أمتلاك قلوب الجبابرة

الفصل السادس

«أمتلأك قلوب الجبابره»
      «بقلمي إسراء محمود »
«الفصل السادس»
******
فاق من شروده على لمسة يد ليالي الناعمة لتقول له بحنان: بتفكر في اللي فات مش كده
ياسين بجمود: احم لا انا ببص على السحاب
ليالي وهي تنظر لنافذة الطائرة: لما بنزل مصر كل فترة كنت بحس أن الزمن بيرجع فلاش باك خالتو إنجي وأنكل أكمل وعز البارد المستفز وعدي اللي على طول بيهزر ويارا اللي على طول بتتشاكس على عكس أريج الهادية وأنكل مصطفى الراجل الجنتل لتطلق تنهيدة بهمهمة ولا سيف اللي كان على طول معايا وسند ليا في لمحة بصر مبقيناش سوا تفتكر يا ياسين اتغيروا؟ والبيت اللي مليان صفات مختلفة يا ترى بقا عامل ازاي؟
ياسين ببرود: ليالي انتي طيبة اووي بتفكري في ناس اكيد نسوا اسمنا إي أصلا، العالم بتاعي اتمسح منه اللي فات وانتي كمان لازم تنسي عشان متتعبيش في حياتك
لتدمع عين ليالي على حاله فهو لم يكن كذلك كان طيب الطبع مرح، ولكن الماضي ليس بهين
استقرت الطائرة في مطار العريش بعد فترة من الزمن
لينزل ياسين وخلفه ليالي ومعه أسطول من الحراسة نعم فهو شخصية مهمة ولديه أعداء في كل مكان

*********
في فيلا الشامي
كان الشيخ عزام قد طلب من الجميع الاستيقاظ باكراً للترحيب بضيف مهم ومن اللازم حضور الجميع
كانت معالم وجه كل من مصطفى ونادية مليئة بالتوتر من هذه المقابلة فبعد كل هذه المدة سنتواجه
نزل كل من أريج ويارا وليلى وياسمين وفيروز
لتقول فيروز بنوم: صباح الخير إي يا جدو مصحينا بدري ليه
الشيخ عزام بهدوء: في ناس جاية ولازم نستقبلهم
أتى عز ويامن وسرين وجلسوا بدون كلام
ليلى بسخريه: إلا قوليلي يا طنط سردين هو بتاع القماش نسي المقاسات وهو بيقص ولا إي أصل التيشيرت واصل لنص بطنك والبنطلون اوه سوري قصدي الهوت شورت مجبش حتى ربع رجلك
سرين بسخرية وغضب: انتي عارفه تمن اللي مش عجبك ده تمنة كام وبعدين الجو حر اوووي
ليلى بسخرية: معروف تمنه 7ونص من أي خردة وبعدين لو حرانة اشربي سينا كولا نيهاهاااا
نظرت لها سرين بغضب ولم ترد
وصلت مكالمة لأمير ليرد: يعني انت برا طيب انا طالعلك
توترت نادية بشدة
خرج أمير ليستقبل ياسين وليالي بعد أن علم بان ليالي ابنه خالة ياسين
دخلوا وما ان دخل ياسين لتصيب الصدمة الجميع وقف كل من مصطفى ونادية وسيف وعدي وعز ويامن وأريج ويارا وسرين
ليقول ياسين بغضب وصوت جهوري: دول بيعملوا إي هنا
فزعت فيروز وياسمين وليلى منه
ليقول الشيخ عزام بهدوء: اهلا يا ياسين أمير كلمني عنك كتير بس حبيت اشوفك
ياسين بهدوء مخادع: اهلا يا شيخ عزام اتشرفت بحضرتك
ليوجهه كلامه لأمير: برضوا عاوز افهم دول بيعملوا إي هنا
أمير بهدوء: اهدى يا ياسين اقعد وخلينا نتكلم
ليجلس ياسين فتظهر ليالي من خلفه لتفاجأ فيروز بها وتصرخ بفرحة وتذهب لتحتضنها لتقول: ليالي قلبي بتعملي إي هنا
ليالي بسعادة: انا بنت خالة ياسين
فيروز بمرح: اه الراجل اللي داخل يجعر ده، ده سيكا وكان خرم وداني
لتضربها ليالي بخفه: اسكتي يخربيتك
لتأخذها ويجلسوا بجانب البنات
ذهب سرين إلى الشاليه بسرعة هاربة من ياسين
*********
ليقول الشيخ عزام: ياسين طبعا بعيد عن الموضوع الأساسي اللي جاي عشانه بس حابب اقولك إني حابب انهي الخلاف اللي ما بينك وبين اخوك
ليصرخ ويامن وياسين سوياً: مش اخويا
الشيخ عزام بحده: لا أخوات غصب عنكم اخوات وصحاب بعيداً عن إني معرفش سبب الخلاف اللي يخليكم اعداء اكتر من تسع سنين
ياسين بهدوء مخادع: أمير انا جاي عشان خاطرك وخاطر إنك محتاج مساعدتي لكن اللي بيحصل ده مش هسمح بيه
قالها وخرج من المكان
*******
ما إن خرج حتى اتجهت إليه أريج تريد أن تحتضنه ولكنه منعها قائلاً بحدة: مفيش ميتين بيحضنوا احياء