بت شيوخ والضابط ابن الدليم♡

○البارت الثاني○

اللهُم في يوم الجمعة أتبع عُسرنا بيُسر وأبدل كسرنا بجبر وإجعل لنا في كُل أمر خير🤎.

♡♡♡♡♡♡♡♡♡

من جميل الدعاء:

" ‏اللهُم إنّي اسألك أن تريح قلبي، وأن تصرف عني شتات العقل، والتفكير، ربي إن في قلبي أشياء كثيره، لا يعلمها الا أنت فحققها لي يارحيم، يارب فرحه تغّير مجرى حياتي، وخبر جميل أعجز عن شكرك عليه، ربي إرزقني فرحه تجدد الروح في حياتي ، اللهُم سَعادات متتالية لم تكُن بالحُسبان ."

♡♡♡♡♡♡♡♡

اجمل اقتباس الي واقرب الي جميع القراء 🖇🦋

الحمــدلله قولاً وفعّلاً وشُكراً ورضْا
        (الحَمـــدلله دائِماً وأبـداً)

♡♡♡♡♡♡♡♡♡♡

ضابط الكاشخ كبالج شكد شايل عليكم  رجعت منهم بعد ما انطيتهم تحذير  صغير مشت الايام والأشهر وعرفت ابنهم شرد الجبان  مرت سنتين على الحادث وخاب ضن عمي بيه مع انو اني كتله ما ارتاح اذا ما اريح خاطرك انته واخوي حيدر بس  حس  انو الشي هذا انسه وهو ميدري كل دقيقه اتحسب اله ولكل خطوه يخطوها الي اخرني البنيه بعد ما شفتها خطت الباب ابد ولا لمحتلها اثر بمدرستها خليت حرس بمنطقتهم عسى ولعل بأيام اجازتي تطلع ماكو ماله اثر  لحد ما اجه اليوم الي ما تحسبتله ام عيون يجي   وخطت هل خطوه الغلط الي ممكن تدفعها اذثمها او تسترحملها بعد  منعرف؟!

