رغم ذلك احببته
اعاده ترميم
الحلقه 17
رحاب:المهم سيبك من ادهم وارفه دا واد مجنون
عبير:ادهم دا عسل العيله ياريت فارس نصه
الا كشري ويخاف يضحك للرغيف السخن لوشه يشقق
رحاب:شكلك مبقوقه منه اوي
المهم انتي قلقتيني مالك كنتي بتعيطي ليه ف التليفون
عبير:يعني مش عارفه ماما مش طيقاني😢😢
وحتي سها قلت اكلمها اطمن عليها لما عرفت اللي حصلها من اميره
مش راضيه ترد عليا ومحملاني كل اللي حصلها
رحاب :سها صغيره وهي الوحيده اللي اتبهدلت بسبب عملتك دي
من سوكا للحاج محمود ياقلبي لاتحزن
البت دي اتبهدلت اوي وهي صغيره ع اللي حصلها بس ماباليد حيله
هي مسيرها تكبر وتفهم
بس انا كمان ماتخيلتش انك تعملي كده ياعبير
عبير:والله مظلومه يا رحاب انا ماعملتش حاجه كله غصب عني
رحاب :ازاي يعني
عبير:انا اتخطفت وصورني معاه وانا مغمي عليا وهددني امضي ورقه الجواز
رحاب تلطم :عورفي كمان
عبير:بس مالمسنيش
رحاب :ايه الهبل ده امال عمل كده ليه
عبير:ماهو ده اللي هيجنني
دا مش طايقني
رحاب :امال اتهبب واجوزك ليه
عبير:معرفش
رحاب:انتي عملتيله حاجه
عاكسك مره ولطشطيه قلم وعاوز ينتقم منك
عبير:والله مااعرفه ولا عمري شوفته
رحاب :دا مجنون دا ولا ايه قومي يابت معايا
لازم نروح لامك
عبير:ولو جه ومالقانيش دا بيهددني بالصور
رحاب:مش بقيتي مراته هيفضح نفسه هو ومراته
قومي يابت ولو راجل يوريني جمال خطوته
وفعلا اخذتها ونادو علي ادهم الذي حملها
ادهم:هشتغلك اوبر انا والتوصيل للمنازل
رحاب :خلاص نزلني مش عاوزه منك حاجه
ادهم:يابت! 😉 يعني مش عاجبك الشيله
رحاب:ماتبطل رغي بقي
انت ايه راديو
ادهم:والله احدفك تحت عجله العربيه اسويكي بالارض
وركبها العربيه وايضا عبير واوصلهم واضطر يركن بعيد لان السياره لا تدخل
وجه يشيل
رحاب :لاااا انت اجننت هسند علي عبير
جاءت تسند مش عارفه
فسندها من الجهه الاخري
ادهم:يلا بقي بلاش كلام كتير
رحاب :طب قولي الاول للدكتور مش هقدر اجي فقد كانو امام الصيدليه
واستاذنت لها ورجعت
واسندتها معه
رحاب :طب خلاص ياادهم هنشوف اي صاحبه لنا
ولكن كانو قد وصلو البيت
فراتهم ابتهال
ابتهال :مالك ياضاكتوره واخدت بالها من ادهم
امال مين الجدع الحيليوه ده اللي ساندك
عبير :خلاص يارحاب كبري وسببك منها
رحاب:فسحي شويه كده ياعبير
دا البوي فريند بتاعي ياابتهال
لكي شوق ف حاجه
ابتهال:لا ياغاليه انا بسال بس انتي بالذات تعملي اللي عوزاه لو عاوزه تاخديه الشقه لوحديكو المفتاح اهو ياختي
رحاب:اااه انا بحسب
ابتهال:لا ياغاليه ماتحسبيش يخرب بيت اللي يزعلك
ادهم:مين دي
رحاب:مالكش دعوه انت بحاجه واسكت خالص
يبص لعبير ويشاور علي رحاب مين دي
عبير :ولا اعرفها
رحاب :انتو هتستهبلو عليا انتو الاتنين
ادهم :طب طالما فيها بوي فريند وخربانه خربانه
راح شايلها ع السلم وخبط امها فتحت
فيه ايه يابت هي كل واحده جيالي بمصيبه
ادهم:مافيش ياطنط ماتقلقيش دي اجزعت بس ومش عارفه تمشي
سعاد :وانت مين هو اي حد يشيلك ويجيبك
رحاب :دا ادهم اخو فارس جوز عبير
سعاد:عبير ومجايب عبير قطعت ولا كانت
فوجدتها امامها
سعاد:ايه اللي جابك
ادهم احس بالتوتر الموجود فانزل رحاب
طب استاذن انا بقي
سعاد:ماشي يابني كتر خيرك وقفلت وراه
رحاب :اقعدي بس ياامه وهنفهمك علي كل حاجه
وقصو عليها ماحدث
سعاد تحتضنها ياحبيبتي يابنتي وساكته دا كله ومستحمله
بس اوعي يكون جه يمتك
عبير:دا بينيمني ف الحمام ياامه هو طايقني
مافيش غير مره كان
سعاد :كان ايه يابت
عبير:لا مفيش وانا هسكتله طلعت عينه
وفي نفسها كتي جيتي شوفتي تمثال رمسيس اللي كنت فيه
سعاد :اه بحسب
خلاص مالكيش مرواح هناك تاني وتقعدي هنا
عبير:بس انا مراته ومش مراته
انا مش عارفه اعمل ايه
سعاد:اقعدي واللي عاوزه ربنا هيكون
عبير:ونعم بالله
أنت تقرأ
رغم ذلك احببته
Romanceكان يطاردها ولا تعلم ان له زوجه واولاد لتوافق في سبيل صفقه انقاذه لاختها المشلوله ولكن يعلم أخو زوجته وينتقم منهما بطريقته الخاصه
