بت شيوخ والضابط ابن الدليم♡

○البارت الخامس○

اول شي بسم الله الرحمان الرحيم
واللهم صلي على محمد والِ محمد

سلام شونكم حبايب جنت ناويه انشر يوم الأثنين الفات بس ما شأت الصدف وصار عندي شغل ف انجبرت اغير تاريخ النشر اعذروني وكتي مو الي والنشر عشؤاي ايام النشر مو منتضمه واخراً واخير احبكم كلش هوايه

♡♡♡♡♡♡♡......♡♡

ألم نشرح لك صدرك )
اللهم بعمق هذه الآية اشرح صدورنا
وارح قلوبنا واصرف همومنا
واعف عنا واغفر لنا يا ارحم الراحمين💜

ويجي الليل وبعد ليل ..
وأحن أكثر وأحبك حييل ❤️

كل يوم اضمدلي جرح شايل خلك دكتور

• عاتب مرتين ، والثالِثه وداعًا 🎀

شڪبر بختڪ ماتت ڪل ألزلـم بعيونـي مـטּ بعدڪ ♥️❕

ترف مثل البلم من أنجرح ماعيش ..
وتجرحني وأگلهم هذا مو هوه !!💔☹️

قرآهہ مـمـتعهہ.
_______________

ادهم: وين وين بيا مستشفى اركان اركض السياره
طلعنه اركان ساق لين اني ادي ترجف الشرار يطلع من عيوني بسبب الي صار خفت امي تموت وهيه على عاتقها ضلم وحوبه يتيمه بس امي نجت من الموت بأعجوبه طلعت من راسها لرجليها شاش ابيض اذكرت دعاء امي لرحمه صدك حوبتها ما عدت لين مضلومه اوفف يا الله حلها

ادهم: امي تريد تنطق حته النطق صار يأذيها تأذيت من شفت امي هيج ما نسيت الي صار بس قررت اأجله لحد ما امي تستعاد عافيتها من جديد سبوع بقينه بالمستشفى يتأكدون صحته تسمح للخروج او لا وبعيدن كالو ما عليها شي اذا طلعت سويت اوراق الخروجيه خطيه الولد واصدقأي اجو يمي باتو بالمستشفى رجعنه للبيت اني طلعت اشوف ممرضه تعتني بأمي لين ما اتصور مرت اركان تقبل يوم يومين وتمل مو مثل ذن بفلوس يشيلن الكاع ويكشن الجواها انطيتها التعليمات جانت عمرها بالأربعين خوش ممرضه عفتهم وبقيت حاير بهمي والسنه تعدي واني لسه ما فتحت سيره رحمه لخاطر امي تستعيد عافيتها بقيت اشغل نفسي دوام ما انزل يوم او يومين وذن اليومين اكضيها نوم اركان ميحاجيني يعرف الي بداخلي شنو اني رجال صعب ما ابين ضعفي كدام احد وان كانو عألتي بس اركان وحيدر الله يرحمه يفتهموني من اتعب من افرح من ارتاح من اتمرض ويعرفوني ما احب الأسأله بكثره اذا اريد احجي او اذا اريد من ذاتي بدون سؤال احجي

نروح لرحمه شوي شتكولون

رحمه: بديت استعيد وعيي ويه الأيام رغم وضعي من شرح اهلي جان مو شي بشكل لدرجه يكولون تفقدين الوعي فجأه وتستعيدين وعيج وره ساعات طلع عندي من وره الحقير صاير ضعف عام ونحول ابوي يا ابوي البيت احس بيه خنكه لهسه ما اجه بابا حضني ما شبكني ما سلم عليه وكلي رحومتي الغاليه جان اي واحد يحاجيني اركض على ابوي هسه ماكو مع انو صكر ممقصر احمد صار رجال وصار هو الي يتسوك ويشتغل ويكعد ويه صكر يحلون مسأل البيت والعشيره متصورت اخوي يكبر هل شكل حمودي الشاب اليضحك على طول وسوالفه وهو هسه شكله شاحب لحيه وتيشريت الأسود ميفارك صدره وميضحك نادر يصفن بيه نوبات ويدير وجها ما بيه احاجيه اعوفه ونام جانو ميخلوني انام مو زين يكلولي ليصير عندج غيبوبه وتفقدين الوعي وانتي نايمه اعتنو بيه لأبعد الحدود صديقاتي اجو يمي ندى اجت خطيه ساعه تبجي ساعه تضحك وتونسني