رغم ذلك احببته

رغم ذلك احببته السابعه

رغم ذلك احببته
اعاده ترميم
الحلقه 7
فارس:ماشي ياعلاء
ديلك نجس
وديل الكلب عمره مايتعدل
كنت جاي صدمان كحيان ومع ذلك امنتك علي اختي ونضفتك واخرتها تعض الايد اللي اتمدتلك
ودي مين دي كمان اللي  ماشي معاها
اكيد اشكال وسخه زيك
ومقضيها معاها والغلبانه اللي هنا نايمه علي ودانها
وذهب بعربته كان ينتظره عصام
عصام :مفاتيح الشقه اهي ياباشا علي الله تعجبك
وادي اللبس اللي طلبته يارب يطلع مقاسك
فارس:تمام ياعصام اتكل علي الله انت واما احتاجك هطلبك  خد دول
عصام:خيرك سابق ياباشا امت تؤمرني بس وانا انفذ
فارس:شايلك للتقيله
عصام:اؤمرنيش بحاجه
فارس:لا اتكل علي الله وعلي تليفون ان شاء الله
عصام:اوامرك ياباشا

وارتدي فارس ملابس الصعايده وجلس بعربه استاجرها امام الفيلا
وجد علاء يخرج منها ويركب عربته
فسار وراءه بحيث لا يلاحظه وعلاء يتصل ولا ترد
ثم ركن عربته وترجل منها لان الحواري ضيقه
وفارس وراءه متخفيا بلبس الصعايده ويضع الشال علي فمه حتي لا يعرفه احد وكانه ملثم
وعندما دخل بيت يكاد يسقط علي اصحابه
سال صاحب محل وهونفسه الذي ساله علاء سابقا
فارس:جولي يااخينا
هو الجدع اللي دخل اهنه دلوقيت لحسن بشبه عليه  عاد وماعرفش هو ولا ايه
صاحب المحل :دا علاءبيه  وانت اش وصلك له اكيد مش هو دا خطيب البت عبيربنت ام عبير
بيضالهم ف القفص
دا اداني 50 جنيه بحالهم لما سالني عليها وقلتله دا عمهم
فارس:اراك توزع من مال امك
صاحب المحل :بتقول ايه يااخينا
فارس :لع اكيد مش هو التاني فقران وعدمان وصدمان
صاحب المحل:ماقولتلك اش وصلك له
فارس:عندك حق سلام ياابو خالو
صاحب المحل :تسلم يا بلدينا
فارس :وكمان راسم علي جواز ومقرطسنا
صحيح خيرا تعمل شرا تلقي
الواطي هيفضل طول عمره واطي

فارس :عصام تروح العنوان ده وتراقب واحده اسمها عبير وماحدش يحس بيك لحد مااقولك تعمل ايه
عصام :اوامرك يافندم اعتبره حصل ياباشا
وذهب فارس لبيته بعد ان ابدل ثيابه

فارس :ازيك ياحبيبتي عامله ايه ف الحمل
ريم:يعني تعبانه شويه
فارس: كان لزمته ايه بس مش كفايه جودي ماصدقنا ربما سلم وقومتي بالسلامه تروحي تحملي تاني
ريم:علاء اكيد نفسه ف ولد هو مابيكلمش بس انا حاسه انه كان نفسه ف ولد
فارس:ياريته بيقدر حبك ده  ولا حاسس بيه
ريم:لا يافارس ماتقولش كده انت عارف انا بزعل لما حد يكلم عليه انا ممكن اموت لو سابني هو بيحبني
فيحتضنها فارس
خلاص حبيبتي انا اسف مش هقول عليه حاجه
يلا بقي اضحكي ماقدرش اشوفك زعلانه
يابت انتي بنتي مش اختي
تحتضنه ريم ربنا يخليك ليا يارب
بس عشان خطري ماتضايقوش
فارس :حاضر ياست
ودخل علاء
فارس:مابدري ياباشا كنت فين وسايب مراتك وبنتك
علاء:الله هو سجن ولا ايه دي حاجه تخنق
يهم فارس بالرد فتمسكه اخته فيتراجع
وتذهب لعلاء مايقصدش حبيبي بيطمن عليك بس
ويطلع علاء متنرفز ومعه ريم
فارس يخبط بقبضه يده ف الحيطه
ماشي يابن الكلب خساره فيك بس اعمل ايه خايف لو كرشتك من هنا يحصلها حاجه معرفش عاملها سحر دا ولا ايه ربنا ياخدك ياشيخ ويريحنا من ارفك ونجاستك
...................
عصام:الو ايوه ياباشا
انا براقبها زي الاتفاق وعرفت خط سيرها اليومي
فارس :ماشي خليك علي كده وكله بحسابه وانتظر الاوامر
عصام:خيرك مغرقني
................
فارس: كنت عاوزك  تطلع لندن تخلص الصفقه لحسن في مشاكل ف العقود هناك
علاء:مانت اللي بتطلع ف الصفقات بره
فارس:مش فاضي اليومين دول ودي مشاكل بيقولو ف العقود فتخصصك شوف في ايه واما يخلص الموضوع ارجع
علاء:ودا هياخد وقت اد ايه
فارس:معرفش انت بقي اما تخلص ترجع واهو تهيص يومين من نفسك

علاء:ماشي والسفر امتي
فارس:بكره انا حجزتلك
علاء:علي طول كده
فارس:وراك حاجه
علاء:لا ابدا ورايا ايه يعني
وطلع يتصل مافيش فايده
فذهب يخبرها بسفره
عبير:تروح وتيجي بالسلامه
علاء:يعني مافيش اي حاجه ع الماشي دا انا مسافر
عبير :طريقك اخضر ياعلاء
علاء:يعني مش هوحشك
بس انتي هتوحشيني اوي
عبير:ماتشوفش وحش يلا بقي ورايا شغل
علاء:ماشي ياام شغل سلام ولما اتصل تردي
عبير:حاضر يلا بقي
وفعلا سافر علاء بعد ان ودع زوجته التي فوجءت بسفره
ولكنها لن تعترض فهو شغل
.................
فارس :نفذ ياعصام