رحمه: مرة الأيام والاشهر وبده الدوام لنصف السنه واني متت قهر اشوف صديقاتي يرحن ويجن للمدرسه واني لا  ابوي حاول يوفرلي كلشي وميحسسني بشي بس اي شخص ينحبس هل حبسه بالبيت ويعيش جو المسجون راح تتعب نفسيته ويحس بالجاي يمر بيه عرفت من امي انو ولد عمامي مازن وجهاد واسلام متقدميلي بس ابويه رافض وحاجي  عمي ابو اسلام  كلام ويه ابوي لهسه من وراه تلزمه الصفنه ودايخ بزمانه بابا شبيك احجي لتبقه تكبت بداخلك ماكو ابوي من النوع اذا عده حسبه او فكر مشوش عقله يبقه ساكت طول الوقت وقليل يحجي يفكر مدري شني 😂 مدري شون مرت الاشهر والايام وبدت امتحانات البكلوريا السادس  هنا حسيت حلمي راح افقده مع انو جان ابوي شكد يحجي وياي تكملين بطله انتي بس من شفت انتهت السنه ولسى الخوف ماكل كلب اخوتي عليه والوضع بعده متأزم  تعبت نفسياً تعبت سنه كامله مو شويه وبسبب شي ممسويته اني بسبب قضاء وقدر صار على العموم بيوم توني كاعده الصبح عيوني مورمه
(نايمه على وجهي😂😂 لا عبالكم ابجي
نفسيتي تتعب بس مستحيل هل دميعه تنزل تبقه مكابره هسه كلها تكتب جذابه وجذابه اي والعباس جذابه بجايه وعكره والله) 😂😂💔
نزلت جوه غسلت وكعدت اتريك شفت عيون ابويه عليه ردت احجي وترددت انوب هو كلي كولي بويه شكو بكلبج احجيه اسمعج جن انطاني الضوء الاخضر
رحمه: بابا صديقتي امها توفت وحيل تعبانه تريدني اكون وياها بابا اني هم كلش ختنكت وتعب والله يعني جم دوب ابقه محبوسه بس ٣ ايام الفاتحه وبعد يحرم عليه الطلعه عليك الله بابا صدكني بعد ما اطلع لا تكسر بخاطري صديقتي المقربه محتاجتني بهل ظرف بابا حباب كعدت يمه ومبرطمه
ابو صكر : عفيه ام صكر بس افتهم مخلفتلج وحده بس لكك لكك لكك متكطعين انتي بويه  وبعدين هاي الحركات من جهال لتسويها خوش بويه
رحمه: عفيه بابا ارضه وكلشي تريده اسويه ماما احجي شي
ام صكر: يمه حجايتي من حجايه ابوج شيكول هو الصح
رحمه: يمه رتج عون مو فرعون😢🌚
ابو صكر : خلصت الدراما يلا اكلي وصبيلي جاي منج ورايي طلابه يراد احلها
رحمه: اهوو بابا هيه شني بس تريد تسد السالفه
ابو صكر : بويه اني اخاف عليج وحك هاي النعمه  وحك هذا المي ليغسل حي وميت  بويه جا اني من شوكت حارمج من طلعة من اخياتج بس  خايف عليج وغلاتج
رحمه: ميخالف بابا ميصيرلي شي احمد يوصلني مو احمد هيييي احمد مو احاجيك نعاللل
احمد: وسم متحترمين اهلي كاعدين بويه ختولي  متستاهل احد يتوسطلها 
ام صكر : ههههه كافي اكلو ابوج وراه شغل رحمه لا تخبصيه يكلج لا يعني لا
رحمه : سكتت عيني سكتت
والله ضجت يعني صديقتي ما احظر عزاء امها هيه شنيه خلصنه ريوك ابوي طلع للمضيف واحمد طلع لاصدقأه صكر مدا اشوفه قليل هم مشغول بين المضيف ويه ابويه وشغله السفر  سبحت وبدلت تراك عادي ابيض وبيه بانده سوده نزلت جوه لكيت امي لازمه ريمه بالحولي وتلاعبها ركضت عليها : يمه يمه عفيه مشطيلي صار ساعه ادور ابن حلال يمشطلي صدكيني ما الوح اضفره
ام صكر : على كيفج يمه لا توكعين جيبي مشطج وتعاي امشطلج قابل اكلج لا جم رحمه عدي اني بس اخذي مريم من عدي الزميها بين ما اكملج ماشي
رحمه: ماشي عيني  هسه اجيب المشط واجي بقه فوك بالغرفه ايست الكه واحد يمشطلي .
ام صكر : دمشي بالعجل
رحمه: صعدت اخذت مشطي وشفت التلفون ضوه فتحت جهازي شفت صديقتي الي امها متوفيه دازة بصمه تكولي اذا متكدرين لتجين بس ردتج وياي وانتي اقرب شخص الي من صدك ضجت وين صداقتنه لعد وعشرة سنين شنو  بأصعب موقف لندى (صديقه رحمه) ما وكفت وياها خوفاً من شخص مجهول
اخذت المشط ونزلت ل امي كعدت تمشطلي
ام صكر : رحيمه اشو ساكته مو طبعج  هذا الهدوء منين اجه من شوكت رحيمه ما تخبص البيت بهوستها
رحمه: يمه مبيه شي بس مقهروه على صديقتي يمه  اعز صديقه من الطفوله اني وياها لهيج شده ما اكون وياها ليش شنو ذنبي اني ليش انحرمت سنه كامله من الطلعه وبسبب شنو بسبب تهديد ضابط ليش هل خوف احنه مو عشاير وعدنه عمام وخوال يسدون عين الشمس ليش ابقه خايفه اطلع   حبابه ماما والله مجاي اتحمل اقلها اواسي صديقتي بس ٣ ايام وبعد ما اطلع الله ويكلكم ما اطلععع
ام صكر : كافي امي تتعصبين مو زين الج كومي امسحي دموعج  واني اقنع علي خليها يمي
رحمه:  بعد حجي امي ارتاحيت نوعاً ما لين امي تأثر على ابوي واتمنه بهل سالفه هم تكدر تأثر عليه  صعدت لغرفتي لكيت حمودي فوك
احمد : رحمه اكدر اوصلج اني لصديقتج وارجعج هم 
رحمه : من شوكت انته حنين عليه ابو الوصخ
احمد : لا عده الشقه رحمه بهيج مواقف يتغير كلشي وكتلج اني اتكفل بتوصيلج لبيت صديقتج
رحمه: هسه خل يقتنع بابا حباب حاجي انته
احمد : وهو من شوكت يسمع مني يعتبرني طايش ومابيه فايده 😒
رحمه :حباب الخاطرييييي☹️
كافي : لتبوزين وتسوين حركات زعاطيط روحي انتي لغرفتج واني بس يجي احاجيه شمحصلين من وره رحمه غير الرزايل 🤦‍♂️
رحمه : بعد عمري احبك والعباس 😍
احمد : دمشي ام درب صارت بيها مصلحه صارت احبك والعباس
رحمه : كعدت بغرفتي اتصفح بالجهاز للظهر ما نزلت تغديت صعدلي احمد يكلي ابوي وافق ما صدكت بسرعه بدلت وكعدت انتضر احمد يسبح ونروح لين الصراحه خفت ابوي يبدل عليه ما ضامنته 😂😂😂 صاح عليه احمد انزل
