قدر الجزء الثاني

الفصل الثاني

Part 2
بعد سماع خبر حمل ملاكه كانت السعاده تغمُره وفجأه تحولت ملامح وجه عمرو من السعاده الي الحزن وابعد ملك من بين احضانه وتركها جالسه ووقف وعيونه كانت مليئه بالدموع
ملك قامت مسرعه لعشقها الاول والاخير وهي تحتضنه وتود معرفت سبب بكائه فهو لا يبكي الا في اصعب اصعب الظروف احتضنته برفق ورفعت وجهه لها ومسحت بكفيها علي وجهه : مالك يا عمرو بتعيط ليه انت زعلان ان هيكون ليك طفل مني.....مش انت دايما كنت بتقولي نفسي في بيبي شبهك كده واسميه ملاك سواء كان بنت او ولد بس انا كنت اقولك عايزه ولد شبهك يبقي سندي وسندك ويبقي راجل زيك (وبدات دموعها تنهمر كاالشلال)
مسح عمرو دموعها وتابع بحب : وانا كنت بقولك لا عايز بنوته جميله شبهك في كل حاجه (وبدأ يتلاعب في خصلات شعرها) في جمالك رقتك تكون شبهك في كل تفصيله حتي في الضحكه ولما تكبر وتبقي عروسه ابقي اشوف راحل يتقدم ليها هيبقي يومه اسود وهعمل زي عادل امام في فيلم عريس من جهه امنيه
نظرت له ملك وضحكت ضحكتها اللتي يعشقها الضحكه اللتي خطفت قلبه وعقله منُذ أول يوم وقعت عينه في عينها وتابعت وهي تقترب منه حتي أصبحت انفاسهم متلاقيه : طيب بتفهمني بتعيط ليه دلوقتي يا زعيم
عمرو : مش عارف مش عارف يا ملك أفرح إن هيكون ليا طفل يشيل أسمي ولا أزعل إن بابا هيموت من غير مايشوفه (وبدأ عمرو في بكاء حارق )
ذهبت ملك وجلست بقربه وهي وتُربت علي كتفه وتخاول تهدئته : هيقوم إن شاء الله ويرجع وسطنا متقولش بس كلمه هيموت دي تاني عمو هيقوم وهيشيل ملاك وهيشيل إبن مدحت وفاتن كمان
انتفض عمرو من مكانه وبدأ بالصراخ المَمزوج بالبكاء : بابا اصلا ميت بابا مش عايش بابا ميت انا اللي مفهمكم انه عايش عشان لو صدمه كمان نزلت علي ماما هتموت
ملك بعدم فهم : ميت ميت ازاي
عمرو وهو يتمالك نفسه : بابا عايش علي الاجهزه بس ياملك عايش... علي ...الاجهزه
ملك وقد صُدِمت مما سمعت : بتقول ايه (وبدأت في البكاء) خ خالتو........لو سمعت الكلام ده هتموت فيها ياعمرو انت متخيل انت عملت ايه (وقامت بالوقوف امام عمرو وهي منفعله عاليه ) انت مستوعب انت عملت ايه انت عملت مصيبه
عمرو : عملت ايه انا خفت عاليهم من الصدمه في الأول بعد موت عمي
ملك : غلط يا عمرو غلط انت كده عشمتهم ياعمرو عشمتهم جامد
عمرو بحزن شديد : انا هتصرف ياملك.. البسي دلوقتي عشان هنروح المستشفي وقبلها هننزل نقول للعيله علي خبر الحمل
ملك : وعمو مجدي
عمرو : حاضر
______________________________________
في قصر ضخم مصمم علي الطيراز الحديث
كانت تجلس فتاه أسمها ماجي ذات عيون خضراء وشعر لون شروق الشمس يكاد يصل الي رقبتها واربع رجال (احمد شخص وسيم و ذا عيون بنيه وهو شخصيه جاده لا يحب المزاح أو الحديث في شيء خارج العمل
جاسر وهو من اصل تركي ذا عيون زرقاء وشعر أشقر تقع جميع الفتياة بلا إثتثناء في حبه بسبب معاملته الرقيقه مع الفتايات
إسلام هو شخص مستهتر جداً ولا يعطيه أحد الأمان أبداً لكنه يسهل لهم دائماً طلبات المخدرات
هيثم هو شخص مرح جدا رغم شخصيته الشرسه ويحي دائماً المزاح لاكن يفكر الجميع الف مره قبل ان يتحدوه) وهم عصابه وعصابتهم تسمي الأسود
ماجي : الزفته اللي اسمها كارولين دي مش هتجبها لبر هي مش هتهدي غير لما نخلص عاليها
إسلام وهو يدخن : ياستي كبري يعني هي سرقت ورثك
جاسر : احنا لو فضلنا ساكتين يا يسو هي اللي هتخلص عالينا
ماجي موجهه كلامها لأحمد : ساكت كده يبقي بتفكر.. ايه اللي في دماغك
احمد وقد ضحك بأستهزاء : وأنا من أمتي بقول اللي في دماغي يا ماجي.
