بت شيوخ والضابط ابن الدليم♡

بعض الأمور لن نأخذها في عين الأعتبار

اكثر واسوء الناس تعاشرهم همه الي يحبوك بوكت مصلحته وبعدها اصلن ممتعرفين عليك بحياتهم اطلاقاً الحياة تكون اسوء لو بقيت مغمض عينك وتتجاهل الي يدور حولك وبقيت منغش بالناس المقربين يجوز يوم ويومين راح تعيش بسعاده مطلقه لكن لابد راح ينكشف الستار اقرب انسان الك يخذلك وبأكثر المواقف الصعبه يعوفك ورغم هذا تصفح وتسامح ب مسمى للتعاطف وللعشرة متهون لعد اذا ما هانك عليك عشرت فلان شون هنت عليه ؟؟؟؟ الله امن نفس يمنه ليش جاي نجرحها ونعرضها لوجع بهدم تعب سنين خلي شغله بالك كل انسان تهتمله وتداريه بماي عيونك وتوكفله بالضراء قبل السراء ب اقرب محطه يشرد مستحيل يضل وياك اذا تشوفون الأنسان الجذاب واليمشي بالحيله والمكر والخداع انسان مرتاح والكل يحبه ويوده اما الصريح واليحجي الحق ودوم يحجي اليشوفه صح ميجذب بحرف هذا نابذه المجتمع مع شديد الأسف حته انته تكرها وتبتعد عنه لأن ببساطه تشوف الكل يكرها وينظرون اله نظرت استصغار وعدم تقبل انته من ذاتك راح ترفض فكرته وجوده بحياتك لين بمسمى ((( معقوله الناس كلها فاهمته غلط واني الي افهمه صح ))) عايشين بزمن الله وكيلكم اخوك من لحمك ودمك مستعد يبيعك بزمن الزين ما يتميز عن الموزين كلهم بوجه واحد كدامك لذا نرجع نكول الحمدلله الذي يكشف لك حقيقه الناس من حولك
الحمدلله الذي نطيعه بصفات النويه فيجازينا بنور البصيره بمعنى يشوفك حقيقة الحولك
هيه الحقيقة دايمن مرا بس بعد فترا تكتشف سر الراحه بعدها تحس لوما اجت الشده وعرفت معدنهم جان بقيت مخدوع بيهم
__ نصيحتي اليوم اخواني اخواتي الأنسان الي يبيعك وينطي بيك ويفضل غيرك عليك ويعز وقته عليك ومن تطيح ما يوكفلك بأقرب فرصه ابتعد عنه ان كان غريب احسبه ما انوجد بحياتك واذا على العشره خلي بينكم سلام لا اكثر واذا جان اقارب صلة رحم لا تكطع تمرض زوره سلم عليه بس حسسسه بقيمتك حسسهم انو خسرو شخص لو يضلون دهر يدورون مثلك ميلكون وبس الله يوفق الكل ويرزقكم اصحاب وناس بحياتكم بالسراء والضراء وياكم دمتم في حفظ الله 📍