Wicked Hearts

Chapter 2

Chapter 2: Hell

I'm doomed.

I can pass it if I will study hard but I want an assurance. Gusto kong sigurado akong papasa ako. Ayokong alam ko lang na tama ang sagot ko. Gusto kong alam kong tamang-tama ito.

Camila's evil idea spiraled in my head.

To cheat my way out of this mess.

It's not like I've never cheated in my life. Minsan na rin ako nangopya ng sagot sa katabi ko. Minsan ko na ring hindi sinasadyang nasilip ang answer sheet na dala ng teacher namin at hindi ako nag-atubiling isagot ang mga 'yon.

But this is not one of those days. Palya na ang grado ko. Kapag nahuli ako ay mas mabigat ang kaparusahan. It will put me in another level of humiliation.

I suddenly imagined a post about me on Riverside University page. I've never been featured on that page yet.

Cheater of the Decade: Rizaline Chavez

No. I won't cheat. I will study hard instead.

Wala rin akong planong sabihin ito kay Ate Sarah. Alam ko rin naman na hindi makikialam dito si Miss Dorothea. Ang kailangan ko na lang gawin ay ipasa ang exam. Hindi lang ipasa, kailangan kong makakuha ng at least 80% score.

That's hard as hell. Iilang beses pa lang ako nakakuha ng 80% sa exam at halos lahat ng mga kasama ko no'n ay perfect. Sabi nila ay walang taong bobo, tamad lang. Kaya... hindi ako tatamarin mag-aral.

"That's all for today..." The signal we have been all waiting for.

What a day!

Humikab ako habang pinagmamasdan ang mga kaklase na magkumahog mag-ayos ng mga gamit. Kumilos na rin ako at sinalansan sa bag ang mga gamit ko.

"Ano'ng sabi ni Miss Dorothea?" Lumapit sa akin si Camila na kumakain pa ng chocolate. Nakaayos na agad ang gamit niya. Paano kasi bago pa sabihin na dismiss ay nag-aayos na siya ng gamit.

"Hindi ba last week pa 'yang chocolate mo?" tanong ko.

"Ngayon ko lang uli nakita sa bag ko e." Umupo pa siya sa desk ko. "So... ano nga?"

Biglang pumasok sa isipan ko si Ulrich.

"Ulrich talked to me!" napalakas ang pagkakasabi ko no'n kaya napatingin ang iba sa amin.

Narinig ko na naman na pinagbulungan nila ang sinabi ko. Damn. Not another issue!

Mabilis kong sinabit sa likod ang bag at hinila si Camila palabas ng classroom. Habang naglalakad kami papunta sa locker room ay sinabi ko kay Camila ang mga sinabi ni Miss Dorothea at pati na rin ang pagsulpot ni Ulrich.

"Ulrich? Delgado?" paglilinaw nito.

I rolled my eyes. Mas may pakialam pa talaga siya kay Ulrich kesa sa sinabi ni Miss Dorothea sa akin na maaari akong bumagsak.

Tumango ako. "That guy..."

"Oh. What did he say?"

"Karma..." A bitter smile formed on my lips.

Tumawa si Camila sabay hampas sa braso ko.

Karma? That's so petty of him. Mukhang nabasa nga niya talaga ang comment ko at katulad ng iba ay halatang sineryoso rin niya. He really got his eyes glued on the only negative comment huh?

Nag-iwan ako ng mga gamit sa locker at kinuha ang mga kailangan mamaya. Hindi naman gano'n kalaki ang locker ko katulad ng sa iba. Wala rin naman gaanong malaman. Marami lang ang poster sticker ni Taylor Swift.