جاسر بأطمئنان : كده بقي يبقي الله يرحمك يا كوكو
وضحكوا جميعاً بضحكات تعالت في القصر
______________________________________
في مستشفي*****
ممرضه : يا دكتور حاله استاذ مجدي هنعمل فيها ايه
الدكتور : انا هكلم دكتور عمرو وهقولك تعملي ايه
الممرضه : تمام يا دكتور
الدكتور هاتف عمرو : الو يا دكتور عمرو
عمرو : الو يا دكتور اخبار حضرتم ايه
الدكتور : انا تمام الحمد الله بس حالة والدك لازم تقولنا هتعملوا إيه عشان مينفعش يفضل اكتر من كده علي الاجهزه انت عارف الامل معدوم
عمرو: عارف يا دكتور هبلغ حضرتك النهارده
الدكتور : تمام مع السلامه
______________________________________
في منزل عائله المكاوي
بالتحديد في شقه مجدي
كان يجلس دلال و ذينب ومدحت وفاتن
دلال : خير يابني جمعتنا كلنا ليه
عمرو: بصوا ياجماعه في خبرين خبر حلو او وخبر يعني هو مش حلو بس لازم ناخد فيه قرار
ذينب : هو ايه اللي مش حلو وناخد قرار ايه فهمنا
عمرو : طيب هفهمكم كل حاجه بس الاول هقول ليكم الخبر الحلو..(قان بوضع يديه حول ملك وشدها إليه) لوكا حامل
ذينب ودلال في نفس واحد بفرحه كبيره : ايه حامل لولولولولولولولولولولولولولولي
فاتن بفرحه : مبروووووك يا لوكا
ملك : عقبالك يا تونه يارب
مدحت : طيب الخبر التاني بقي
عمرو : بصوا يا جماعه بابا من وقت مادخل المستشفي في الحادثه وهو ....
قاطعه صوت خديجه زوجت عمه : في ايه يا جماعه خير فرحونا
دلال : اتفضلي يا خديجه ....ملك حامل
خديجه بفرحه : يا الله مبارك لكي يا ملك
ملك : شكرا يا طنط
دلال : امال البنات فين
خديجه : مكه في الكليه و مني نايمه معدتش بتقوم من النوم اصلا من وقت اللي حصل لباباه.. القصد عمها
دلال : خديجه محمد الله يرحمه هو اللي رباها وهيفضل ابوها زي ما مجدي ابوها
عمرو : موضوع مني ده انا هشوفه هاخدها معايا المستشفي هكشف عاليها هناك بس خلونا دلرقتي في موضوعنا
مدحت : كنت بتقول من ساعة ما دخل المستشفي هو وسكت احنا عارفين انه في غيبوبه
عمرو: ايوه بس هو مش في غيبوبه زي ما قولتلكم
لم يسمع عمرو اي صوت و عم السكوت علي المكان
اكمل عمرو حديثه: بابا من يوم ما دخل المستشفي وهو عايش علي الاجهزه يعني لو شيلنا الاجهزه ثانيه يبقي خلاص ......فدلوقتي عايزه قرار منكم عشان كمان المستشفي عايزه قرار هنشيل ولا لا مع العلم إن أمل إن بابا يفوق يكاد يكون منعدم نسبه صغيره خالص ومش عارف اتصرف ازاي
دلال والدموع تملأ عيونها : حتي لو الأمل معدوم يا عمرو ابوك يفضل علي الاجهزه لحد ما ربنا اللي يريد
عمرو : حاضر يا ماما بس انا مش قولتلكم عشان انا عايزه أشيله من علي الاجهزه انا قولتلكم عشان مش ببقي بعلقكم بحبال دايبه
مدحت : احسن حاجه انك قولتلهم عشان يبقوا عارفين ومستعدين لاي صدمه
عمرو : طيب انا نازل ياجماعه عايزين حاجه
دلال وذينب و خديجه : سلامتك يا عمرو
عمرو: يلا يا لوكا ......انا هعدي علي مني اخدها معايا اشوف حكاية النوم ده ايه
خديجه : ماشي يا عمرو خد المفتاح اهو (واعطته المفتاح)
نزل عمرو هو وملك لمني
عمرو : مني انتي يابت قومي (وكان يضربها علي وجهها ضربات خفيفة)
مني وهي تفيق من نومها : ح ح حاضر ...عايز ايه ياعمرو
عمرو : قومي يلا عشان تيجي المستشفي معايا اكشف عاليكي
مني : تكشف عاليا ليه
عمرو : مامتك بتقول انك بتنامي كتير اوي لدرجه انك مش بتصحي خالص وانك قبل الحادثه بتاعت بابا وعمي كنتي تمام
مني : طيب هلبس واحي وراك علي المستشفي
عمرو : خلاص هاتي ملك معاكي عشان عارفك لو سبتك مش هتيجي
مني : ماشي
ذهب وعمرو ولحق به الفتاتان بعد نصف ساعه
