#جواهر_محطمة
#للكاتب _ محمد_ ابو جود
#البارت_الخامس
المهم وياك الي عتبه
وكلب مكسور
وضهر عوده نحنه
وصواب بالجنحان
من دكلي هم تكدر بدوني تعيش ؟
ماجنت ادري تقصد جايك هجران
عمري بغيبتك باقيله مشوارين
للدكتور مره ومره للدفان
شيخ سرحان : اي بوية سرمد احجي كدام اخيتك حتى تسمع
سرمد : خوية اني رحت لمنطقة الولد بالجادرية
الولد اسمة حسن ام حسن موظفة و متقاعدة و ابو حسن مطلق ام حسن و عايش بالامارات بين فترة و فترة يجي يشوف اولادة و يروح ما عدهم غير حسن و اخت حسن ارملة و عايشة وياهم يعني بيت الولد ما عايشين بي غير حسن و ام حسن و اخت حسن
و الولد عندا شركة أزياء رجالية و ناس معروفين و المنطقة كلها تحب حسن الي عرفتة عليه ولد محترم حياتة بين الشغل و البيت و نادي الرياضي و ولد ابو غيرة و ناس تكول عساكم تنخونة يعني بالمختصر المفيد احسن من هيج عريس ما راح يجيج
شيخ سرحان : ها بوية شنو رأيج
جواهر : ما ادري شيخ بكيفك
شيخ سرحان : الولد خوش ولد اني اشوف تقبلين حتى تخلصين من ابوج و مرت ابوج
جواهر : ماشي شيخ اني موافقة
ام سرمد : الله يتمملج على خير و يرزقكم السعادة و الذرية الصالحة
جواهر : رحم الله والديج خالة
شيخ سرحان : بوية لعد جهزي نفسج حتى اخذج لاهلج و اتمنى ما نكون قصرنة وياج
جواهر : بالعكس والله اني كلش اتشكركم على وكفتكم وياي ،،، كمت لبست حجابي و العبايه و طلعت سلمت ع البنات و ام سرمد و تشكرت منهن و طلعنة اني و الشيخ سرحان لبيت اهلي وصلنة دكيت الباب طلعت امل
امل : لا هلا رجعتي
جواهر : الله يهل دموعج على عزاز أن شاء الله
شيخ سرحان : استغفر الله شنو هاي راح تتعاركن بالباب
جواهر : مشكور شيخ ما اعرف اشلون اجازيك على تعبك وياي ... جريت ايد الشيخ ردت ابوسهة ما قبل و هوا جر راسي باسة و راح دخلت للبيت بس امل و امي ما سلمت عليهن
نزعت العباية عفتهة ع التخم و صعدت لغرفتي كمت سبحت و كعدت أقرأ قرآن و اتمنيت من الله امل تحجي حرف واحد وياي بس ضلت ساكتة لحد ساعة 11 بليل نزلت لكيتهم كاعدين بالصالة ضليت ساكتة ما حجيت وياهم حرف و رحت للمطبخ
ام جواهر : يمة جواهر اشلونج اذا جوعانة عشاج بالاوڤن
جواهر : ما رديت عليها و دخلت للمطبخ اخذت خيارة و صمونة و اكلتهن و صعدت نمت ثاني يوم كعدت الصبح شبعت قهر على مدرستي الراحت بسبب هاي الحقيره امل و المحترم العربانة مالتهة ابوية
