بت شيوخ والضابط ابن الدليم♡

مقتطف مخيف نوعاً ما😬

واكفةة بنص المقبرة اقرة سورة يس بصوت شوي عالي لين الهدوء جان مرعب ماكو اي صوت بالمقبرة غير صوتي وصوت قرآن عبد الباسط بعيد يعني إلا تركز تسمعة بعيد كلش واكفةة واقرة حسيت بخوف نوعاً ما الهواء يحرك لافتات مال موتى مكتوب أسمائهم عليها وصورهم كذالك وجان من ضمن هاي وحدة ما مثبتة زين بصفي مدري وراي لحد الآن ما اذكر بالضبط صوتي تعب من البجي ف من دا أقره قرآن بي بحة وصوت تعبان بس شوي عالي گلتلكم جنت خايفة اقرة وصلت إلى زيارة عاشوراء يم قبر إنسانة اغلة من روحي الله يرحمها ويرحم اموات المسلمين والمسلمات والمؤمنين والمؤمنات الأحياء منهم والأموات ف واني اقرة حسيت اكو شخص جاي يمشي بأتجاهي الدنية الصبح ساعه ١١ يمكن شمس ف اكو ظل صار گدامي لابس دشداشة وطويل كلش ضخم بقيت مستمرة اقرة ما گطعت الزيارة لكن لسه الخوف بية يمشي بطئ وصل يمي يقرة يا أهل لا الله الا الله كيف وجَدم لا الله الا الله وإلى آخرة من زيارة اهل القبور حرفياً الدم يبس بصفي واگف ويقرة الضخامة مخيفة لابس دشداشة وعباه يقرة مستمر اشياء ما اذكر بالضبط شنو جانت بس اتذكر من كال يا أهل لا الله الا الله كيف وجَدم لا الله الا الله والمكان هدوء واني واكفةة وحدي وحوالية سراديب نص بابهم مفتوح والهوى ياخذة يمنة ويسرة اي احد بمكاني يخاف لهناك كملت زيارة عاشوراء ما شلت شوفي وباوعت على الشخص من الخوف تحركت لكيت من بعيد امي جاية بأتجاهي وهو مستمر يقرة اجت امي انطتة فلوس بربكم طلع هذول الي يقرون يم القبور ويدعون للميت ويأخذون فلوس صدقة عن الميت الله اعلم على العموم لحد هسه كلما اتذكر الموقف اضل اضحك على روحي عشت دور الرعب  وحركات وهو اصلن كلشي ماكو 😂😂😂
ف نتعلم من هذا الخريط ما نخاف ما دام الله موجود لا تخافون وكلشي ماكو هيه مقبرة والي بيها موتى هل من المعقول الناس الي نحبهم وإن ماتو يأذونة مستحيل الميت ما يأذيك ثق الله موجود ويحفظك من كل سوء ولا تخاف بس اكو نقاط ضروري تعرفوها
البناااات خصوصاً :
لا تطبين المقبرة وأنتِ عليج الشهرية
لا تطبين المقبرة وأنتِ متزوجة أو مخطوبة جديد
لا تطبين المقبرة وأنتِ مو طاهرة
هسه تسألون ليش اكو فضول من هل ناحية اعرفكم
حبايبي من تكونون مو على طهارة راح اي شي بالمقبرة وان بالغلط وان كان تدوسون على شي تلمحون شي يكتلكم الفضول تقرون عبارات تلمسون شي كله لا سامح الله يأثر اكو ناس هواي ما تخاف الله تسوي سحر وأعمال والعياذ بالله اما المخطوبة او المتزوجة جديد يگولون امهاتنة قبل تنجبس ف احنة نتجنب هاي الشغلات وناخذ حذرنة والأهم لازم تتيقنو منة كلشي بيد الله ف كلشي يصير الله كاتبة يعني الحجي الي انذكر توعية ونتعلم وحدة تفيد الخ بس الشي الي كاتبة الله يصيرلج يصيرلج لو مو تحافظين على نفسج وتتوقين واذا الله اكتبلج وحفظج وما راد يصيرلج اي شي مراح يصير لو مو تدوسين على شي ثقو بالله وتوكلو عليه والله يحفظ ويوفق الجميع
دمتم في حفظ الله ورعايته
اختكم فاطمة رسول 🤍.