ملك قامت بالاتصال بعمرو : الو يا حبيبي إحنا في المستشفي تحت
عمرو : طيب أركبي الاسانسير واطلعي الدور الخامس
ملك : ماشي
وصل كلاً من ملك ومني الطابق الخامس وذهبَ لعمرو
عمرو : تعالوا انا هنا
واخذهم وذهب لغرفة الفحوصات قام بإجراء الفحوصات لملك واثناء الفحوصات
عمرو: انتي ازاي يا مدام تيجي تكشفي وانتي حامل لوحدك فين جوزك ها مش خايف عاليكي وانتي زي القمر كده
ملك بأبتسامه : معلش يا دكتور المره الجايه هجيبو معايا ههه
عمرو بأبتسامه : طيب قومي يلا
ملك : ايه دكتور طمني عشان اطمن جوزي
عمرو وهو قد اقترب من ملك : متخافيش جوزك اطمن
مني : والنبي ياحج انا سنجل وقعده معاكوا راعوا مشاعري بقي
انفجر ملك وعمرو ضحكاً
عمرو : طيب قومي انتي بقي عشان تكشفي يا ابله
مني : طيب
بعد نصف ساعه كان يقوم دكتور اخر بالفحوصات المطلوبه لمني
الدكتور يتحدث لعمرو : هي كويسه بس مش بتنام بالليل كويس عشان كده بتنام كتير بالنهار صح يا انسه
مني : لا بنام بليل كويس اوي كمان
الدكتور : خلاص هكتبلك علي شويه ادويه هتنتظمي عاليها وبعد شهر نبقي نشوف فيه تحسن ولا لا
مني :تمام
عمرو : شكرا يا دكتور
الدكتور : العفو يا عمرو
عمرو وهو يكلم مني وملك : إيه هتروحوا فين بقي
ملك : عايزه أروح أشتري حاجات من السوبر ماركت
مني : وانا هنزل اشتري حاجات ليا واتمشي شويه طريقنا غير بعض نعمل ايه بقي
عمرو: اممم.... انزلي تحت هتلاقي عربيه بسواق مستنياكي هتوديكي السوبر ماركت وتروحك
ملك : ماشي
______________________________________
ذهبت مني الي مول ودخلت احد الحمامات وقامت بتغير ملابسها وقامت بإرتداء بنطلون جلد اظهر جمال جسدها النحيف وجاكيت جلد كلاهما باللون الاسود وقامت بفك حجابها وتركت شعرها منسدلاً علي ظهرها وكان ناعما كالحرير ووضعت روج باللون الاحمر القاتم وارتدت نظارت الشمس ووضعت ملابسها الاخري في حقيبه و وضعتها في أحد خزائن عاملات النظافه
وذهبت للجاراچ وركبت ونادت علي صاحب الجاراچ ليحضر لها سياره ضخمه من نوع BMW
صاحب الجراچ : اتفضلي يا انسه كالولين
ركبت السياره وقالت بصوت كله جمود وقوه : اسمي كارولين .
ذهبت بسياراتها الي قصر عصابه الأسود
وبحثت بعينها في القصر فلم تحد احد ؛ جلست علي أحدالكراسي ووضعت رجلاً علي رجل واشعلت سيجاره وانتظرت نصف ساعه فوجدت بعدها العصابه تدلف إلى القصر وتفاجئوا بالمنظر وهي جالسه
احمد بتصفيق : لا هايل جيتي برجليكي
وقفت مني او كارولين كما يعرفوها واقتربت منه ونفخت الدخان في وجه احمد : ايوه جيت
ماجي بغيظ وهي تقترب من كارولين : كده كده كنتي هاتيجي برضاكي او غصب عنك
امسكتها من يديها بقوه
كارولين بتكبر : أصحى يا ماجي كارولين مبتروحش لحد غصب
وقامت بلف زراعها وشدتها كارولين اليها انا مش زيك وقامت برميها علي الارض بقوه
جاسر : كارولين كده كده رجالتنا كانوا هيجيبوكي بس انتي
كارولين مقاطعه له : انا انقذتهم عشان لو حد كان فكر يعمل حاجه فيا مجرد تفكير بس كان هيزعل جامد وانت عارف
احمد وهو يتفحص كارولين وهو يقترب منها لدرجه ان انفاسهم كانت متلاقيه وينتظر ان ترجع للوراء او الدفاع عن نفسها لاكنها لم تفعل
احمد : انتي احلويتي اوي يا كوكو
كارولين : I know
قام بإمساكها من خصرها لكنها قامت بضربه و اعطته لاكمات مرات متتاليه في وجه وتابعت: عشان تفكر تتطاول علي كارولين تاتي يا روح كوكو
وهي امام باب القصر وتستعد للخروج
هيثم : احنا مخلصناش الكلام
كارولين : الكلام مبدأش عشان يخلص
وتركتهم وذهبت
.
.
.
.
.
يتبع
*بقلم :شهد شعلان*
#شهد_شعلان