رحمه: اي اي اجيت وسم صوتك لا ابوي يسمع
احمد : اي انزلي عاد ترا وراي معهد
ابو صكر : انزلي ست رحمه  وتعاند حته غده ما كعدت تزقنبت ويانه
رحمه :  خرب هيج حظ ابوي من شوكت هنا مو على اساس بالنضيف ... ها بابا لا عبالي نايم ما ردت اكعدت صدكني
ابو صكر : دار وجها زعلان منها امشي وتعالو من وكت احمد لا تتأخرون يضل بالي عليكم
احمد : لا يضل بالك تاج راسي  اني ارجعها
رحمه: تقربت من ابوها وهاي راسك ابوسه بس لتزعل والله بابا ختنكت وضجت حيل ما متعوده انحبس اسفه بعد ما اكررها
ابو صكر : يلا ام صكر محتاجه شي طالع للمضيف اني
ام صكر : عساك سالم بس خابرلي على صكر وين صار من شوكت طالع لأربيل لهسه ماله حس كله مكافي سبوع مو يم بنتك واهلك خل يرجع
ابو صكر :  هايه يابه دللي 
احمد : يلا رحمه ما ضل وكت عجلي خيتي
رحمه: تمام .طلعت وياها بس من صدك ضجت بابا ليش هيج ولا كأن عزيزته اني يلا ويه الأيام راح يتعود على طلعتي ويقبل طبيت بيت ندى خطيه مخليلها مغذي تعبانه فد نوب اخوتها بره واقاربها طبيت كبل الها ما اعرف احد اني
رحمه: البقيه بحياتج نداوي خاتمه الاحزان حبي اعذريني ما اجيتج من الصبح الله يشهد ابوي مشدد عليه ميخلي اطلع عتبه الباب وكوه اقتنع
ندى : عادي رحوم مو اشكال بالعكس والله جيتج هسه ريحتني حسيت احد قريب عليه وياي
رحمه : يولي عوفينه من هذا الحجي شبيج ليش مغذي وشكلج مصوفر شصار وياج
ندى: كولي شنو المصار هسه ابوي وأخواتي ديحجون برا خاطبني ابن عمي قبل لتتوفه امي وهسه يكوللهم اريدها يمي اداريها حته لو بس عقد محكمه وقرآن واني هذا البشر ما اطيقه والله ما عدت اتحمل تعبت تعبت
رحمه : اوي ياعمري الله يساعدج منين طلعتلج هاي صفح زين حاجيتيهم انتي متريدي
ندى : بس امي تعرف اني ما اريده ومحاجيته هذا ابن عمي وكايللها ندى غير الي متخذ وغير هل حجي ماكو يكول لأمي كطنه وخل تشيلها من اذنها ترفضني رتبتي ومكانتي بالداخليه يضيعن شكو واحد راح تاخذه اذا فكرت هاي  ومو هنا المشكله المشكله يريد ياخذني ثانيه متزوج رحمه
رحمه : عزااا العزاه لج شتحجين
ندى :رحمه حرت شنو اشوي تعب والله تعبت
رحمه: اوفف والله ما ادري شكلج سالفتج سالفه الله يحلها كومي وياي خلص المغذي تعاي اكلي فواكه اني وياج نتغده مماكله شي منهد الريوك
ندى : ما اشتهي
رحمه : كومي لج ميته جوع اني واستحي اكل يمكم كومي عود علمودج جاي اكل انتي عزمتيني 😂💔
ندى : هههه طاح حظج تعاي
رحمه : الصراحه مجوعانه اكلت حلويات بس اريدها تاكل تغير جو على نفسها لين لو اني بمكانها انتحر يجبروني على شخص ما اريده الله يكون بعونها
ندى : صدك ما كتلي شصار بسالفه الفصلي ما انحلت مشكلتكم
رحمه : شبيج بابا لو نحلت تلكين هيح وجهي يطرد النعمه ابوي خايف من لا شيء هسه هو بحالي مرت سنه كامله مكافي اخوي ستقر اني ليش لهسه اي استقرار بحياتي ماكو افف مكافي ضيمج واجي اجملخا عليجندى : لا حبيبتي لا تكولين هيج كل وحده بينه عدها هموم واذا ما نفرغها لبعض المنو نحجي لكرايبنه الي ينشرنه على الفيس لو يكبرن السالفه وكلبنها علينه
رحمه : هههههههه وسم لا تسمعج وحده من البنات يصير كتلج ماله والي وانتي شون يحبوج منا
ندى : يمعوده
رحمه: كملنه اكل اني وندى تمدد يتمها سالف منا لحد ما صارت ب ٤ ونص خابر احمد بالباب سلمت عليها وكتلها باجر اجي وطلعت لكيت احمد بسولف ويه اخوتها استرخص منهم ورجعنه للبيت يومين طبيعني مرت نروح لندى وره الغده ارجع اربع ونص للبيت اليوم الثالث طلعت بس هل مرا كلبي ناغزني شنو  السبب ما اعرف اتصور لين اخر يوم اطلع بيه وابقه بجحري بدلت لبست فستان اسود كلوش  بويه حزام ذهبي وشال اسود هم خليته على راسي بأهمال طلعت وصلني احمد  لبيت ندى جانت بالحمام بقيت بغرفتها انتضرها خطيه هيه بس طلعت اجت حضنتني تكلي صدك عود اليوم اخر يوم اشوفج بيه ضحكت وياها وبقينه نسولف لل٤ ونص واحمد ما اجه اليوم اتصل مغلق صارت بالخمسه اتصل عليه كلي ما اجي ازدحام قافله يمي هنا تنتضريني لليل لو ترحين بيتنه ما بعيد رحوم
رحمه: لا حمودي شعليه هياته بيتنه يلا بيباي بالك على نفسك سلمت على ندى وطلعت امشي وحد دنيه غروب شوي وجان توكف سياره بيها ضباط وزلم لابسين دشاديش اني رعد كلبي بس شفت هذا الضابط الي ابوي جان خايف من تحذيره وحضي الأرعين طلعه كدامي هل يوم من دون الايام اريد اوكف عدل اتزل بوكفتي ماكو حيل خفت اسلحه وسيارت جيش موقف ما اتمناه لعدو اجه هذا الضابط الي اسمه ادهم سحب ايدي وكال لمرا جبيره بالعمر اركب بالسياره يمها
ادهم : يلا عمه بالعجل وراي شغل هوايي ابو حيدر عمامي يلا هم يلا وكت ما ضل دنيه غروب اكلك اراكن خابرت شيخ عشريه ال....... مو
اركان : بلي خويه مسافه الطريق واصلين
رحمه: فدوا اروحلج بس خلي ارجع للبيت والله ابوي يخاف عليه يوموتني اذا ركبت سيار ويه ناس ما اعرفهم
ادهم: حبابه هسه نرجعج لبيتج وتعرفين عود ذول الناس الراكبه وياهم منو بلا حس ما عدنه حرمه حسها ينسمع
ادهم : طول هاي الفترا واني اراقبها من طلعت لعزى بيت ندى صديقتها
( وتعرلون عن قربب ندى شنو قرابتها من بيت ادهم)

