المقدمه
احيانا تحدث كسور فينا
وحتي ترجع العلاقات مره اخري
لابد من اعاده ترميم
رغم وجود هذه الكسور التي تكسر كل خلجه بنا
الا اننا نحب الاشخاص الذين كسرونا ولكن يبقي ف القلب غصه لا يجبرها الا اعاده الترميم
رغم ذلك احببته
اعاده ترميم
الحلقه الاولي
ريم :صباح الخير ياحبيبي
فارس:صباح الفل حبيبتي عامله ايه وصحتك اخبارها ايه بتاكلي كويس عشان البييبي مش عاوزينه يبقي شبه اخته المسلوع..
جودي:مالها اخته ياخالو
فارس :حبيبه خالو طبعا وروح قلبه
جودي تحتضنه
وانا بحبك اوي ياخالو
فارس :يلا بقي هتعطلي خالو عن الشركه
عاوزه حاجه حبيبتي
ريم:ميرسي يافارس ربنا يخليك لينا يارب
فارس:تيته لسه ماصحيتش
ريم؛ لسه انت صاحي بدري اوي انهارده
فارس:وجوزك نموسيته كوحلي مش يقوم يشوف شغله
ولا اخوكي ده كمان مش يشوف كليته
هو انا هاخد بالي من كل واحد ف الفيلا هنا
ريم:ربنا مايحرمنا منك ابدا ياحبيبي انت عارف بعد موت بابا وماما مالناش غيرك انت اللي حاوط علينا ووقفت الشركه علي رجلها
بس نفسي تتجوز بقي
فارس:انتي عارفه رايي ف الموضوع ده انا كفايه عليا انتي وعيالك انتي امي واختي وحبيبتي
مافيش واحده هتحبني زيك
ريم:طب ماانا بحب علاء جوزي جدا
اكيد هتلاقي اللي تحبك زي مابحبه
فارس:خلاص لو لقيت واحده زيك.كده وتحبني زيك انا هجوز علي طول
سلام بقي يارغايه
فارس شخصيه جاده جدا وصارمه لانه تحمل عناء حمل مسؤليه هذه الاسره بعد حادث اليم لوالده ووالدته وكان لابد ان يحمل المسؤليه علي عاتقه فهو الاخ الاكبروجدته سيده كبيره لا تقوي علي المسؤليه ولكنها تساعد قدر الامكان
وهو صارم مع الجميع الا اخته يحبها بجنون هي وبنتها ومن تحمله ف بطنها ويخاف عليها وعلي زعلها جدا ولا يتراجع عن قرراته احيانا الا من اجلها هي وفقط حتي اخيه الصغير ف الجامعه يتعامل معه بحزم
وحتي زوجها ايضا يعامله بحده وجديه
..................
ذهب فارس لشركته فاليوم سيتم امضاء عقد صفقه جديده ولا بد من التجهيز لها والاوراق اللازمه لها
فارس :تعالي بسرعه يامني
مني تاتي مسرعه ايوه يافارس بيه
فارس بشخط فين اوراق الصفقه مش علي مكتبي ليه احنا جايين نلعب ولا بنهرج
مني:حالا يافندم والله طلبتها من الاستاذ مدحت ولسه ماجبهاش
فارس:ماانا مش مشغل بشر معايا
مافيش مخ الصفقه انهارده واوراقها لسه
مني:حالا هجيبها والله وتجري مني
الو يا ا.مدحت فين الورق دا جاي متعصب وهيطلع روحنا
مدحت:انا جاي حالا اهو
وجاء مدحت اعطي الورق لمني
مني:لا خش ادهوله انا خدت الطريحه الاولي
وماعنديش استعداد للتانيه استلقي وعدك ياحلو
مدحت :ماشي ياجبانه
خبط مدحت ودخل بالاوراق
فترس:جري ايه ياسي مدحت شغال ف عزبه اللي خلفوك مش قلت الورق اجي الاقيه جاهز ع المكتب
ولا شغالين ف تكيه
اخر مره والا في خصم من مرتباتكو بعد كده
مدحت:والله يافندم كنت براجع الاوراق كويس عشان مايبقاش فيها ثغره
فارس:وعلاء فين ان شاء الله مش المفروض مراجعها
مدحت:بس في بندين كنت عاوز اقولك عليهم والاستاذ علاء مارضيش اتكلم معاه فيهم ومشي
فارس:وريني
وفعلا اشار له عليهم
دول فيهم اجحاف للشركه وجايين علينا
فارس:الاول ده انا عارف بيه وقلنا مره عليما ومره عليهم لكن التاني قلت لعلاء يتغير
هو فين لسه ماجاش
خلي مني تتصل تجيبه من تحت طقاطيء الارض حالا
مدحت:حاضر يافندم
فارس:مشغل معايا شويه بهايم
ماشي ياسي علاء مفكر عشان جوز اختي
..........................
في حاره سكانها من المعدومين يعيشون بالتيله كما يقال اي اقل من محدودي الدخل بل معدومي الدخل
ام عبير :يلا يا رحاب كليتك يا حبيبتي
رحاب :حاضر يا ماما هقوم اهو
والله ماقادره اروح برجع من الوقوف ف الصيدليه بليل مهدوده
امها:معلش يابنتي مش انتي اللي عاوزه تكملي كليتك وبتجيبي مصاريفك
ماهي اختك عبير شقيانه هي كمان من شغلانه لشغلانه والمحروسه اللي ف الثانويه
ولا اختك اللي ع الكرسي وعاوزه عمليه وكله علي عبير ياحبه عيني اهو تساعديها وتجيلي مصاريفك وتخفي الحمل عليها
ولا عمك ومراته وعمايلهم فينا عشان مالناش راجل يوقفلهم
رحاب :وعشان كده مصممه اخلص كليتي ومايتحكمش فيا ابدا
امها:ربنا يكملك بعقلك يابنتي
ام عبير :يلا ياعبير ياحبيبتي
عشان تودي اختك المدرسه وتشوفي وراكي ايه
عبير: حاضر ياماما هوديها واجيب الخضار عندي اوردرات هخلصها واستلم منك الكشك اللي حيليتنا اقعدي فيه علي ماخلص وماتوقفيش عشان رجلك ماتوجعكيش ولو تعبتي اقفلي وانا هبقي انزل افتح
امها:ماشي ياحبيبتي ربنا يسلملك طريقك
امها:بت يا سها ماعندكيش دروس
سها:لا ياماما ومافيش مدرسه انا ثانويه سيبيني انام بقي الدرس الساعه 2
امها:ماشي ياجزمه يام لسان طويل
امها:يلا يا اميره البسك اختك توصلك المدرسه مش عاوزين السنه تضيع عليكي بسبب الحادثه
ويارب تعملي العمليه وتمشي علي رجلك تاني يابنتي
اميره :يارب ياماما
أنت تقرأ
رغم ذلك احببته
Romanceكان يطاردها ولا تعلم ان له زوجه واولاد لتوافق في سبيل صفقه انقاذه لاختها المشلوله ولكن يعلم أخو زوجته وينتقم منهما بطريقته الخاصه
