Wicked Hearts

Chapter 39

Chapter 39: New Chapter

"Congratulations!"

We all threw our academic caps in the air. I looked up at them with tears in my eyes. They reminded me of stars, though they don't shine, they symbolized hope and dreams.

I made it.

Napapikit ako nung bigla akong yakapin ni Ate Sarah. Napangiti ako nung maramdaman na nginginig ang kanyang katawan habang umiiyak.

"I'm so happy..." Hinarap niya ako. "I am so proud of you. Alam kong gano'n din si Mama. I love you, baby sis. Congratulations!"

"This is also for you. Salamat, Ate. Salamat sa lahat ng sakripisyo. Mahal na mahal kita."

Niyakap niya ako ulit. Someone took a picture of us. Nakangiti sa amin si PJ. Pagkatapos ay tumango siya para kunan ng picture ang iba pa.

"Rizzieee!"

Napatingin ako kay Camila na tumatakbo papunta sa akin. Agad niya akong niyakap nang mahigpit. Saka siya humagulgol.

"Congrats, Camila," bati ni Ate Sarah.

"Thank you, Ate Ganda!" She faced me. "Bakasyon na natin!"

Natawa ako. Akala ko pa naman naiyak siya dahil naka-graduate na kami. Naiyak pala ang gaga dahil sa wakas ay summer na.

"Babe. Riza. Pose, please?" PJ asked us.

Napasinghap ako nung biglang sumakay sa likod ko si Camila. Napalakas ang tawa ko nung halikan pa niya ako sa leeg.

"Sali!" Si Jess.

"Hoy. Buhat!" Cams giggled.

Jessie made it look so easy when he carried us two. Sumakay sa likod niya si Cams habang ako naman ay buhat niya na pang bridal style.

"Miss Top Ten!" Imbes na lapitan kami ni Art ay kay Ate Sarah agad siya pumunta. "Andyan ka pala, Ate Sarah. Nag-enjoy ka ba?"

"Art!" Hinatak ni PJ si Arthur. "Nasaan sila?"

"Congrats, guys!" bati sa amin ni Chester. "Congrats, Riza."

"T-thank you. Picture tayo?" yaya ko sa kanya.

"Hoy kuya mo 'yan, Riza!" Humalakhak si Art.

"Pwede naman ah?" Umirap si Cams bago tinulak si PJ para kunan kami ni Chester ng picture. "Sige na. Picture kayo!"

"Sali!" Dumating bigla si Amanda. Gumitna siya sa amin ni Chester.

Camila frowned. She blocked the lens of the camera. Pabiro siyang tinulak ni PJ. Sumimangot naman siya saka umirap.

"Ate Sarah. Sali ka!" suhestyon pa ni Amanda.

"Hoy isang shot lang kasama ka!" sigaw ni Cams.

"Sa 'yo ba cam 'yan?" pagtataray rin ni Amanda.

Umawang ang mga labi ni Cams, pero agad ding natikom nung hindi niya napagtanto kung paano ididiin kung bakit susundin siya ni PJ kung sakali.

"It's fine, babe." PJ chuckled. Inakbayan niya si Cams saka hinalikan sa buhok.

I mentally rolled my eyes.

Sumama din sa picture namin si Ate Sarah. Pagkatapos ay nagpaalam siyang mauuna na sa sasakyan. Pinahiram kami ni Mr. Megardon ng isa sa mga sasakyan nila. Syempre, may driver.

"Arthur." Sa isang banda ay nakita kong nilapitan ni Jessie si Art. "Picture tayo?"

"Sige ba!"

Inakbayan ni Art si Jessie saka sila nag-picture. Nanlaki ang mga mata ko nung umakto pang hahalik si Art sa pisngi ni Jess. Tinulak naman siya agad ng kaibigan ko.