رغم ذلك احببته
اعاده ترميم
الحلقه 23
ذهب كريم لسعاد
عرفها بنفسه وبصلته بسها وماحدث لإبنتها وموت محمود
سعاد :ياحبيبتي يابنتي
وانتي يا جزمه عارفه وماتقوليش
اميره:والله هي اللي قالتلي ماقولش لحسن هتغير الخط وماحدش هيعرفلها طريق
سعاد:انا عارفه انها شايله مني اوي بس والله ماكان بايدي حاجه دا كانو هيطلعو عليها كلام وحش والناس تطمع فيها وتاكل سيرتنا لو ماعملتش كده
انا لا خدت منه حاجه ولا طمعت ف حاجه انا كنت خايفه عليها
كريم:والله عارف كل ده اكيد مافيش ام مش هتخاف علي بنتها
انا المهم بتقدملك عشان هجوزها بعد عدتها وكان نفسي اصلح علاقتكو سوا
رحاب :وانا معاك ولازم سها تفهم كل ده احنا كنا بنقول صغيره وبكره تفهم لكن طالما وصلت لكده لازم نعقلها بنفسنا
يلا ياكريم انا جايه معاك
البسي ياماما
سعاد :روحو انتو لحسن تكرشني
رحاب :تستجري دا انا كنت قطمت رقبتها
انتي بس استنينا ف الجنينه علي مانكلم معاها
انا وكريم
سعاد :حاضر
وفعلا ذهب الجميع للفيلا
ودخلت رحاب مع كريم
سها :جايه ليه يارحاب
رحاب:جايه لاختي
سها :اختك انتي لسه فاكره ان ليكي اخت
كانت فين اختي لما باعوني ماسمعتلهاش صوت
ولا مابيطلعش الا لنفسها
رحاب:افهمي ياغبيه
انا اولا ف صيدله باقي سنه وكمان بشتغل لو حد داسلي علي طرف هسيبهالهم مخضره وهي سنه بالطول ولا بالعرض هقضيها ف اوضه ف اي داهيه بعيد عن خلاقهم واخلص واشتغل وانا اصلا بشتغل وبصرف علي نفسي
لكن انتي لو قالو اللي كانو هيقولوه عليكي وانتي ثانويه ولا شغله ولا مشغله ويطمعو كل من هب ودب فيكي وسيرتك تبقي علي كل لسان وكلاب السكك تنهش ف لحمك كان هيبقي الحال اسوء من كده
امك كانت عاجزه من ناحيتك زيي بالظبط خوفها عليكي تتمرمطي وتتبهدلي فضلت الاختيار ده وقالت ده الاصلح وهو رجل ف الدنيا ورجل ف الاخره وهيسيبك مش محتاجه حاجه
كريم:انا عارف انك محتاجه ترميم من اول وجديد للشروخ اللي حصلت فيكي
وانا معاكي وهحاول ارمم كل شرخ حصلك والحمد لله لولا اللي حصلك ماكنتش قابلتك وحبينا بعض
لازم تسامحي امك كانت مجبوره زيك وكانت بتتقطع اكتر منك
عشان خاطري سمحيها فارتمت بحضنه تبكي
كريم :ناديها يارحاب
فنادتها فجرت سها لحضن امها تبكي وامها تبكي هي الاخري
سها :انا مش هسيبك تاني هو بس ناخد الورث وتيجي انتي واميره ورحاب هنا معايا لما نجوز انا وكريم
سعاد:انا واخده ع الحاره
كريم:طب مامن دلوقت خليها معاكي
سها:لا كفايه مصاريفي عليك لما استلم ورثي هصرف علي اهلي
كريم:انا هزعل كده ليه تعملي فرق بينا
سها :معلش ياكريم ريحني
كريم:خلاص اللي يريحك
سها :ماتزعلش بقي انا هبقي مرتاحه كده وهم كمان
كريم:يعني انا مش ابنهم انا كمان
رحاب :معلش ياكريم واحنا مامنين عليها معاك انت انسان فعلا محترم فوق الوصف
وربنا كرمها بيك وعوض صبرها خير
اما اختك عبير
سها دي بالذات ماتجبيش سيرتها
رحاب :انا مش هكلمك حالا لان ورابا شغل بس اماتفوقي من اللي انتي فيه هكلمك
يلا ياماما
كريم :انا هوصلكو
وفعلا تصالحت سها وامها
..............
اميره:اختك جوزها مات بس قالتلي ماترنيش عليها
عبير:والله مظلومه يااميره وبحاول اكلمها ماتردش ومحملاني كل حاجه حصلت ف حياتها 😢
اميره :احنا صالحناها علي ماما اخيرا ورحاب
معلش مسيركو تتصافو سوا
عبير :يارب
كان فارس يستمع للمكالمه ولا يلقي لها بال
ريم كانت عوزاكي تحت
عبير:حاضر انا نازله
ونزل الجميع الهوول
فارس في ايه ياريم مجمعانا
ريم :عندي مفاجاه
وبعد شويه دخل علاء فجرت عليه ريم وجودي
ريم :حمد الله ع السلامه حبيبي وحشتني
وجودي :بابي بابي
علاء:ازيك حبيبتي ووقف متنح لوجود.عبير التي وقفت
ريم :دا علاء جوزي ياعبير ودي
وقام فارس احاط عبير من خصرها
ودي مراتي ياعلاء وعبير تنظر لفارس
فقد احست ان علاء هو السبب في كل مايفعله فارس
عبير:طب عن اذنكو ياجماعه
وطلع فارس وراءها
ايه مفاجاه صح عرفتي مين القاسي فينا
ذنبها ايه الغلبانه اللي تحت دي الوحيده اللي حنت عليكي هنا واحتضنتك
عبير:فارس انت فاهم غلط الموضوع مش زي مانت فاهم
فارس :دا انا الوحيد اللي فاهمك صح راح علاء نشوف غيره ادهم ينفع مع رحاب
عبير:صدقني والله لو قلتلي من الاول كنت وفرت علينا كل ده
فارس :اه عشان تلفي من الناحيه التانيه وتقولي لريم وتطلق وتاخديه لوحدك خالص مخلص
عبير:صدقني انا مش كده 😢😢
فارس:دموع التماسيح دي ماتخلش عليا
دي تضحكي علي ابو رياله اللي ريل عليكي من دمعتين مش عليا وهو يقبض علي ذراعها بقوه ثم يلقيها ع السرير
.............
اما علاء مذهول وغير مستوعب ماحدث
علاء:اجوز امتي فارس
ريم:بعد مامشيت لقيته جايبها وبيقول مراتي
علاء:اييييه
ريم:اه والله وخاصمتهم بس لقيتها غلبانه وحبتها اوي
علاء:اه فعلا هي تتحب
أنت تقرأ
رغم ذلك احببته
Romanceكان يطاردها ولا تعلم ان له زوجه واولاد لتوافق في سبيل صفقه انقاذه لاختها المشلوله ولكن يعلم أخو زوجته وينتقم منهما بطريقته الخاصه
