رغم ذلك احببته
اعاده ترميم
الحلقه 22
ذهب ادهم الفيلا وجد الجميع مجتمعين ع السفره
ريم:حماتك بتحبك
ادهم: وانا بحب بنتها
بمناسبه حماتي وبنتها بقي
انا عاوز اجوز
فارس:ياسلام اشر بس وانا اخطبلك احسن واحده ف البلد
ادهم:هي مش بعيده اوي
انا عاوز اخطب رحاب
فارس :رحاب مين
ادهم:اخت عبير
اتنتر فارس
يعني دونا عن البنات مالقتش غير دي
لا من مستواك ولا اي حاجه انا مش موافق الجوازه دي علي جثتي
وعبير تنظر له باستغراب
ادهم:في ايه يافارس
مانت اجوزت عبير وكمان من غير ماتقول لحد ولا حلال لك وحرام عليا
انا قلت هجوزها يعني هجوزها (فسكعه فارس حته كف ساوره اه والله العظيم سمع عندي هنا )
فجري ادهم خارجا من الفيلا وريم تنظر لفارس
ليه يافارس كده جرالك ايه وتجري ريم وراء ادهم الذي استقل عربته وسار مسرعا
وطلع فارس حجرته وجرت عبير وراءه
عبير :انت ايه القساوه اللي ف قلبك دي ليه تحرم اتنين بيحبو بعض مش كفايه انت مافيش قلب عاوز الناس كلها زيك
فجذبها من ذراعها
انتي اخر واحده تتكلم عن القسوه
دا انتو محترفين بقي .
ماقدرتيش علي واحد رحتي ملبسه اختك للتاني انتو مالكو ومال عيلتنا
عبير:اولا انا ماقولتلكش تجوزني وانت عارف انت عملت ايه
لكن ادهم بيحبها وهي كمان وانا شوفت الحب ده ف عيونهم
فارس :دا انتي مطبخاها كويس بقي
وانا اللي كنت هتخدع فيكي كويس انك ظهرتي علي حقيقتك انتي والعيله الكريمه
عبير:حرام.عليك يافارس ماتضيعش الحاجه الحلوه الوحيده ف موضوعنا وهي حبهم لبعض
فارس:ابعدي عندي مش طايق تلمسيني
وزقها ع السرير وخرج
............
ريم:ايوه ياعلاء محتجالك اوي انت مش هتيجي بقي
علاء:خلاص حجزت ونازل كان في سوء فهم وفضلو رابطني الشهرين دول بس فهمو الاخر واعتذرولي وهنزل
ريم :ماشي حبيبي تيجي بالسلامه
في فيلا سها
............
كريم دخل كانت تتحدث مع اميره
سها :لا يااميره مش عاوزه حد ولا تقولي لحد مش عاوزه اشوف حد منهم خالص
اميره:امك.كانت مغصوبه زيك يا سها
ماتاسيش عليها
سها :وهم مااسيوش عليا
هزعل منك يااميره والله وهتبقي اخر مره اكلمك
لو قلتي لحد ان محمود مات انا مش عاوزه لايعزوني ولا اشوف حد واختك تقوليلها ماترنش تاني لهغير الخط ومش هتوصلولي
اميره:خلاص ياسها براحتك
وانتي عامله ايه
سها :الحمد لله
وبس اخلص الاجراءات واستلم الفلوس واعملك العمليه
اميره:ماتشغليش بالك انا راصيه بنصيبي
سمع كريم المكالمه
وبعد ان انتهت
الجميل بيكلم مين
سها:دي اميره اختي
كريم :طب ممكن كوبايه قهوه من ايدك
سها:حاضر حبيبي
وذهبت وتركت موبايلها
فاخذه كريم واخذ رقم اميره
سجله عنده ووضعه مره اخري وجاءت بالقهوه
كريم :تسلم ايدك
انا كلمت المحامي يخلص اعلام الوراثه بسرعه
بس المشكله ف حصر التركه هتاخد وقت
فزي ماقلتلك انا بعتبرك مراتي من دلوقت يعني ملزومه مني اي حاجه تعوزيها تطلبيها فورا وعليا التنفيذ
سها :ميرسي حبيبي يعني هعوز ايه انت مش مخليني عاوزه حاجه بس ياريت توديني الجامعه عشان اقدم ف تجاره
كريم:من عنيا بكره الصبح اجي اخدك
سها :تسلملي حبيبي
كريم :عاوزه حاجه بقي
سها:رايح فين وهتسبني
كريم:اشوف اكل عيشي بقي هو انا صايع
شويه كده ونظبط امورنا
سها:ماشي ماتتاخرش عليا
كريم:انا اقدر انا بخلص واجيلك هوا
ثم الداده انا اتفقت معاها تفضل ليل نهار هنا لحد مانجوز عشان ماتبقيش لوحدك
سها:لا انا عوزاك انت مابحسش بالامان الا وانت جمبي
كريم:خلاص مش هتاخر
ولو اني اتلوحت من نومه الكنبه بس يلا هانت كلها اربع شهور اكون جالي انزلاق وبقيت ف الجبس
سها:ههههههه بعد الشر عليك ياحبيبي
كريم:مانا مقدرش ع الحنيه دي كلها
انا ماشي بدل ماتهور
اجيبلك حاجه وانا جاي
سها:هاتلي شيكولاته جالاكسي
كريم:حاضر ياعيله
...............
خرج كريم من عندها اتصل باميره
اميره:حضرتك.مين
كريم:انا كريم شغال عند محمود بيه الله يرحمه جوز سها
اميره:سها حصلها حاجه
كريم اطمني انا بس عاوز والدتك ف حاجه وعاوز العنوان
اميره اعطته العنوان وقالت لوالدتها
سعاد:ودا عاوز ايه
أنت تقرأ
رغم ذلك احببته
Romanceكان يطاردها ولا تعلم ان له زوجه واولاد لتوافق في سبيل صفقه انقاذه لاختها المشلوله ولكن يعلم أخو زوجته وينتقم منهما بطريقته الخاصه
