رغم ذلك احببته
اعاده ترميم
الحلقه 10
اخذها معه الفيلا ودخل كانت ريم موجوده وجودي بالهووول
جودي :خالو حبيبي
يلتقطها من الارض ويحتضنها
ريم تنظر لعبير التي خلفه
ريم :مين دي يا فارس
فارس:دي مراتي
اطلعي ياعبير اوضتي
عبير تميل علي اذنه
وانت شايفني هارسه المطرح
ينظر لها هارسه والمطرح انا جايبك سويقه
واداب فلسفه وتمريض
عبير:ايوه يعني بذكاءك كده الخارق انا جيت هجمت علي بيتكو وسرقته وعارفه دهاليزه عشان اعرف اوضتك
فارس:طب ابعدي عني وماتلزقيش فيا كده
عبير:تقولش متوضي هنجسه جاك الارف ف منظرك فارس:والله لو ماتعدلتي لاعدلك
ريم استغربت من هذه الهمهمه والطريقه لا تدل علي عرسان
ريم:هو في حاجه
فارس :لا ابدا بس مش عارفه الاوضه
اطلعي ياجودي وريها اوضتي
جودي :هاااا هتقعد معاك ف الاوضه ياخالو
فارس:اه ياجودي ماهي مرات خالو زي بابا وماما كده
جودي:دي عروسه
فارس:يبتسم اه ياجودي يلا بقي
وريم لا تحيد نظرها عن اخوها من اثر الصدمه
فاخذت جودي عبير للحجره واثناء طلوعها تستمع لهم
ريم:اجوزت يافارس من غير ماتقولنا
هونت عليك للدرجه دي تكسر فرحتي بفرح اخويا اللي بستناه طول عمري وتيكي
فارس:ريم مش كان نفسك اجوز اديني اجوزت اهو
ريم:مش كده يافارس فين فرحتنا معاك ولمه اخواتك واهلك حواليك دا اليوم اللي بنتظره من زمان
ياااه يافارس اول مره احس اني ماليش قيمه عندك
فارس:ماتقوليش كده انتي عارفه انتي ايه بالنسبالي ويحتضنها وعينه مغرورقه بالدموع
لو اقدر اقولك ع الحقيقه ياحبيبتي لكن خايف عليكي وماعملتش دا كله الا عشانك
ريم:ابعد عني😢😢😢
الله يسامحك يافارس ع اللي عملته فينا
وطلعت جري لجدتها وهو ينادي ريم ريم ليتهاوي علي اقرب كرسي
منك لله ياعلاء الزفت ع اللي عملته ف عيلتنا ربنا ينتقم منك وياخدك يابعيد
اما عبير طلعتها جودي لحجره فارس
ومشيت هي لحجرتها
وهي تقول ابقي تعالي العبي معايا ف اوضتي اللي جمبك جيمز ووعدتها عبير بذلك
اما عبير في حجره فارس
يلا اهم بيتخانقو ايكش يولعو ف بعض وارتاح من العيله الهم دي
وشمت نفسها اووووف ايه الريحه الهيباب دي
له حق الواد يا كبد امه كل مايشوفني ابعدي عني
اما اخش اخد دش بدل مايفطس من الريحه ويتهموني بقتله
ولو اني نفسي يموت وارتاح منه ع اللي عمله فيا
بس يموت لوحده مااشتركش ف الجريمه
ودخلت اخذت شاور ولفت نفسها بفوطه
اما اطلع اشوف اي حاجه ف الدولاب ماانا مش هلبس المعفن ده تاني علي مااشطفه
وخرجت من الحمام ابتعدت بضع خطوات لتجده يفتح باب الحجره فترجع تجري ع الحمام
فارس:يادي التخلف
عبير:ياكابتن
فارس:يادي زفت عاوزه ايه من امي انا مش فايقلك الله يكرمك
عبير:هاتلي اي حاجه البسها لو تيشرت وبنطالون من عندك حتي ماعييش هدوم غير المعفن ده
فارس:نعم ياختي لا طبعا ماتلبسيش هدومي
الا تلبس هدومي دي كمان انا ناقص ارف
عبير:يا باشمهندس يعني اقعد ازاي انا كده خلاص شوف عند اختك ولا جودي حتي
فارس يخلل اصابعه في شعره باشمهندس البت دي حوله
ربنا ينتقم منك يابعيد اشوفك محروق
وخرج احضر بجامه من عند اخته واعطاها لها
عبير:مشكرين ولبستها هي ضيقه شويه ومش عارفه اخد نفسي بس تمشي احسن من المعفن ده دا عاوز يتحرق مش يتغسل
وفارس ارتدي ترنجه اكيد عملت حاجه مش مظبوطه ف حياتي ودا تكفير ذنوب
عبير :تجري تلحق السرير
انت روح شوفلك اوضه تانيه بقي
فارس :نعم ياختي هو احتلال دي اوضتي انا قومي ابت فزي لاشقلبك من ع السرير
عبير:وانام انا فين يعني
فارس:ماتغوري ف اي داهيه ف البلكونه ع الارض ف اي داهيه
عبير:بقي كده يارجوله الله يرحمك.يارجوله
في حد كده
فارس:بت انتي خلي يومك يفوت معايا انا مش طايق اتنفس نفس الهوا اللي بتتنفسيه
تشم ريحتها دا حتي انا استحميت
فارس :قومي يابت فزي
عبير:طب انام فين انا
فارس:ف البلكونه
عبير:عشان ابرد
فارس:ياريت يمكن اخلص منك
عبير:ايه الجوازه المنيله بستين نيله ده
حد يجوز حد عشان يموته
اكون ورثت كان ليا خال ولاعم معرفوش ف امريكا وهو طمع ف الورث قال يموتني وياخده
فارس:انتي يابت ياهبله قومي من سريري لاجرك ف الارض
عبير:جاتك الارف اشبع بيه خلاص هنام ف الحمام
فارس:وانا امااحب ادخل ادخل ازاي
عبير:ابقي ازنقها علي ماصحي وهات دول
فارس:وانا اتغطي بايه
عبير:اتصرف جاك داهيه ف منظرك
فيخبطها بمخده غوري يابت
عبير:ومش هتاخد المخده دي كمان
وجريت ع الحمام
فارس:هاتي يابت المخده
كانت قد اغلقت الحمام
فارس:ايه الهبل والجنان الرسمي اللي انا بقيت فيه ده
دي بت مش طبيعيه خالص ياريتني كنت سيبتها لعلاء والله مافي احسن من كده عقاب له كانت طلعت القديم والجديدعلي حتته دا انا انقذته من مصيبه ولبست انا فيها
أنت تقرأ
رغم ذلك احببته
Romanceكان يطاردها ولا تعلم ان له زوجه واولاد لتوافق في سبيل صفقه انقاذه لاختها المشلوله ولكن يعلم أخو زوجته وينتقم منهما بطريقته الخاصه
