بت شيوخ والضابط ابن الدليم♡

○ البارت السادس ○

يوم ١٣ رمضان يوم الجمعه افضل الأعمال واكثرها اجراً هيه الصلاه على محمد والِ محمد🦋⛓

،،،،،،،

ستصبّح مسـؤوليتك،وكأنك اباها هكذا الحب .

رُبمـا غرقت في بحر عميق يُدعـى حُبـڪ .

الحب الذي في قلبي ، لا يليق إلا بك..😌♥

أنتَ الأمان ، ليُ والحيٌاة لعُمريِ.

احتضني الى ان يهدأ داخلي..🖤

ملامحك ترضيني بِكل الظروف 🧸♥️

ولا شي يشبهـك انت اجمل ماشافت عيونيہ🔥❤️‍🩹.

قراءة ممتعه أحبتي ؛

رحمه: رجعت للبيت بدلت ملابسي صليت ونمت العصر من كعدت جريت جهازي من تلميز لكيت طلب صداقه على الفيس منو !
ادهم اني حاظرته بس راجع مسوي صفحه جديده ودازلي طلب دخلت للصفحه مالته جديده حته ناشر صوره جوه بتاريخ جديد بالزي المدني بالبستان مالهم وكاتب جوه الصوره

يابو عيون الوساع يمته تحن علينه؟!♡

صدقاً حسيت يقصدني
دخلت للتعليقات اصدقأه واقاربه معلقيله وبنت عمه منى كاتبتله فدوا رحت لعيونك اشمأزيت اني عيعع شنو هل نماذج زلمه متزوج ومطلك وهيج تعلقيله وهو ممقصر راد تسلميلي يا ورده تف عود جان يحبني
ما وافقت على الطلب طفتي الجهاز ونزلت جوه

صكر :احمد اخوي اريدك تخابرلي ابراهيم وتشوف شمحتاج ابنه وضعه مو زين وخاف اخوك بالغربه يعتاز شي وكله راح ادزله محمد وجهاد يمه يرحون خاف يحتاج اي شي مطرش بيدهم مبلغ
احمد: هاهيه اخوي الي تأمر بيه بس ليش متخليني اروحله اني وياك نشوفه ونشوف عياله ونرجع
صكر: هسه ما اكدر عدي شغل والعالم واكفتلي عراضه يصيرلي مجال واروح واذا هو تصحله فرصه خل يجي بعد احسن يلا اخوي اعتمد عليك
احمد : هاهيه لا تشيل هم الله وياك

احمد : ابراهيم على اساس يجي هنا يعيش بس ما اعرف يكلي وضعي هناك استقر واخذت الجنسيه وشغلي وحياتي تأقلمت ويه العيشه بالخارج مو مال ارجع ومرتي وياي الصراحه كلش ما عجبني رد ابراهيم ولا كأنما الهوسه الي صارت بالبيت والوضع البيه من وراه كتله راح يجوك الولد جهاد ومحمد ودازلك صكر بيدهم مبلغ غير الي دزاه الك بالبريد
ابراهيم : ليش متجوني انتم
احمد: بلا هذا شحجي وياه لك بابا الوضع هسه ما يسمح نطلع واختك الي دمرتها شون اعوفه هيه وامي ونجيك غير نرتب وضعنه ونخلي احد يم الأهل ونجي شبيك انته فد نوب
ابراهيم : اي عفيه عود ما اوصيك كلما تخابر اريدك تسمعني كلام مثل السم دروح روح
احمد : الله وياك خويه عندي شغل دزني بيه صكر
ابراهيم : سلملي على الأهل

صار اليل كاعدين الأهل صاحو الرحمه نزلت ويه الحديث كال صكر اريد اسفركم تغيرون جو شتكولين يمه
ام صكر : خل نزور ابوك هسه وبالعطله مال رحمه واحمد نروح نغير جو فرحه هم خطيه تعبت
فرحه :لا عمه صدك جذب قابل شعندي اني
رحمه: لعد اني حايط نصيص اخذو رأيي على الأقل
احمد: انجبي انتي
رحمه : صكر يمه تشوفون شون يغلط عليه
ام صكر: هاي انتو متعقلون😂
صكر :خليهم يمه همه الي مالين وحشه البيت
احمد : صحيح ذكرتني خابرت ابراهيم وحجيت وياه وكال هاهيه تسلمون ميقصر صكر ( اني ضفتها هو جذب لا كلي هيج ولا بطيخ بس اخوي اكبر مني وما يصير انطي بيه ) يسلم عليكم صدك
ام صكر والبنات : وعليكم السلام
رحمه : اتصور ابراهيم مناوي يرجع حته من اجه ذكره بالحديث عبست الوجوه وصكر ما اهتم