رغم ذلك احببته
اعاده ترميم
الحلقه 16
رحاب :يوووه ياادهم عيب كده ماينفعش تدخل شايلني كده يقولو ايه
ادهم:ماحدش هيشوفنا تيته ف اوضتها واختي نايمه مع بنتها واختك ف اوضتها والداده ف المطبخ انا بس اللي صاحي كنت بشرب قهوتي عشان اروح شركتي جيتي ضربتيلي اليوم يعني مش عواطلي ولا حاجه
رحاب:وانت لسه جاي تروح الشركه دلوقت والله لتفلس علي ايدك
ادهم:ماهو البركه ف فارس قايم بالواجب وزياده
انتي اللي جايه بدري كده ليه
رحاب :بدري من عمرك يا خويا دا احنا فاتحين من 9 بنستلم طلبيه واستاذنت من الدكتور اجي لعبير شويه وارجع
ادهم:طب بالشيله دي ماتيجي اوضتي اقرب
رحاب :اتلم ياادهم احسنلك ووصلني لاختي
ادهم:بهزر ياست الضاكتوره بلاش اهزر ثم انتي راكبه حنتور وصلني اواوام وصلني
رحاب :لا الهزار مش ف الحاجات دي
ادهم امال يبقي ف ايه ويغمزلها
رحاب :انت قليل الادب علي
فكره
ادهم:في ايه يا ست الدكتوره
رخاب:وايه ست الضاكتوره اللي مسكهالي دي
ادهم:مش انتي اللي قلتلي اقولك كده
يلا افتحي الاوكره دي
رحاب بتوجس :بتاعه مين
ادهم:انتي هبله يابت بتاعه اختك
الا لو عاوزه بتاعتي انا ماعنديش اي مانع تشرفيني والله وشرحه وبرحه وهواها يرد الروح وتطل ع الحديقه
فنظرت له وفتحت لقت عبير قاعده فاتنترت لما شافتها
في ايه انت شايلها كده ليه
ادهم:استلمي العهده
رحاب:ماتقلقيش رجلي اتجزعت بس ف ادهم مارضيش يخليني امشي عشان ماقدرتش وشالني
عبير:انتو تعرفو بعض
رحاب :شوفته مره ف الكليه
ادهم:واي مره
تبصله رحاب اتلم
ادهم :انا ماشي وهستني تحت مش رايح الشغل لما تخلصي قولي اوصلك
رحاب:ماتشغلش بالك ان هتصرف
فرجعلها :انتي مجادله ليه مابتسمعيش الكلام من مره واحده ليه هتصرفي ازاي يعني وانتي مش عارفه تمشي
رحاب:هتصرف وخلاص انت مالك
فوجدت عبير النقاش يحتد ووجههم في وجه بعض ويعلو الصوت
عبير:خلاص ياادهم لما تمشي نبقي نوصلها
ادهم:دي فظيعه لا تطاق اختك دي
عبير:اه والله
ادهم:مستحملاها ازاي دي
دي تخرج الواحد عن شعوره
تضربه وهو معدي امشي يارخم والله انت اللي الواحد مايستحملك ثانيه مش دقيقه
يرجعلها انتي اد الضربه دي
تحاول تقف اه ادها
فيزقها تقع ع الفوتيه تاني
ياشيخه روحي انتي فيكي زقه اصلا ولا قادره توقفي
رحاب:يا رذل يا غتت خرج وقفل الباب
رحاب :جاتك الارف
يفتح تاني ماتتلمي يابت بقي ولا عشان ساكتلك
والله محترمك عشان اختك
هتنطق لسه عبير كتمتها
معلش ياادهم امسحها فيه
ادهم:شايفه الناس الذوق اتعلمي ويهوشها بكوعه
ويخرج فتتركها
رحاب :بتكتميني ليه دا عاوز يتربي
فتنظر لها عبير
وانتو تعرفو بعض ازاي بقي
رحاب:لا مش زي مانتي فاهمه
دي كانت خناقه بس بيني وبينه وماشوفتهوش الا هنا وماكنتش اعرف انه اخو جوزك
عبير:والله شكلها كده زي مانا فاهمه
مش بيقولو مامحبه الا بعد عداوه
أنت تقرأ
رغم ذلك احببته
Roman d'amourكان يطاردها ولا تعلم ان له زوجه واولاد لتوافق في سبيل صفقه انقاذه لاختها المشلوله ولكن يعلم أخو زوجته وينتقم منهما بطريقته الخاصه