  وانتظر فارغ الصبر الزمها وبيدي اخذها لاهلها واواريهم جذبتهم البكعه ويحلمون بتهم يشوفوها  اليوم طلعت اجازه زمنيه من الدوام ورحت للناصريه جبت عمامي واخوي اركان وعمتي ام محمد ويانه تونه نوصل واشوفها بت الذينه الفستان طاير بالهوه والخصل من الشال يتطيرن والسمار يدوخ عين الشمس خرب ليسج  وفوك هذا العين تين اخوها احمد مو وياها  شنترجه منكم رب الأخوج فلت وعاف المصيبه براسكم  نزلت اني والاهل وكفت السيارات كبالها هيه صوفرت وجها كام ينطي الوان خطيه واضح حافت وبعد ما شفانتي العيون الصفر انفتحن على وسعهن عبالك شايفه ملك الموت ههه اخذتها ويانه ركبت يم عمتي ويه اركان اخويه واني ويه اصديقأيي الي اجو ويانه لين سيارتي يسوقها عمي  والربع بيها متكفي وصلنه البيتهم طلعو واصلين قبلها شيخ العشيره والجماعه الي وياه نزلت هيه طبت كبل للبيت اني دخلت ويه الزلم لا اطولها ولا اعرضها يومين لا اكثر المرا طلعت ويانه للناصريه طول الطريق بس تبجي خوه راسنه بجيها اخر شي صحت بيها
ادهم : كافييييي بت الاوادم راسنه خوه من ونينج كافييييي
رحمه : متت قهر من عاط بيه كدامهم  والله العظيم ما بيدي امداني طلعت ورحت لندى كافي وسويتي واجب وصرتي وياها يومين كافي الا تصير نادره وصاحبه موقف خرب هيج حظ عاثر 

وللقصه تكمله بسلامتكم.🖋
~الكاتبه فاطمة رسول~