رغم ذلك احببته
اعاده ترميم
الحلقه 15
فارس :في ايه
عبير:الدبوس دخل ف ايدي
فامسك بصابعها واعتصره ويمسحه بمنديل ثم يقبله
لتشعر عبير بقشعريره غريبه تسري في بدنها لتغمض عينيها فيزيل الشعر المتناثر علي وجنتها ويقترب منها وتحس بانفاسه تلفحها وهي كالمخدره
ثم تستيقظ علي رزعه الباب
فقد توقف عند هذا الحد واخذتيشرته وخرج ورزع الباب خلفه وهو لا يعرف ماذا حدث له وكيف يفعل ذلك
وهي ايضا
ازاي انا واقفه زي البجم كده ولا التمثال زي مااكون اتشليت ولا متبنجه دا انا كنت عامله زي تمثال رمسيس ناقصني الفسقيه واطلع مايه
لا الواد المجنون ده خطر عليا ازاي مالطشتهوش قلمين يعدلوه هو فكرني سهله
انا لا يمكن اقعد هنا دقيقه واحده انا هروح لامي واللي يحصل يحصل
حتي لو هبوس لا مؤاخذه
مش اللي ف بالكو ياقللات الادب تقصد جزمتها
وخرج فارس مذهول ممافعله
ويحدث نفسه ازاي اعمل كده دي لو اخر واحده ف الدنيا دي كانت هتبقي السبب ف دمار اختي
دا جنون اللي انا فيه ده
ودخل حجرته هو لا يريد النظر اليها
عبير :انا عاوزه اروح لامي
فارس:الموضوع ده اتقفل خلاص مش هنعيده مش هتمشي من هنا الا باوامري انا بس
عبير:ماهو مش عشان حلو وكذاب
اقصد شبه عمر الشريف كده مفكر نفسك الواد اللي مافيش منه والبنات تترمي تحت رجلك
لا فوق تيجي لحدي وستوب كده
وقلتلك الورقه دي ماتدخلش ف زمتي ب3 مليم
فاقترب منها حتي التصقت بالحيطه
ايوه يعني انتي عاوزه ايه دلوقت
فارتجفت عاوزه اروح لامي
فجذبها من قفاها
انتي مابنسمعيش قلتلك مافيش مشي من هنا
وماتخفيش مش هتتكرر
ثم انا ماكنتش لوحدي ف الموضوع ده
عبير:لا انا اتخضيت فبلمت
فارس :بلمتي
انت اي حد يجي جامبك تبلمي كده وتسبيه يعمل اللي عاوزه
عبير:لا ياخويا دي عشان اول مره تحصلي بس فاتخضيت
فارس:يعني
عبير:والله لو قربتلي تاني انت حر
مفكر نفسك عمر الشريف بجد لما كان بيبوس ورده ف معبوده الجماهير
فارس :عمر الشريف عمره مامثل مع ورده ومعبوده الجماهير ده بتاع عبد الحليم وشاديه
دا لو سمعوكي كانو انتحرو
عبير:الله يرحم الجميع عقبالك كده اما تحصلهم
يكور قبضه يديه فتغمض عيناها من الخوف
بقي عوزاني احصلهم
عبير:دا يبقي يوم المني بالنسبه ليا هفرق شربات اني خلصت منك
انا مش عارفه بتعمل فيا كده ليه
فابتعد عنها يلا روحي نامي
...............................
دائما تتصل عبير ب اميره لتعرف اخبارهم وتطمن عليهم واخذت رقم سها للاطمئنان عليها ولكنها لاترد
عبير:ايوه يااميره سها اختك مابتردش عليا ليه
اميره:معلش ياعبير هي قالتلي ابلغك ماتتصليش بيها هي محملاكي مسؤليه كل اللي حصلها
عبير:ماشي حبيبتي وانتو كويسين
اميره :الحمد لله
واغلقت وجلست تبكي حالها حتي اختها لا تطيقها وتحملها ماهي فيه
عبير :الو ايوه يارحاب
رحاب:مالك عبير فيكي ايه بتعيطي ليه حصلك حاجه
عبير:محتجاكي اوي تعرفي تجيلي العنوان ده
رحاب :طب هستاذن من الدكتور وجيالك
جاءت رحاب مسرعه الي الفيلا
لتجد ادهم ف الجنينه حاولت الا تعيره انتباه
ادهم:انتي ياشابه
يا ضاكتوره هي وكاله من غير بواب
ولا جايه تكملي وصله الخناق داانا سيبتلك الكليه كلها جايالي هنا
رحاب:وانت البواب الجديد بقي ماحدش عينك بياع ف صيدليته
ادهم:لا وغلاسه دمك انا الجنايني
وانتي جايه ليه
رحاب:جايه لاختي مرات صاحب البيت
انت بقي مين
ادهم:انا صاحب البيت
عبير:جوز اختي
ادهم:جوز اختك مين ياهبله دي اد امي
رحاب تضربه ف صدره
مين اللي هبله ماتشتمش ثم اختي صغيره اد امك ايه امال انت مين
ادهم:انا اخو فارس جوزها وانتي بقي اخت عبير
رحاب:شوفت الصدف
وسع بقي خليك قاعد صايع كده لا شغله ولا مشغله وتركته ليجري يجذبها اليه ف الوقت الذي كادت تقع والتوت قدمها فيمسكها من خصرها فتلتقي العيون وعند التقاء العيون تغلق الجفون واييييييه انا بكره اسرائيل
والله تنفع شعبوله
والله لاذلكو زي مابتزلوني ف اللايكات
المهم نرجع مرجوعنا للناس اللي نامت نصحيهم
ادهم انتي كويسه
رحاب:رجلي بس اتلوت ادهم :طب اقعدي هنا
حاول اسنادها مش قادره تدوس عليها فحملها للكرسي وهي تقول لا ياادهم نزلني ماينفعش كده
ادهم:شششششش اسكتي شويه خليكي هنا ماتتحركيش علي مااجي
وراح جاب مرهم ورباط ضاغط
رحاب:خلاص هعملها انا
ادهم:مش قلت مره ششششش
مش عاوز كلمه انا علي فكره دكتور بردو مش مبيض محاره
ووعملها المرهم والرباط
جربي تقومي كده
رحاب:مش قادره
ادهم:اوديكي المستشفي ليكون كسر
رحاب:لا هو جزع لو كسر كان الالم هيبقي مضاعف عن كده
ادهم:ماشي يادكتوره
وحملها
رحاب:انت هتعمل ايه
ادهم:هدخلك لاختك هتفضلي ف الشمس هنا
رحاب:لا نزلني ماينفعش تدخلني كده
ادهم:والله لو ماسكتي لارميكي ف الارض
انتي مابتفصليش
أنت تقرأ
رغم ذلك احببته
Roman d'amourكان يطاردها ولا تعلم ان له زوجه واولاد لتوافق في سبيل صفقه انقاذه لاختها المشلوله ولكن يعلم أخو زوجته وينتقم منهما بطريقته الخاصه
