القصه تحجي عن بنت اسمها رحمه مدللة عند اهلها البنيه الوحديه لثلاث اخوه بيت شيوخ كبار معروفين بالبصره عمرها ١٧ سنه توكع بقفص ضابط من عشيره ال الدليم ضابط كل صفات الرجوله بيه
اشوف الحرس والضباط ماليه المكان الخوف اكل كلبي اني اصلن من امس واني حاسه اكو شي راح يصير المهم شفت ابن عمي اسلام واكف بعيد عن بيتهم بعد عن بيت الشيخ الي هو بيتنه خمس اربع بيوت قريبين يعني اجه عليه هوا وابراهيم اخويه اني واكفه واحس راح اموت على كد مخايفه من الي جاي اشوفه احس قطره دم ماكو بجسمي بس حاجاني اسلام كبل اغمه عليه اني حيلل اخاف من هل امور لين سبق وكلت احنه عشاير ودايمن عدنه قتل دم بدم وعدنه طلايب مشاكل فصول بين العشاير اخوي ابراهيم تخبل عليه اخذني هو وسندني اسلام لبيت عمي لين بيت اهلي لي هو بيت الشيخ مليان رياجيل نمت ومحسيت على اي شي 😴
اعرفكم عني ثواني لين صارت هوسه عليكم 😂😁 اني اسمي رحمه عمري ١٧ سنه مواصفاتي سمراء عيوني صفر مايل على العسلي صاحبه معاني وغمازات حلوه عيون كبار حواجب ورموش مرتبه وكثيفه شعري اسود مخصل ب شيب لا تستغربون طالعه على حبوبه ام ابويه بس كلها تكول لايكلج بالنسبه الي اريد اصبغه بس ابوي ميقبل يكول ما عدنه بنات حديثات يتعدلن الا وراهن زلم الأسطوانه الدارجه 😅 طولي ما اكلكم طويله حيل ولا كصيره طولي ١٦٠ وزني ضعيفه بلا ما اذكره فشله هههههه لا اشاقه وزني ٥٥ بنت الشيخ الأخ الأكبر لعايله بيت ال ........ ناس معروفين بالبصره والهم اسمهم ومكانتهم بين الناس ابويه اسمه الشيخ علي يسموه ابو صكر عدي اخوان ثلاث صكر الأكبر نسخه ابويه الثانيه 🌚💔 وبعده ابراهيم وبعده احمد ما احجيلكم هواي عن اخواني تتعرفون عليهم بالقصه اطيكم صفات صغيره عنهم صكر عصبي ومتمسك بالعادات والتقاليد وميتحاجه بس كلبه ابيض ثلج ما يرضه بالغلط ابد خريج علوم بايلوجي عمره ٢٨ اما ابراهيم كليه اداره واقتصاد عصبي بس مو مثل صكر غيرته ع اهل بيته تفوق الحدود تخيلو اذا شاف امي يحاجيها عمو او يسلم عليه يتخبل ويصير مخبل عيونه بكصته مكضي نص وقته عد بيت عمو ابو اسلام الأخ الثاني لأبويه اما احمد بعده عداديه بس حباب يحب يشاقه وينكت مشكلجي البيت بين قوسين بس ماخذ من ابوي العناد والراس اليابس بأمور العشيره اخوتي فارضين رأيهم على البيت وخارجه بس كلوبهم نضيفه وانوب اني اجيت اخر العنقود صف خامس عدادي السنه الجايه سادس علمي هيبه الأسم تكفي ياب😎 امي ربت منزل ابوي يحب امي ويحترمها حيل ميقبل ع زعلها لين امي بقت وصبرت على هواي اشياء بالحياة عانوها قبل اهلي نسيت ما كتلكم صكر مزوج بت عمي فرحه اسمها تجنن هيج بس تجيها ساعات ابليس ما يحملها😂😂 خبال يصعد عدها فول واخوي عصبي الا يصير صوتهم للضالين وبعدين مثل الكتاكيت يتراضون يتصالحون سوري 😁عدهم بيبي اسمها ريمو مريم بس اني ادلعها ريمو فدوا تجنن ع كد الجمال العليها من عيون من خشم هاااا اهم شي خشمها ع عمتها صغيروني هلكدوته😏😌 بس هيه بيضه وعيونها جوزي ع امها☹️تخبل امها هيه حلوه اصلن عدي عمام خمسه وعمات ثنين ابويه انوب عمو ابو اسلام انوب عمو حامد انوب عمو باسل انوب عمو محمد وجاسم عماتي نهى وافتكار افتكار من اسمها مخيفه عاله كلبي ودومها تغار من امي ع ادفه الأسباب بس عمه نهى حبابه تحب اخوتي واني حيل وبنات ولد عمامي كلهم اهل امي بكردستان بسليمانيه قليل تواصلنه وياهم كافي لحيت بالتعريف عني وعن عألتي ادري😁
ام صكر :رحمه يمه رحمه اكعدي لخاطر ربج مو كافي نوم كومي عاونيني اليوم مرت اخوج فرحه مو هنا اخذت مريومه للمصتوصف كومي يوم رحمه: اوف يمه خليني انام دوم تخربين نومتي هذوله اخوتي هم مرا كعديهم مثل متكعديني بعياط وهوسه ابو صكر :ولج رحمه شنهاي صوتج امج وحدها بالبيت كومي عاونيها اميمتج هاي يابعد روحي رحمه : ادري انته تحبها الأمي ومتقبل تتعب اني شكو خلوني انام عدي متحانات ودروس كد الدنيه اكلك بابا اني هم ذكرت شغله 😊 رحمه تكوم من جربايتها وتركض يم ابوها وتكعد بصفه ام صكر: يمه منج توني اكعد بيج متكعدين هسه شو طرتي من فراشج مثل الثور رحمه :اهو يمه هسه نمت ما قبلتي كعدت ما قبلتي تشوف جاي بابا تشوف ابو صكر: ههههههه يا مره ع كيفج ويه بنيتج ترا بس هل رحمه عدنه رحمه : يمه فديته الأبويه اني يا بابا اريد تجيب خدامه لماما او مره من هاي اليهدوك اياهم بالديوان بس عجوز كون علمود الوالده متغار منها 😅وهم تساعد امي خطيه تتعب وفرحه شالعه كلبها ريمو واني السنه التحي سادس تريدوني ارسب والعالم تاكل وجهكم هاا بت الشيخ علي ابو صكر مو زينه يالدراسه وتسقط تقبلها بابا بداعتي ابو صكر : يابويه اني ما اقبلها ما جابته امه ليحجي على بت الشيخ وهم اني ما اريد الحجايه تجي علينه وامج كذالك اخاف عليها ومرت اخوج الله يحفظها ما تبين من وره اخوج وبنه هاهيه بويه ما يكون خاطرج الا طيب شتكولين ام صكر
~الكاتبه فاطمه رسول ~ وللقصه تكمله بسلامتكم
طبعاً جايبتلكم قصة فدشي رهيب تقروها وراح تعرفون ليش دا اگول هيج تجنن بمعنى الكلمة بعدني دا انزل بيها لكن مبدئياً تگدرون تقرون البارتات الي منزلتهن بين مينزلن البقية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
