سحر الكون

الفصل السادس

الفصل السادس
سحر_الكون⁦♥️⁩✨
محسن بعدم ارتياح : تمام يا بنى هنفكر و نرد عليك
نصر الدين : مع انك ملكش حق اصلا بس يلا كله عشان خاطر وردة
وردة : احترم نفسك عمو محسن ف مقام بابا بالظبط
محسن : خلاص يا بنتى حصل خير   ، استنى ردنا بعد يومين يا بنى
بعد ما مشى نصر الدين
محسن : بصى يا وردة انتى زى جميلة بنتى بالظبط انا لما اتكلمت معاه و كدا مش عارف حسيته مش سالك او حسيته غريب مش فاهم مرتحتلوش من الاخر دا راي شوفى انتى عاوزة ايه برضو القرار قرارك ف الاخر اديتك مهلة تفكرى
وردة : تسلملى يا عمو محسن بجد مش عارفة من غيركوا كنت عملت ايه بجد شكرا ليكوا كلكوا
مامت جميلة حضنتها و جميلة و سارة
ريهام : كلنا معاكى يا حببتى
******************************************
تانى يوم و جميلة ف شغلها و قاعدة على مكتبها جه عليها واحد
ايمن : جميلة دا وقت الغدا تحبى نتغدى سوا ف الكافتيريا
جميلة رفعت حاجب من حواجبها  كدا و قالت : ايه اللى جميلة هو احنا صحاب اسمها انسة جميلة و بعدين ايه نتغدى سوا دى برضو هو احنا صحاب عشان تتكلم كدا حضرتك ملكش كلام معايا يا استاذ ايمن غير ف الشغل دا لو عاوز تفضل ف شغلك يعنى
ايمن : هو اعتراضك على اننا مش صحاب بس ، خلاص اشطا يلا نبقى صحاب
جميلة : اخر كلام عندى بجد لو مسبتنيش فى حالى مش هتفضل فى شغلك كتير
و سابته و مشيت
ايمن لنفسه : دى مالها عاملة زى ام اربعة و اربعين دى
******************************
نصر الدين : قولى ايه الاخبار الشحنة وصلت ل فين
_ كله تمام يفندم بكرة بالكتير هتكون موجودة
نصر : تمام فتح عينك كويس
_ تمام
************************************
ايهاب  : حاسس انك عارف حاجة و مخبيها
زين : يا عم هتفضل ورايا كدا هنرجع كل واحد اوضته انا بقولك اهو
ايهاب : اه على اساس هتعرف تعملها يعنى
زين : فكك عاوز اخلص من نصر الدين دا بسرعة
ايهاب : ازاى و اصلا لسة يومين و وردة تتخطبله و لسة لما نعرف المعلومات و لسة حاجات كتير
زبن : لا لا زهقت يا عم بص انزل دلوقتى للكتيبة ٧٨ و الكتيبة ٦٨ و دربهم فى صالة ٨
ايهاب : مش بقول منمر على حاجة
زين : هتعرف كل حاجة بعدين بس عاوزهم اسوود
ايهاب بنظرة شر : متوصاش فى التدريب
*************************************
وردة : تمام تبعتلى ورق الثفقة دى دلوقتى
_ حاضر
و قفلت الفون تانى
الباب خبط و دخلت سارة
سارة : وردة الورق دا محتاج امضتك
وردة : تمام ورينى  ، فى اى حاجة تانى النهاردة
سارة : المفروض فى اجتماع كمان ساعة بعد الاستراحة يعنى بس شكلك تعبانة نلغيه
وردة : لا مينفعش الغى حاجة مش كفاية الفترة اللى غبتها
و هما بيتكلموا الباب خبط و دخل واحد
_ الورق اللى طلبتيه يا فندم
وردة : تمام هشوفه و لو كل حاجة كويسة هبعتلك تكملها
_ تمام
وردة ادت الورق لسارة و قالت : ماشى يا سارة ادى الورق اهو ، جهزى اوضة الاجتماع عبال ما اخلص الثفقة دى
سارة : مش هتلحقى استراحة الغدا كدا
وردة : هبقى اكل اى حاجة كدا
سارة : ماشى
*************************************
فى مكان تانى خالص
اوضة ضلمة واحد فتح الباب و دخل و لقى واحدة ست واقفة بتصلى و بتدعى بعد ما خلصت الراجل حطلها الاكل و قال : جبتلك اكل اهو ياكش تاكلى
الست : قلتلك قبل كدا مش هاكل حاجة منكو و من فلوسكو الحرام
الراجل : يوووه بقا لازم تتنيلى تاكلى عشان متتزفتيش تموتى و لو حصلك حاجة الراجل الكبير هيموتنا
الست : ف داهية كلكوا
الراجل : مالك مستقوية اوى كدا امال لو مكنتيش مخطوفة كنتى عملتى ايه
الست : انا مش لوحدى معايا ربنا و ابنى مش هيسبنى
الراجل قال و هو طالع : بتحلمى
******************************************
جميلة و هى بتاكل فى الكافتيريا
جميلة لنفسها : اليوم ممل اوى من غير وردة اوووف
بعد كدا افتكرت انها لازم تعرف اماكن الكاميرات
بعد كدا قالت : هعرف ازاى مكان كل الكاميرات فى شركة عشرين دور مش فاهمة
_ و عاوزة تعرفى مكان الكاميرات ليه
جميلة اتخضت و بصت وراها لقت ايمن
جميلة بخضة : يلاهوى فكرتك حد تانى يخرببيت كدا يا عم
ايمن : يا عم !!! هو احنا صحاب عشان تقوليلى كدا
جميلة بتريقة : بلا بلا بلا
ايمن : عاوزة تعرفى مكان الكاميرات ليه
جميلة : ايوة عرفت هعرف ازاى  تعالى اقعد نتغدى سوا تعالى
ايمن باستغراب و رفع حواجبه : والله مش كان مينفعش و موضوع صحاب و بتاع
جميلة : اقعد باااس دا فى حوار طويل اقعد هحكيلك
ايمن قعد و قال بفضول : حوار ايه
جميلة بصوت واطى : الحمد لله لقيت واحد اهبل استفاد منه
ايمن : بتقولى ايه
جميلة : بص اللى هقولهولك دا متعرفش حد بيه تمام
ايمن : تمام
جميلة : انا اصلا مليش ف الحسابات و الكلام الفارغ دا
ايمن : بجد ، امال بتشتغلى هنا ازاى
جميلة : انا شغالة ظابط ف المهمات الخاصة و جاية متخفية عشان اقبض على نصر الدين
ايمن بصدمة و صوت عالى و وقف من مكانه : نـــــــعـــــم
كل الناس بصت عليهم
جميلة بصوت واطى و بتحاول بتهديه : اقعد يخربيتك فضحتنا اهدى كدا فى ايه
ايمن قعد و قال : طب فهمينى بس
جميلة : بس توعدنى هتساعدنى
ايمن : اوعدك
جميلة لنفسها بفرحة : اللعب احلو اوى
***************************************