بت شيوخ والضابط ابن الدليم♡

○البارت الثاني○

‏( ألم نشرح لك صدرك )
اللهم بعمق هذه الآية اشرح صدورنا
وارح قلوبنا واصرف همومنا
واعف عنا واغفر لنا يا ارحم الراحمين💜

.

سيُذيقك الله حلاوة الجبر بعد مرارة اليأس والكسر ، استبشر خيراََ واصبر
"ولسوف يعطيك ربك فــ ترضى💜".

لقد كنتُ صامتًا، لكنني لم أكُن أعمى -

♡♡♡♡♡♡♡♡♡♡♡♡♡♡▪︎▪︎▪︎▪︎▪︎▪︎♡♡♡

رحمه: صحتلي ياب
ابو صكر: اي بويه بتي اريد احاجيج احجايات واخيرج بيهم الأول طلعه متطلعين الأشهر الى ان نحس الوضع إمان ذيج الساعه اطلعي واذا بدت السنه والوضع بعده متداومين تتركين او انو انطيج وترجعين بعد سنتين لين هذا تهديده مو لعب صبيان وخوفي اذا لزموج بعد ما شوفج للأبد ما بيدي حل يا بنتي قانون العشاير فصل فلوس لو مره وهمه ما يدورون فلوس وجبت وادم اجاويد وزلام معكله ما رضو ومو اي ناس اخوج لعب وياهم عشره معروفه وناس طلابه ثار
رحمه: شنو يعني بابا اترك واني ما صدكت راح اتخرج واخر سنه بالعداديه لو اروح فصليه ؟؟
ابو صكر :بويه الخيار الج
ام صكر: يا عيني انته شتحج.... قاطعها الأب
ابو صكر : محد يدخل كلت الخيار لرحمه هيه اعرف بمصلحتها
رحمه : بويه اني اريد الدراسه ميخالف اترك سنه ولا اروح لذول الناس فصليه
رحمه بينها وبين نفسها ( همه ذول ضباط الي عدهم يخوفون مو انوب عايلتهم كلها )
ابو صكر : هاهيه بويه اتركي الى ان نحس طلعتج من البيت سلام عليج ومحد بعد وراج وابراهيم نطلعه للخارج يكمل دراسه ومنها نأمن على حياته هناك
احمد : بويه ابراهيم شكم سنه ويرد لهنى
ابو صكر : بوبه العلم عد الله ذول ينخاف منهم واني ما مضحي بحياة ابني وبتي خل يهده الوضع ونلكه حل وتفك الفصل ساعتها يرد يمكم
ام صكر :تنحب.. وكلبك يطيك ابنك يضل بره ما مدري اكل شرب مشه نام كعد
ابو صكر : كافي يا مره ترا البيه مكفيني تشوفين هل سالفه لا على البال ولا على الخاطر واني شنو ما اخاف عليهم لو مو بزري همه بس اريد اأمن على حياة الولد لا سامح الله صار شي واخذو بثارهم من ابنج وين نطي وجهنه واذا طالبنه عشأرياً حكك و دم بدم ابنهم

عم الهدوء والسكوت بيت الأهل
رحمه: ساكتين اهلي وما كدرت احجي شي لين من صدك انقهرت حته نتيجه الخامس بعدني ممستلمتها وهيج يصير ترا سنه من عمري مو شويه واني من النوع الحريصه بشكل على دراستي ونفسي كلش ما حاطه على بالي اترك او اشي شي من هذا ربي بعد الك حكمه بهل شي ترخصت من الأهل صعدت لغرفتي ارتاح عشه متعشيت كلب نمت على وجهي جفي
كعدت الفجر ويه الأذان نزلت اكلت تفاحه وتوضيت جاي اصعد سمعت صوت يم غرفه صكر تدنيت يم الباب اسمع النقاش الي مخليهم بنص اليل يحجون بيه (بالعباس ابو فاضل مو طبعي اتسنط لا تاخذون عني فكره مو حلوه بس صوتهم طالع بهل ليل يجيب الفضول لو يطير 😂😂💔)