشوار
و قام من ع المكتب بتاعه و راح لحد الباب
ايهاب : مشوار ايه
زين : مش هتأخر *و مشى*
زياد ببتسامة : خلاص يبقى تعالى معانا برة يلا
ايهاب : ماشى
***************************************
وردة كانت قاعدة ف مكتبها بتابع الشغل و دخلت عليها سارة
سارة ببتسامة : وردة فى حد عاوز يقابلك
وردة : مين
و قبل ما ترد سارة ظهر من وراها زين
زين : انا طبعا هو مين هيعبركوا غيرى
وردة : والله
سارة بضحك : لا انا مش فضيالكوا انا ورايا شغل سلام انا
و طلعت سارة
وردة : هتفضل واقف عندك اتفضل
دخل زين و قعد
وردة : تشرب ايه
زين : اشرب شاى
وردة ضحكت و قالت : عاوز شاى بجد و لا عشان الاغنية
زين : ايوة هاتى شاى بحبه
وردة تمام و رفعت سماعة الفون و قالت : عم سعيد اتنين شاى مظبوط عندى فوق بعد اذنك و قفلت
وردة : مش عارفة حاسة ان الزيارة دى فيها ان
زين : والله يا ست وردة و لا ان و لا كان حتى
وردة بضحك : يا بنى انت متأكد انك ظابط
زين ببتسامة : والله هما ببقولو و النجوم اللى على كتفى دى تثبت
وردة ضحكت و قالت : انت دمرت فكرة الظباط اللى كانت ف دماغى اصلا
قطعهم حد خبط ع الباب و دخل راجل كبير شوبة و قال : الشاى يا استاذة
وردة : شكرا يا عم سعيد تسلم ايدك
سعيد : تسلمى يا بنتى
و مشى
زين : لا متواضعة متواضعة يعنى 😂
وردة : عم سعيد اعرفه من زمان اصلا من و انا صغيرة
زين : اها ، قوليلى بقا كانت ايه فكرة الظباط اللى كانت عندك و انا دمرتها
زردة : يعنى عندى مثلا انكو مش بتهزو و كدا و كل حياتكو شغل و ضرب و جرايم و مجرمين و احزان و انتقام و ....
قاطع كلامها زين و قال : حيلك حيلك ايه دا كله ، دا انتى اللى نظريتك متحطمة لوحدها كدا انا محطمتش حاجة
وردة ضحكت و قالت : بجد ليه
زين : بصى منكرش ان طبعا لازم يكون عندنا الاشكال دى بس دول هتلاقيهم ف المخابرات او القوات الخاصة او مكافحة المخدرات مش عندى يعنى
وردة : امال انت القسم بتاعك ايه ؟
زين : يعنى حابة مكافحة مخدرات و حابة مخابرات
وردة باستغراب : ازاى يعنى
زين : يعنى انا مش بحب افضل اعمل حاجة واحدة ع طول فتلاقيى ادخلت ف اللى مليش فيه و رحت خليت حاجة تانى
وردة : و هو دا ينفع عادى كدا
زين بضحك : ينفع لو عمك هو المدير 😂
وردة ضحكت و قالت : وسطة حقيرة يعنى 😂
زين : حاجة زى كدا ، المهم عاوزك ف حاجة
وردة بانتباه : ها
زين : النهاردة لما يجى تأميناتى موجودة و كل حاجة من بعيد لـ بعيد عشان ميشكش فـ حاجة و عاوزك تخلى جميلة تجبلى مخطط باماكن الكاميرات ف الشركة و انتى مخطط الكاميرات ف الفيلا بتعته تمام
وردة : هتحتجهم ف ايه
زين و هو بيقوم و بيلبس النضارة بتعته : دواعى امنية مشددة *😎
و مشى لحد الباب و قال : سلام
وردة : مع السلامة
****************************************
بليل كانوا البنات اتجمعو ف البيت و مامت جميلة كانت مجهزة كل حاجة و كانت فرحانة جدا و كأن بنتها هى اللى هتتجوز و البنات كانوا ف اوضهم بيجهزو نفسهم و الجرس ررررررن و .......
***************************************
و بس لحد هنا 😂
ايه اللى هيحصل ؟
و هل كل حاجة هتمشى تمام؟
محدش هياخد بالو من جميلة ؟
و هل جميلة هتعرف تتصرف ؟
هل وردة و نصر الدين ليهم فرصة مع بعض و لا ....؟
(*) علامة النجمة اقتباس اسم رواية ( دواعى امنية مشددة ) للكاتبة منال سالم ⁦♥️⁩
سحر_الكون ⁦♥️⁩
رحمة_محروس ⁦♥️⁩
تصحيح : اسماء_اشرف❤️