بت شيوخ والضابط ابن الدليم♡

البارت الثامن

الحمدُ للهِ حمدًا لا حدودَ لهُ
‏والشّكرُ للهِ إسرارًا وإعلانا

"من الأخطاء التي نرتكبها في حق أنفسنا هي التأجيلات التي لاتنتهي : نؤجل الشكر، الإعتذار ، الاعتراف ، المبادرة .. و كأننا نضمن العيش طويلاً ."

- وبـغزل عـراقي .
هيج مـن اللـه تخبلت بيك .

برغم كلشي صار ويصير
بالنهاية راح اگُلك "احچيلي شمتعبك".

انتَ تعبي الكُلش احبه 🤍🫀.

شكَتب يا شُعرَ يرهَم علىٰ عيونكَ .

سيَد الحنيـة والرجولهَ وقلبّي 🤍 .

،،،،،،،،،،،،،،،،،،،،،،،،    ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

قرأهہ مـمـتعهہ.†'

وصلت هلكانه من التعب سلمت على عيالها ورأساً نمت حته متغديت وهيه خطيه محضرتلي غرفه يم غرفتها فارغه جانت رتبتلياها لا كلكم ولا تكلولي اول يوم كله نوم وثاني يوم هو جان الحنه زوجها جان مموجود سلمت على الجدد جاييين 😂 غسلت اجتني وشاده على راسها الشال جنها عجوز
ندى : ها صباح الخير صح نوم رحوم
رحمه : ادري شاده شالج وثوبج بنزرق شكلتي النفسج
ندى : الزلمه وماموجود عادي عاي
رحمه: هههههههه خبال كون

رحمه : انتضرت ندى تكمل ساعدتها بكم شغله عرفتني على اخوات زوجها حبابات  خلصنه كلشي اذن الظهر صلينه بعدها صبينه غده وهاي كله العروس بعدهي بالصالون بالحنه يتأخرن الصالوانات يلا يجهزن العروس بالعرس لا يخلصنها بسرعه لين زفه وهيج ف بسرعه احنه كولنه البنات لملمنه الهوسه صعدت قبلهن لبست البشت واخذت فستاني الكريمي جان على شكل بدله بس قصير يعني يوصل للركبه تقريبا والردان تور شفاف بيه شذر  وفتحه الصدر شوي جبيره بس عدلتها بالكلنس  بدنابيس قبل لا نطلع جديات كلش حلو صح سمره اني بس سماري فاتح  والي يميز سماري عيونس العسلي بأصفر  المهم نرجع اخذت الحذاء الاسود الكعب مال ندى الابيض ميلوك ويه هذا الفستان  وشغلات ثانويه وكعدت انتضرهن يخلصن مو بس ندى حتروح البنات ايمان وقدس وريناد اخوات زوج ندى خابرت صكر : الووو هلو شكونكم
صكر : هلا يابه شو هاي المفاجأه تطلعين لعرس صديقتج يومين وتباتين تطورنه رحمه
صكر : لا حبيبي انته اخويه مو هيج بس صديقتي خطيه تبجي وتكول محد يمي وهيه يتيمه وحته اخوها ما يشتريلها ذاك اليوم ( دكيت اليتيمه تلزيك🥲)
صكر : بعد اخوج منين جبتي هذا الحجي حته ربط بالجمل ماكو
رحمه: يااا امي اريد احجي ويها شكد مشتاقتلها ما تنطينياها حباب
صكر: هههههههههه لوتيه تريد تفر السالفه هاي يمي هاج يمه هاي رحمه تريد تحجي وياج
ام صكر: هلا بريم الفلا هلا بالغاليه المدللة شونج يمه كون متضايكه ناقصج شي
رحمه : بعد العافيه واهلها انطيني خشمج ابوسه
ام صكر: هههههههه نزول عليج وج الج وحشه رحيمه
احمد: جذب عمي فد مرتاحين ابقي عشرت ايام يم صديقتج ونسه البيت حالين
رحمه: يا خبيث اصبرلي ارجع لو لا   ماما اني كولش زينه وحيل بخير
احمد : شني هاي رحمه واضح مثكله بالغده من ال حيل بخير  مالتج
رحمه : يمممممه حاجيه
ام صكر : كافي ولك لا تضوج اخيتك
احمد : لك عيني الدلال صدك رحمه من رجعين عندي موضوع وياج ذكريني عود ماشي
رحمه : ماشي حياتو
صكر: لا تعوجين بحلكج رحيمه اني هناا
رحمه: انلاصت يلا ماما باي احجي وياج بعدين البنات يردوني سلميلي على فروحه وبوسولي ريمه
رحت لغرفه ندى مكمله دا تلم الهوسه طلعنه بسياره ابن حماها الجبير وصلنه رأساً ندى دخلت حاجت الماكيرا بدت بينه اني وندى هذن نار صعدت لراسهن شون يبدون بينه وهنه اخوات العروس وندى ولا همها تضحك مطنشه الوضع
ام الصالون بدت تمكيج كتلها ما اريده ثكيل وجهي ميتحمل مكالت لا بدت تشتغل بيه وندى كذالك نرجع لحمودي شوي